រាជធានីភ្នំពេញ ៖ កាលពីវេលាម៉ោង១០យប់ថ្ងៃទី២៦ មិថុនា ២០១១ រថយន្តតាក់ស៊ីម៉ែត្រមួយគ្រឿង ពាក់ស្លាកលេខ ភ្នំពេញ 2Q-1082 ដែលជារបស់ក្រុមហ៊ុន CHOICE បានបុករបាំងដែកចែកផ្លូវទាំងកម្រោលលើកំណាត់មហាវិថីព្រះសីហនុ ស្ថិតក្នុងសង្កាត់បឹងកេងកងទី១ ខណ្ឌចំការមន បណ្តាលឱ្យរថយន្តដាច់កង់ខាងឆ្វេង និងរបាំងខូចខាត
រាជធានីភ្នំពេញ ៖ កាលពីវេលាម៉ោង១០យប់ថ្ងៃទី២៦ មិថុនា ២០១១ រថយន្តតាក់ស៊ីម៉ែត្រមួយគ្រឿង ពាក់ស្លាកលេខ ភ្នំពេញ 2Q-1082 ដែលជារបស់ក្រុមហ៊ុន CHOICE បានបុករបាំងដែកចែកផ្លូវទាំងកម្រោលលើកំណាត់មហាវិថីព្រះសីហនុ ស្ថិតក្នុងសង្កាត់បឹងកេងកងទី១ ខណ្ឌចំការមន បណ្តាលឱ្យរថយន្តដាច់កង់ខាងឆ្វេង និងរបាំងខូចខាតអស់បីផ្ទាំង ប៉ុន្តែមិនមានមនុស្សណាម្នាក់ស្លាប់ ឬរបួសនោះទេ។
ស្ត្រីម្នាក់ដែលមានលំនៅឋានក្បែរចំណុចកើតហេតុបានឱ្យដឹងថា មុនពេលកើតហេតុមានរថយន្តមួយគ្រឿង ពណ៌លឿង ដែលគេដឹងថា ជារថយន្តតាក់ស៊ីម៉ែត្របើកលើកំណាត់មហាវិថីព្រះសីហនុ ឆ្ពោះទៅទិសវិមានឯករាជ្យ លុះមកដល់ជិតហាងឡាក់គី ស្ថិតក្នុងសង្កាត់បឹងកេងកងទី១ ខណ្ឌចំការមន មិនដឹងមូលហេតុអ្វីស្រាប់តែរថយន្តនោះរេចង្កូតទៅបុករបាំងដែកចែកផ្លូវទាំងកម្រោល បណ្តាលឱ្យបាក់បែករបាំងដែកអស់បីផ្ទាំង រីឯរថយន្តដាច់កង់ខាងឆ្វេង។
ស្ត្រីដដែលបានបញ្ជាក់ថា នៅពេលរថយន្ត ឈប់គាត់ឃើញអ្នកបើកបរតាក់ស៊ីបានបើកទ្វាររថយន្ត ចេញមកខាងក្រៅម្នាក់ឯងតែពុំមានអាការស្រវឹងស្រានោះទេ ហើយគាត់ក៏មិនដឹងមូលហេតុអ្វីដែរ។ តាមការគត់សំគាល់កន្លងមករបស់គាត់នៅចំណុចកើតហេតុខាងលើហាក់ដូចជាមានជើងកប ព្រោះរថយន្តនិងម៉ូតូមិនតិចគ្រឿងទេដែលជួបគ្រោះថ្នាក់ដោយចៃដន្យក្នុងពេលកំពុងបើកបរស្រាប់តេរេចង្កូតទៅម្ខាង បណ្តាលឱ្យបុកនេះបុកនោះ ។
រថយន្តតាក់ស៊ីម៉ែត្ររបស់ក្រុមហ៊ុន CHOICE ដែលបុករបាំងដែកចែកផ្លូវនៅចំណុចខាងលើ មិនត្រូវបានអ្នកបើកបរតាក់ស៊ីរូបនោះប្រាប់ពីមូលហេតុដល់សមត្ថកិច្ចនោះទេ ហើយរថយន្តបង្កត្រូវស្ទូចយករក្សាទុកនៅសាលារាជធានីភ្នំពេញ ដើម្បីដោះស្រាយសំណង៕
ចែករំលែកព័តមាននេះ