ខេត្តព្រះវិហារ ៖ នៅវេលាម៉ោង៩និង៣០នាទីព្រឹកថ្ងៃទី២៧ មិថុនា លោកឧត្តមសេនីយ៍ត្រី ម៉ៅ ពៅ ស្នងការប៉ូលិសខេត្តព្រះវិហារ និងជាប្រធានក្រុមការងារបង្ក្រាបបទល្មើសខេត្តមានការសង្ស័យទៅលើរថយន្តយីឌុបចំនួន២គ្រឿង ដែលដឹកឈើចាស់ចេញពីភូមិសាស្ត្រស្រុកជាំក្សាន្ត ឆ្លងកាត់ទីប្រជុំជនក្រុងព្រះវិហារ ឆ្ពោះទៅកាន់ខេត្តតាកែវ
ខេត្តព្រះវិហារ ៖ នៅវេលាម៉ោង៩និង៣០នាទីព្រឹកថ្ងៃទី២៧ មិថុនា លោកឧត្តមសេនីយ៍ត្រី ម៉ៅ ពៅ ស្នងការប៉ូលិសខេត្តព្រះវិហារ និងជាប្រធានក្រុមការងារបង្ក្រាបបទល្មើសខេត្តមានការសង្ស័យទៅលើរថយន្តយីឌុបចំនួន២គ្រឿង ដែលដឹកឈើចាស់ចេញពីភូមិសាស្ត្រស្រុកជាំក្សាន្ត ឆ្លងកាត់ទីប្រជុំជនក្រុងព្រះវិហារ ឆ្ពោះទៅកាន់ខេត្តតាកែវ។
ពេលនោះលោកឧត្តមសេនីយ៍ត្រីក៏បានចាត់តាំងសមត្ថកិច្ចដឹកនាំដោយលោកប៉ុល ខាំណារ៉េ ជានាយខណ្ឌរដ្ឋបាលព្រៃឈើព្រះវិហារ សហការជាមួយសមត្ថកិច្ចសឹករងខេត្តព្រះវិហារមានលោកវរសេនីយ៍សឹង ចាន់សុភ័ត្រា ប្រចាំទិសភ្នំដែក ក្នុងស្រុករវៀង ព្រមទាំងសមត្ថកិច្ចប៉ូលិសស្រុករវៀង និងផ្នែករដ្ឋបាលព្រៃឈើស្រុករវៀងធ្វើការឃាត់រថយន្តយីឌុបចំនួន២គ្រឿង ។ ១គ្រឿងពាក់ស្លាកលេខ កំពង់ចាម 3A-0261 ពណ៌ត្រេអ៊ី និង១គ្រឿងទៀតពាក់ស្លាកលេខ ព-០៣៤២ ភព៣ ពណ៌បៃតង ពីបទប្រើប្រាស់រថយន្តធុនធ្ងន់ និងវែងខុសខ្នាតដឹកឈើហួសចំណុះដែលប្រឆាំងនឹងបទបញ្ជារបស់រាជរដ្ឋាភិបាល និងដើម្បីត្រួតពិនិត្យឈើដែលផ្ទុកនៅលើរថយន្តទាំង២គ្រឿងខាងលើនេះ។ ពិតជាឈើចាស់ត្រឹមត្រូវតាមការស្នើសុំដឹកជញ្ជូន ឬបែបណាទេ ព្រោះកន្លងទៅអាជ្ញាធរខេត្តតែងតែឃើញមានរថយន្តប្រភេទធំៗដូចខាងលើបានដឹកទំនិញយ៉ាងសំពីងសំពោង មិនដឹងថា ដឹកអ្វីខ្លះនៅក្នុងរថយន្តទាំងនោះឡើយ។ លុះឃាត់ត្រួតពិនិត្យទៅនៅពីក្រោមទំនិញ និងក្រោមឈើចាស់ឃើញសុទ្ធតែឈើគ្រញូង ទើបពេលនេះប្រធានក្រុមការងារបង្ក្រាបបទល្មើសខេត្តយោងតាមបទបញ្ជារបស់លោកអ៊ុំ ម៉ារ៉ា គណៈមេបញ្ជាការឯកភាពខេត្ត មានវិធានការដាក់កម្លាំងស្ទាក់គ្រប់គោលដៅ ដើម្បីឃាត់រថយន្តទាំងនោះយកមកធ្វើការត្រួតពិនិត្យ ។
អ្នកតាមដានសន្និដ្ឋានថា វាពិតជាមានអ្វីលើសពីនេះថែមទៀត ក្នុងការឆែកឆេរក្នុងរថយន្តនេះ ហើយមន្ត្រីក្នុងប្រតិបត្តិការនេះមិនទាន់ផ្តល់របាយការណ៍ណាមួយឱ្យដឹងនៅឡើយទេ នាល្ងាចថ្ងៃដដែលនេះ។ បន្ទាប់ពីមានការត្រួតពិនិត្យជាបឋមនារសៀលថ្ងៃទី២៧ មិថុនា នេះ រថយន្តល្មើសទាំង២ខាងលើ សមត្ថកិច្ចបានកំណត់ថា រថយន្តទាំងនេះពិតជាមិនមែនដឹកឈើចាស់តាមពាក្យស្នើសុំទេ គឺរកឃើញឈើប្រភេទគគីរលេខ១ ទើបតែអារថ្មីៗនៅពេញពីលើ តែដោយឡែកនៅខាងក្រោម គេមិនទាន់បានធ្វើការពិនិត្យទេ ដោយខ្វះកម្លាំងលើកចុះ រង់ចាំត្រួតពិនិត្យនៅព្រឹកថ្ងៃទី២៨ មិថុនា នឹងធ្វើការរើឈើទាំងអស់នៅលើរថយន្តប្រាកដជានឹងឃើញថា មានឈើប្រណីតប្រភេទគ្រញូងនៅពីខាងក្នុងដូចការសន្និដ្ឋាននោះ។ ប៉ុន្តែពេលនេះសមត្ថកិច្ចបានរកឃើញថា ឈើនៅលើរថយន្តពិតជាមានបទល្មើសរួចទៅហើយ ដើម្បីដាក់បន្ទុកចោទប្រកាន់៕
ចែករំលែកព័តមាននេះ