នាងអៃស្វារីយ៉ា រ៉ៃ ដែលជាតារាភាពយន្តបូលីវូដឥណ្ឌាល្បីឈ្មោះ ហើយមានសម្រស់ស្អាតគួរឱ្យទាក់ទាញ ពេលនេះកំពុងមានផ្ទៃពោះកូនដំបូង។ ព័ត៌មានពី នាងអៃស្វារីយ៉ា រ៉ៃ មានផ្ទៃពោះនេះ ត្រូវបានអះអាងបញ្ជាក់ដោយឪពុកក្មេករបស់នាង គឺលោក Amitabh Bachchan ជាតារាភាពយន្តបូលីវូដជើងចាស់ម្នាក់កាលពីថ្ងៃទី២១ មិថុនា កន្លងមក។
នាងអៃស្វារីយ៉ា រ៉ៃ ដែលជាតារាភាពយន្តបូលីវូដឥណ្ឌាល្បីឈ្មោះ ហើយមានសម្រស់ស្អាតគួរឱ្យទាក់ទាញ ពេលនេះកំពុងមានផ្ទៃពោះកូនដំបូង។ ព័ត៌មានពី នាងអៃស្វារីយ៉ា រ៉ៃ មានផ្ទៃពោះនេះ ត្រូវបានអះអាងបញ្ជាក់ដោយឪពុកក្មេករបស់នាង គឺលោក Amitabh Bachchan ជាតារាភាពយន្តបូលីវូដជើងចាស់ម្នាក់កាលពីថ្ងៃទី២១ មិថុនា កន្លងមក។
ព័ត៌មានអំពីនាងអៃស្វារីយ៉ា រ៉ៃ មានផ្ទៃពោះបានធ្វើឱ្យអ្នកគាំទ្រនាងមានការភ្ញាក់ផ្អើលយ៉ាងខ្លាំង ព្រោះពួកគេរង់ចាំព័ត៌មាននេះជាយូរមក
ហើយ។ នាងអៃស្វារីយ៉ា រ៉ៃ ជាតារាភាពយន្តបូលីវូដ ដ៏ល្បីឈ្មោះមិនត្រឹមតែទទួលបានការគាំទ្រក្នុងប្រទេសប៉ុណ្ណោះ ហើយថែមទាំងទទួលបានការគាំទ្រនៅក្រៅប្រទេសទៀតផង ។ នាងជាបវរកញ្ញាពិភពលោកប្រចាំឆ្នាំ២០០៤ ហើយត្រូវបានជ្រើសរើសជានារីស្អាតបំផុតនៅលើពិភពលោក។
នាងអៃស្វារីយ៉ា កើតនៅថ្ងៃទី១ វិច្ឆិកា ឆ្នាំ១៩៧៣ ធ្លាប់ធ្វើជាតារាម៉ូដែលមុនពេលនាងចាប់អាជីពជាតារាសម្តែង ហើយបានទទួលជ័យជំនះក្នុងការប្រកួតជ្រើសរើសបវរកញ្ញាពិភពលោកប្រចាំឆ្នាំ២០០៤។ ក្នុងអាជីពជាតារាភាពយន្តនាងបានចូលរួមសម្តែងក្នុងខ្សែភាពយន្តជាង៤០រឿង ។
នាងអៃស្វារីយ៉ា រ៉ៃ មុនពេលការប្តីធ្លាប់មានទំនាក់ទំនងស្នេហាដូចតារាភាពយន្តដទៃទៀត ដែរ ដោយនាងមានទំនាក់ទំនងស្នេហាជាមួយលោក Salman Khan ជាតារាភាពយន្តបូលីវូដ ល្បីឈ្មោះ ហើយព័ត៌មានអំពីទំនាក់ទំនងស្នេហារវាងអ្នកទាំងពីរត្រូវបានចេញផ្សាយក្នុងកាសែតក្នុងស្រុកនានារហូតដល់ពួកគេទាំងពីរបែកបាក់គ្នានៅឆ្នាំ២០០១ ។ នាងអៃស្វារីយ៉ា រ៉ៃ បានរៀបអាពាហ៍ពិពាហ៍ជាមួយលោក Abhishek Bachchan នៅថ្ងៃទី២០ មេសា ឆ្នាំ២០០៧ ក្រោយពីមានទំនាក់ទំនងស្នេហាជាមួយគ្នាបានរយៈពេល២-៣ឆ្នាំមក។ បើគិតរហូតមកដល់បច្ចុប្បន្នចំណងអាពាហ៍ពិពាហ៍របស់នាងមានរយៈពេលជាង៤ឆ្នាំ ហើយទើបតែមានកូនប៉ុណ្ណោះ ៕
ចែករំលែកព័តមាននេះ