ប្រទេសលីប៊ីបានបដិសេធកាលពីថ្ងៃទី២៧ មិថុនា នូវដីកាចាប់ខ្លួនចេញដោយតុលាការឧក្រិដ្ឋកម្មអន្តរជាតិ CPI ប្រឆាំងនឹងលោកមូអាម៉ា កាដាហ្វី និងកូនប្រុសរបស់លោកដោយរំលឹកថា ក្រុងទ្រីប៉ូលីពុំទទួលស្គាល់ស្ថាប័នអន្តរជាតិនេះឡើយ។ ក្នុងសន្និសីទសារព័ត៌មានមួយនៅក្រុងទ្រីប៉ូលីរដ្ឋមន្ត្រីក្រសួងយុត្តិធម៌លីប៊ី
ប្រទេសលីប៊ីបានបដិសេធកាលពីថ្ងៃទី២៧ មិថុនា នូវដីកាចាប់ខ្លួនចេញដោយតុលាការឧក្រិដ្ឋកម្មអន្តរជាតិ CPI ប្រឆាំងនឹងលោកមូអាម៉ា កាដាហ្វី និងកូនប្រុសរបស់លោកដោយរំលឹកថា ក្រុងទ្រីប៉ូលីពុំទទួលស្គាល់ស្ថាប័នអន្តរជាតិនេះឡើយ។ ក្នុងសន្និសីទសារព័ត៌មានមួយនៅក្រុងទ្រីប៉ូលីរដ្ឋមន្ត្រីក្រសួងយុត្តិធម៌លីប៊ី លោកម៉ូហាម៉េដ អាល់កាមូឌី ថ្លែងថា លីប៊ីពុំទទួលយកឡើយនូវការសម្រេចចិត្តទាំងឡាយរបស់តុលាការ CPI ដែលជាឧបករណ៍មួយរបស់ពិភពលោកខាងលិចសំរាប់កាត់ទោសបណ្តាមេដឹកនាំតតីយលោក។
តុលាការCPIកាលពីថ្ងៃទី២៧ មិថុនា បានចេញដីកាចាប់ខ្លួនប្រឆាំងមេដឹកនាំលីប៊ី លោកមូអាម៉ា កាដាហ្វី និងកូនប្រុសលោកឈ្មោះសៃអ៊ីហ្វ អាល់អ៊ីស្លាម ព្រមទាំងប្រមុខភ្នាក់ងារស៊ើបការណ៍លោកអាប់ដាល់ឡាហ៍ អាល់សឺនូស៊ី ពីបទឧក្រិដ្ឋប្រឆាំងមនុស្សជាតិ។ លោកកាដាហ្វី បានដឹកនាំប្រទេសលីប៊ីចាប់តាំងពីជាង៤១ឆ្នាំមកហើយ ក៏ប៉ុន្តែលោកពុំកាន់តំណែងណាមួយក្នុងប្រព័ន្ធនយោបាយលីប៊ីឡើយ។
ចៅក្រមតុលាការCPI លោកស្រី SANJI MMASENONO MONAGENG វាយតម្លៃថា លោកកាដាហ្វីពិតជាអ្នកត្រួតត្រាផ្តាច់មុខ និងមិនអាចប្រកែកបាននៃអំណាចរដ្ឋនៅលីប៊ីក្នុងនោះរួមទាំងកងកម្លាំងសន្តិសុខផង។ សេចក្តីសម្រេចចិត្តនោះរបស់តុលាការ CPI មានភ័ព្វវាសនាតិចបំផុតដែលអាចចាប់ខ្លួនលោកកាដាហ្វីបានបើដរាបណាលោកកាដាហ្វីនៅតែកាន់អំណាចនៅលីប៊ី។ ពួកឧទ្ទាមលីប៊ីក៏ដូចជាបណ្តាប្រទេសជាសមាជិកអូតង់ដែលគាំទ្រពួកគេដែរចាត់ទុកការចេញដីកានេះថា លោកកាដាហ្វីបាត់បង់រាល់ភាពស្របច្បាប់សម្រាប់ដឹកនាំប្រទេស៕
ចែករំលែកព័តមាននេះ