ខេត្តបន្ទាយមានជ័យ ៖ មន្ត្រីយោធាម្នាក់យកគ្រាប់បែកទៅបោកត្រីក្នុងទឹកស្រះ ត្រូវបានសមត្ថកិច្ចនគរបាលស្រុកមង្គលបុរីសហការជាមួយប៉េអឹម ស្រុកមង្គលបុរី ធ្វើការឃាត់ខ្លួននៅវេលាម៉ោង៩ព្រឹកថ្ងៃទី១១ មិថុនា ឆ្នាំ២០១១ នៅភូមិភ្នំតូច ឃុំភ្នំតូច ស្រុកមង្គលបុរី
ខេត្តបន្ទាយមានជ័យ ៖ មន្ត្រីយោធាម្នាក់យកគ្រាប់បែកទៅបោកត្រីក្នុងទឹកស្រះ ត្រូវបានសមត្ថកិច្ចនគរបាលស្រុកមង្គលបុរីសហការជាមួយប៉េអឹម ស្រុកមង្គលបុរី ធ្វើការឃាត់ខ្លួននៅវេលាម៉ោង៩ព្រឹកថ្ងៃទី១១ មិថុនា ឆ្នាំ២០១១ នៅភូមិភ្នំតូច ឃុំភ្នំតូច ស្រុកមង្គលបុរី។
តាមព័ត៌មានពីលោកវរសេនីយ៍ត្រីផុន សាលីម អធិការនគរបាលស្រុកមង្គលបុរី បានឱ្យដឹងថា មន្ត្រីយោធាដែលកម្លាំងរបស់លោកដឹកនាំដោយលោកអនុសេនីយ៍ឯកហោ សំណាត់ អធិការរងចុះសហការជាមួយកងកម្លាំងប៉េអឹម ស្រុកមង្គលបុរី ធ្វើការចាប់ខ្លួន ពីបទយកគ្រាប់បែកទៅបោកត្រីក្នុងទឹកស្រះឪពុករបស់ខ្លួន កាលពីវេលាម៉ោង១រសៀលថ្ងៃទី១០ មិថុនា ឆ្នាំ២០១១ នៅភូមិសាយសាមន ឃុំចំណោម ស្រុកមង្គលបុរី ដើម្បីយកត្រី។ មន្ត្រីយោធានោះឈ្មោះធុន ឈឿក អាយុ៤៣ឆ្នាំ ជាមន្ត្រីយោធា បម្រើការងារនៅអង្គភាពកងពលលេខ៧ វរសេនាតូច៣៧៥ ឈរជើងនៅស្រុកជាំក្សាន្ត ខេត្តព្រះវិហារ ។
លោកអធិការនគរបាលរូបនេះបានបញ្ជាក់ថា ក្រោយពីទទួលបានព័ត៌មាន កម្លាំងនគរបាលស្រុកបានសហការជាមួយប៉េអឹមធ្វើការចាប់ខ្លួនមន្ត្រីយោធានេះនៅវេលាម៉ោង៩ព្រឹកថ្ងៃទី១១ មិថុនា ឆ្នាំ២០១១ ដោយជនប្រព្រឹត្តល្មើសជាមន្ត្រីយោធា កងរាជអាវុធហត្ថស្រុកបាននាំខ្លួនជននោះមកទីបញ្ជាការដ្ឋាន ដើម្បីរៀបចំសំណុំរឿងចាត់ការតាមនីតិវិធីច្បាប់ ៕
ចែករំលែកព័តមាននេះ