ប្រទេសរុស្ស៊ីកាលពីថ្ងៃទី២៨ មិថុនា កន្លងមក បានគំរាមកាត់ផ្តាច់ការផ្គត់ផ្គង់ថាមពលដល់ប្រទេសបេឡារុស្ស ក្រោយពីប្រទេសនៅក្បែរខាងខ្លួនមួយនេះ ខកខានមិនបានសងបំណុលដោយលើកឡើងពីវិបត្តិសេដ្ឋកិច្ច ។ ក្រុមហ៊ុនផ្គត់ផ្គង់ថាមពលរុស្ស៊ី Inter RAO UES និយាយថា ការកាត់ផ្តាច់ការផ្គត់ផ្គង់ថាមពលនេះ
ប្រទេសរុស្ស៊ីកាលពីថ្ងៃទី២៨ មិថុនា កន្លងមក បានគំរាមកាត់ផ្តាច់ការផ្គត់ផ្គង់ថាមពលដល់ប្រទេសបេឡារុស្ស ក្រោយពីប្រទេសនៅក្បែរខាងខ្លួនមួយនេះ ខកខានមិនបានសងបំណុលដោយលើកឡើងពីវិបត្តិសេដ្ឋកិច្ច ។ ក្រុមហ៊ុនផ្គត់ផ្គង់ថាមពលរុស្ស៊ី Inter RAO UES និយាយថា ការកាត់ផ្តាច់ការផ្គត់ផ្គង់ថាមពលនេះ នឹងចូលជាធរមានចាប់ពីថ្ងៃទី២៩ មិថុនាទៅ ។
អ្នកនាំពាក្យក្រុមហ៊ុននេះ លោក Anton Nazarov និយាយប្រាប់ទីភ្នាក់ងារព័ត៌មានបារាំង AFP ថា យើងមិនទាន់ទទួលបានការបង់សង់ប្រាក់បំណុលដែលប្រទេសបេឡារុស្សជំពាក់នៅឡើយទេ ដូច្នេះយើងនឹងកាត់ផ្តាច់ការផ្គត់ផ្គង់ថាមពលអគ្គិសនីទាំងស្រុងដល់ប្រទេសនេះចាប់ពីថ្ងៃទី២៩ មិថុនាទៅ។ ប្រទេសរុស្ស៊ីបានគំរាមកាត់ផ្តាច់ការផ្គត់ផ្គង់ថាមពលអគ្គិសនីដល់ប្រទេសបេឡារុស្ស ក្រោយពីផ្តល់ការពន្យារពេលឱ្យប្រទេសនេះបង់សងបំណុលដែលជំពាក់ ហើយនៅតែមិនទាន់សងទៀត ។
ក្រុមហ៊ុនផ្គត់ផ្គង់ថាមពលរុស្ស៊ីនិយាយថា ខ្លួននឹងបន្តការផ្គត់ផ្គង់ថាមពលដល់ប្រទេសបេឡារុស្សវិញ ដរាបណា បំណុលដែលប្រទេសនេះជំពាក់ត្រូវបង់សងរួចរាល់។
ប្រទេសបេឡារុស្សនិយាយថា ខ្លួនមានប្រាក់គ្រប់គ្រាន់ដើម្បីបង់សងថ្លៃថាមពលទៅឱ្យរុស្ស៊ី ប៉ុន្តែខ្លួននៅខ្វះប្រាក់រូប្ល៍បន្តិចបន្តួច៕
ចែករំលែកព័តមាននេះ