រាជធានីភ្នំពេញ ៖ រឿងគ្រោះថ្នាក់ចរាចរណ៍បន្តិចបន្តួចសោះ មិនចេះយោគយល់គ្នាខ្មាន់កាំភ្លើងបានបា.ញ់៣ទៅ៤គ្រាប់ បណ្តាលឱ្យមនុស្សម្នាក់រងរបួសបាក់ជើងឆ្វេង ហើយជនល្មើសគេចខ្លួនបាត់ ។ ហេតុការណ៍នេះបានកើតឡើង កាលពីវេលាម៉ោង៦និង១០នាទីថ្ងៃទី២០ មិថុនា ២០១១ នៅចំណុចមុខហាងគោដុតឌុយមិច៥០
រាជធានីភ្នំពេញ ៖ រឿងគ្រោះថ្នាក់ចរាចរណ៍បន្តិចបន្តួចសោះ មិនចេះយោគយល់គ្នាខ្មាន់កាំភ្លើងបានបាញ់៣ទៅ៤គ្រាប់ បណ្តាលឱ្យមនុស្សម្នាក់រងរបួសបាក់ជើងឆ្វេង ហើយជនល្មើសគេចខ្លួនបាត់ ។ ហេតុការណ៍នេះបានកើតឡើង កាលពីវេលាម៉ោង៦និង១០នាទីថ្ងៃទី២០ មិថុនា ២០១១ នៅចំណុចមុខហាងគោដុតឌុយមិច៥០ តាមបណ្តោយផ្លូវលេខ១០៩ ស្ថិតក្នុងសង្កាត់វាលវង់ ខណ្ឌ៧មករា រាជធានីភ្នំពេញ ។
ជនរងគ្រោះដោយខ្មាន់កាំភ្លើងបាញ់ឱ្យបាក់ជើងខាងឆ្វេងនោះមានឈ្មោះខាន់ ច័ន្ទវិរៈ ភេទប្រុស អាយុជាង២០ឆ្នាំ មុខរបរកងជីវពល សង្កាត់វាលវង់ ។ ប្រភពព័ត៌មានជំហានដំបូងនៅកន្លែងកើតហេតុបានឱ្យដឹងថា ខ្មាន់កាំភ្លើងមិនត្រូវបានគេស្គាល់ឈ្មោះទេ មានមាឌរាងធំស្លៀកខោប៉ារ៉ា ពាក់អាវយឺតខ្មៅ ជិះម៉ូតូម៉ាកPTX ពាក់ ស្លាកលេខ ភ្នំពេញ 1AX-5767 មិនដឹងជាចេញពីទិសតំបន់ណាមកទេ ដល់ចំណុចខាងលើបានប៉ះជាមួយម៉ូតូឌុប បណ្តាលឱ្យដួលនៅមុនរថយន្តជនរងគ្រោះដែលនោះជារឿងគ្រោះថ្នាក់ចរាចរណ៍សុទ្ធសាធ។ ប្រភពបន្តទៀតថា ពេលខ្មាន់កាំភ្លើងប៉ះពៀរគ្នានឹងម៉ូតូឌុប អ្នកម៉ូតូឌុបបានស្តីបន្ទោសទៅលើបុរសខ្មាន់កាំភ្លើង ធ្វើឱ្យមានការឈ្លោះប្រកែកតឹងសរសៃ.កដាក់គ្នា ផ្អើលមនុស្សម្នាទៅចោមរោមមើលរហូតកកស្ទះចរាចរណ៍ទៀតផង។
ខណៈពេលអ្នកដំណើរទៅមើលកុះករនោះ បានធ្វើបុរសខ្មាន់កាំភ្លើងកាន់តែខឹង រហូតស្ទុះទៅទាត់រថយន្តម៉ាកហ៊ីយ៉ាន់ដាយ ជាកម្មសិទ្ធិរបស់លោកខាន់ ច័ន្ទវិរៈ ដែលស្ថិតនៅក្បែរនោះមួយជើង រួចបានស្រែកជេរម្ចាស់រថយន្តយ៉ាងកម្រោលថា បណ្តាលមកពីអាម្ចាស់រថយន្តចតទទឹងផ្លូវទើបធ្វើឱ្យជិះប៉ះគ្នា។ ពាក្យសម្តីដែលបានជេរប្រមាថ នឹងយកជើងធាក់រថយន្តបានធ្វើឱ្យលោកខាន់ ច័ន្ទវិរៈ មានការខឹងសម្បា ហើយក៏កើតជាជម្លោះកាន់តែខ្លាំង។ ពេលនោះបុរសខ្មាន់កាំភ្លើងបានបាញ់៣ទៅ៤គ្រាប់ចំលោកខាន់ ច័ន្ទវិរៈ ត្រូវជើងឆ្វេង១គ្រាប់ របួសហូរឈាមដួលទៅលើដី រួចគេក៏ទាញម៉ូតូជិះគេចខ្លួនភ្លាមទៅ ក្រោមការតាមប្រមាញ់ពីសមត្ថកិច្ច ប៉ុន្តែចាប់មិនបានទេ…មកដល់ព្រឹកថ្ងៃទី២១ មិថុនា ២០១១ សមត្ថកិច្ចកំពុងលើកគ្នារាប់សិបនាក់ ទៅតាមស្វែងរកខ្មាន់កាំភ្លើង ព្រោះដឹងថា គេលាក់ខ្លួននៅទីណាហើយ…៕
ចែករំលែកព័តមាននេះ