ខេត្តបន្ទាយមានជ័យ ៖ បុរសម្នាក់ព្រោះតែមានជីវភាពក្រីក្រ បន្ទាប់ពីមកពីជម្រះស្មៅដំឡូងឱ្យគេហើយបានឆ្លៀតដើរទៅជីកទំពាំងនៅគុម្ពឫស្សីមាត់អូរព្រំដែនកម្ពុជា-សៀម តែជាអកុសលក៏ជាន់មីនផ្ទុះ បណ្តាលឱ្យដាច់ជើងម្ខាង។ ហេតុការណ៍នេះ បានកើតឡើង កាលពីវេលាម៉ោង៥ និង២០នាទីល្ងាច ថ្ងៃទី១៣ មិថុនា ឆ្នាំ២០១១
ខេត្តបន្ទាយមានជ័យ ៖ បុរសម្នាក់ព្រោះតែមានជីវភាពក្រីក្រ បន្ទាប់ពីមកពីជម្រះស្មៅដំឡូងឱ្យគេហើយបានឆ្លៀតដើរទៅជីកទំពាំងនៅគុម្ពឫស្សីមាត់អូរព្រំដែនកម្ពុជា-សៀម តែជាអកុសលក៏ជាន់មីនផ្ទុះ បណ្តាលឱ្យដាច់ជើងម្ខាង។ ហេតុការណ៍នេះ បានកើតឡើង កាលពីវេលាម៉ោង៥ និង២០នាទីល្ងាច ថ្ងៃទី១៣ មិថុនា ឆ្នាំ២០១១ នៅភូមិបឹងតាស្រី (មហោស្រព) ឃុំគោករមៀត ស្រុកថ្មពួក។
លោកង៉ាម ញិប មន្រ្តីនគរបាលប៉ុស្តិ៍ការពារព្រំដែនលេខ៨០៧ បានឱ្យដឹងថា បុរសរងគ្រោះ ដោយជាន់មីននេះឈ្មោះឈុំ មេត អាយុ២៩ ឆ្នាំ មានប្រពន្ធ និងកូនប្រុសតូចៗចំនួន៣នាក់ រស់នៅក្នុងភូមិកើតហេតុខាងលើ។ មុនពេលកើតហេតុ បុរសរងគ្រោះ ត្រឡប់មកពីបោចស្មៅ និងជម្រះស្មៅដំឡូងឱ្យគេ ហើយក៏បានឆ្លៀតដើររកជីកទំពាំងនៅគុម្ពឫស្សីតាមមាត់អូរព្រំដែន ចម្ងាយប្រមាណ១៥០ម៉ែត្រ ពីភូមិគាត់រស់នៅ និងបានជាន់មីនផ្ទុះ។ ក្រោយពេលឮស្នូរផ្ទុះ ប្រជាពលរដ្ឋរស់នៅទីនោះមានការភ្ញាក់ផ្អើល ហើយនាំគ្នាទៅមើលកន្លែងមានសូរផ្ទុះឃើញបុរសរងគ្រោះលូនចេញមក ក៏នាំគ្នាត្រាយព្រៃយកផ្លូវចូលទៅជួយសង្គ្រោះ។
មន្ត្រីនគរបាលរូបនេះបន្តទៀតថា បន្ទាប់ពីជួយជនរងគ្រោះចេញពីព្រៃឫស្សីបានហើយ ក៏ធ្វើទំនាក់ទំនងទៅអង្គភាពហាឡូត្រាស្តជួយយករថយន្តដឹកជនរងគ្រោះ ទៅព្យាបាលនៅមន្ទីរពេទ្យបង្អែកមិត្តភាពកម្ពុជា-ជប៉ុន នៅស្រុកមង្គលបុរីភ្លាមៗដែរ៕
ចែករំលែកព័តមាននេះ