លំហាត់ប្រាណគឺជាសកម្មភាពមួយដែលគេត្រូវតែរក្សាឲ្យមានជាបន្តជាប់ជាប្រចាំ។ ការសិក្សាថ្មីមួយបានបង្ហាញថា មនុស្សមានវ័យចំណាស់បន្តិចដែលធ្វើឱ្យរាងកាយបែកញើសយ៉ាងទៀងទាត់ប្រឈមនឹងការកើតជំងឺ Silent Strokeបន្តិចបន្តួចប៉ុណ្ណោះធៀបនឹងអ្នកដែលមិនដែលហាត់ប្រាណទាល់តែសោះ។
ជំងឺស្ត្រូក(ដាច់សរសៃឈាមក្នុងខួរក្បាល)អាចបំផ្លាញខួរក្បាលតាមរយៈការដាច់សរសៃឈាមមិនឲ្យឈាមហូរទៅកាន់ខួរក្បាល។ ប៉ុន្តែមិនដូចជាជំងឺស្ត្រូកធំៗមួយចំនួនទៀតដែលត្រូវបានគេដឹងតាមរយៈរោគសញ្ញាខាងក្រៅដូចជាខ្សោយផ្នែកណាមួយនៃរាងកាយ ឬក៏ពិបាកក្នុងការនិយាយនោះទេ Silent Strokeមិនបានបញ្ចេញរោគសញ្ញាឲ្យគេដឹងមុនឡើយ។ អ្នកដែលកើតជំងឺនេះមិនបានដឹងថាខ្លួនឯងមានជំងឺឡើយ។ ចំពោះអ្នកដែលមានវ័យចាស់ងាយនឹងកើតជំងឺស្ត្រូកប្រភេទនេះខ្លាំងណាស់ ជាពិសេសស្ត្រី។ ប៉ុន្តែវាក៏អាចកើតនៅលើមនុស្សវ័យក្មេងបានដែរ ។
Silent Strokeក៏មិនដូចគ្នានឹងជំងឺ Mini-Strokeដែរ។
ការសិក្សាដែលដឹកនាំដោយសាកលវិទ្យាល័យColumbia Universityនិងសាកលវិទ្យាល័យUniversity of Miamiបានពិនិត្យទៅលើមនុស្ស១២៣៨នាក់ដែលអ្នកទាំងនោះមិនធ្លាប់មានជំងឺស្ត្រូក។ ក្នុងចំនួននេះមាន៤៣%មិនបានហាត់ប្រាណទៀងទាត់ ៣៦%ហាត់តិចតួចដូចជាការដើរឬក៏លេងកូនហ្គោល ឯ២១%ហាត់ប្រាណពីមធ្យមទៅច្រើនដូចជារត់ត្រឹកៗ ជិះកង់និងហែលទឹក។ ជាច្រើនឆ្នាំក្រោយមកនៅពេលដែលអ្នកធ្វើពិសោធន៍មានអាយុជាមធ្យម៧០ឆ្នាំ អ្នកស្រាវជ្រាក៏បានពិនិត្យម្តងទៀតតាមរយៈការស្គែនMRI។ ជាលទ្ធផលគេរកឃើញថា អ្នកដែលហាត់ប្រាណពីមធ្យមទៅច្រើនមានតែ៤០%ប៉ុណ្ណោះដែលប្រឈមនឹងការកើតជំងឺSilent Stroke ធៀបនឹងអ្នកមិនដែលហាត់ប្រាណ។
ការសិក្សាលើកនេះគេមិនបានរកឃើញពីភាពខុសគ្នារវាងអ្នកហាត់ប្រាណតិចតួចនិងអ្នកមិនហាត់ប្រាណនោះទេ ។ ប៉ុន្តែទោះជាយ៉ាងណាគេក៏មិនគួរបោះបង់ចោលការហាត់ប្រាណតិចតួចនោះដែរ។ យ៉ាងហោចណាស់វាក៏អាចធ្វើឲ្យរាងកាយមានសកម្មភាពដែរ។
«ការមិនមានសកម្មភាព ភាពធាត់ដុះពោះកំប៉ោងទាំងពីរនេះសុទ្ធតែជាមេហេតុនាំឲ្យសម្ពាធឈាមក៏ដូចជាខ្លាញ់កូឡេស្តេរ៉ូលឡើងខ្ពស់ មានជំងឺទឹកនោមផ្អែម ជំងឺបេះដូងនិងស្ត្រូក» ៕
ចែករំលែកព័តមាននេះ