ប្រភពព័ត៌មានក្នុងស្រុកមួយគូសបញ្ជាក់ប្រាប់ស៊ីនហួថា មនុស្សយ៉ាងតិច៣នាក់បានត្រូវស្លាប់កាលពីយប់ថ្ងៃទី១៦ មិថុនា ក្នុងការផ្ទុះមួយដែលកើតមានក្នុងទីក្រុងណឺតាន់យ៉ា ភាគកណ្តាលអ៊ីស្រាអែល។
ការផ្ទុះយ៉ាងខ្លាំងកើតមានក្នុងអគារមួយដែលក្រៅពីមនុស្សស្លាប់ មនុស្សប្រមាណជា១០នាក់ទៀតក៏ត្រូវរបួសដែរ។ កងកម្លាំងសន្តិសុខ និងពួកអ្នកជួយសង្គ្រោះបានលើកទៅកាន់ទីនោះដើម្បីជម្លៀសប្រជាជនចេញ។ មូលហេតុនៃការផ្ទុះនោះនៅពុំទាន់ដឹងនៅឡើយ។
បណ្តាមន្ត្រីមូលដ្ឋានរៀបរាប់ពីលទ្ធភាពនៃការធ្លាយឧស្ម័នដោយវាយតម្លៃថា នោះនឹងពុំមែនជាការវាយប្រហារដោយគ្រាប់បែកមួយឡើយ។ ក៏ប៉ុន្តែប៉ូលិសបានតាមរុករករថយន្តមួយគ្រឿង និងមនុស្ស២នាក់ដែលយោងតាមសាក្សីទាំងឡាយថា បានចាកចេញពីកន្លែងកើតហេតុក្រោយការផ្ទុះបន្តិច ៕
ចែករំលែកព័តមាននេះ