រាជធានីភ្នំពេញ ៖ សាលារាជធានីភ្នំពេញមិនអនុញ្ញាតឱ្យអាជីវករចំនួន១៦១នាក់ ដែលកំពុងប្រកបអាជីវកម្មលើកំណាត់ផ្លូវលេខ១១ ជាផ្លូវទាល់ ក្នុងផ្សារកណ្តាល ស្ថិតក្នុងសង្កាត់ផ្សារកណ្តាលទី១ ខណ្ឌដូនពេញ លក់ដូរបន្តទៀតនោះទេ។ នេះបើយោងតាមលិខិតលេខ២៦០ ឆត.ចសម.ខ ចុះថ្ងៃទី២៦ ឧសភា ២០១១ របស់សាលារាជធានី
រាជធានីភ្នំពេញ ៖ សាលារាជធានីភ្នំពេញមិនអនុញ្ញាតឱ្យអាជីវករចំនួន១៦១នាក់ ដែលកំពុងប្រកបអាជីវកម្មលើកំណាត់ផ្លូវលេខ១១ ជាផ្លូវទាល់ ក្នុងផ្សារកណ្តាល ស្ថិតក្នុងសង្កាត់ផ្សារកណ្តាលទី១ ខណ្ឌដូនពេញ លក់ដូរបន្តទៀតនោះទេ។ នេះបើយោងតាមលិខិតលេខ២៦០ ឆត.ចសម.ខ ចុះថ្ងៃទី២៦ ឧសភា ២០១១ របស់សាលារាជធានី ភ្នំពេញ ចុះហត្ថលេខាដោយលោកកែប ជុតិមា។
លោកហែម ឫទ្ធី នាយករងរដ្ឋបាលខណ្ឌដូនពេញ បានឱ្យដឹងថា សាលារាជធានីភ្នំពេញ បានចេញសេចក្តីជូនដំណឹងឱ្យអាជីវករចំនួន១៦១នាក់ ដែលលក់លើផ្លូវលេខ១១ ឱ្យរុះរើតូបចេញ ហើយនៅថ្ងៃទី២១ មីនា ២០១១ សាលាខណ្ឌដូនពេញ បានបើកកិច្ចប្រជុំផ្សព្វផ្សាយនៅសាលាខណ្ឌឱ្យអាជីវករទាំងនោះធ្វើការរុះរើតូបលក់ដូរចេញពីផ្លូវលេខ១១ ដែលជាផ្លូវទាល់ក្នុងផ្សារកណ្តាលដោយខ្លួនឯង ក៏ប៉ុន្តែក្រុមអាជីវករមិនយល់ព្រមរុះរើ ហើយពួកគេទាំង១៦១នាក់ បានធ្វើសំណើមកសាលាខណ្ឌដោយសុំបន្តការធ្វើអាជីវកម្មនៅលើទីតាំងដដែល រហូតដល់ផ្សារសាងសង់ជាថ្មី ។
សាលាខណ្ឌបានបញ្ជូនរបាយការណ៍សំណើរបស់អាជីវករទៅសាលារាជធានីភ្នំពេញ ហើយនៅថ្ងៃទី២៦ ឧសភា ២០១១ សាលារាជធានីភ្នំពេញបានចេញលិខិតមួយលេខ២៦០ ឆត.ចសម.ខ ចុះហត្ថលេខាដោយលោកកែប ជុតិមា បានបញ្ជាក់ថា ចំពោះសំណើរបស់អាជីវករចំនួន១៦១នាក់ កំពុងប្រកបអាជីវកម្មលើកំណាត់ផ្លូវលេខ១១ជាផ្លូវទល់ក្នុងផ្សារកណ្តាល សង្កាត់ផ្សារកណ្តាលទី១ ខណ្ឌដូនពេញ សុំបន្តការលក់ដូរលើផ្លូវនេះតទៅទៀតនោះ សាលារាជធានីភ្នំពេញមិនអនុញ្ញាតឱ្យបន្តលក់ដូរតទៅទៀតឡើយ៕
ចែករំលែកព័តមាននេះ