រាជធានីភ្នំពេញ ៖ ប្រជាពលរដ្ឋរងគ្រោះដោយសារមេរោគអេដស៍-ជំងឺអេដស៍ចំនួន៨១គ្រួសារនៅសហគមន៍អណ្ដូង៣ សង្កាត់គោករកា ខណ្ឌដង្កោ រាជធានីភ្នំពេញ បានមកទទួលអំណោយសង្គ្រោះពីកាកបាទក្រហមកម្ពុជា សាខារាជធានីភ្នំពេញ នាថ្ងៃទី៧ មិថុនា ឆ្នាំ២០១១ នៅបរិវេណវត្ដឈូកវ៉ាក្រោមអធិបតីភាពលោកប៉ា សុជាតិវង្ស ទីប្រឹក្សា
រាជធានីភ្នំពេញ ៖ ប្រជាពលរដ្ឋរងគ្រោះដោយសារមេរោគអេដស៍-ជំងឺអេដស៍ចំនួន៨១គ្រួសារនៅសហគមន៍អណ្ដូង៣ សង្កាត់គោករកា ខណ្ឌដង្កោ រាជធានីភ្នំពេញ បានមកទទួលអំណោយសង្គ្រោះពីកាកបាទក្រហមកម្ពុជា សាខារាជធានីភ្នំពេញ នាថ្ងៃទី៧ មិថុនា ឆ្នាំ២០១១ នៅបរិវេណវត្ដឈូកវ៉ាក្រោមអធិបតីភាពលោកប៉ា សុជាតិវង្ស ទីប្រឹក្សាផ្ទាល់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា និងជាប្រធានគណៈកម្មាធិការសាខាកាកបាទក្រហមកម្ពុជា រាជធានីភ្នំពេញ ព្រមទាំងលោកជំទាវ។ អញ្ជើញចូលរួមនាឱកាសនោះរួមមានលោក លោកជំទាវ លោកឧកញ៉ា លោក លោកស្រី ក្នុងជួរគណៈកម្មាធិការសាខា មន្ដ្រីប្រតិបត្ដិសាខា អនុសាខាខណ្ឌជាច្រើនរូបទៀត។
មានប្រសាសន៍សំណេះសំណាលនាឱកាសនោះ លោកប៉ា សុជាតិវង្ស បានពាំនាំនូវបណ្ដាំផ្ញើសាកសួរសុខទុក្ខពីសំណាក់លោកជំទាវកិត្ដិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដែលជានិច្ចកាលលោកជំទាវកិត្ដិព្រឹទ្ធបណ្ឌិតប្រធានតែងតែគិតគូរយកចិត្ដទុកដាក់ខ្ពស់ដល់សុខទុក្ខបងប្អូនប្រជាពលរដ្ឋដែលរងគ្រោះដោយសារមេរោគអេដស៍-ជំងឺអេដស៍ប្រកបដោយទឹកចិត្ដមនុស្សធម៌ គ្មានការរើសអើង ធ្វើឱ្យបងប្អូនមានសេចក្ដីសង្ឃឹមរស់នៅប្រកបដោយស្មើភាព និងថ្លៃថ្នូរនៅក្នុងសង្គម ដោយមិនប្រកាន់ពីជាតិសាសន៍ សាសនា វណ្ណៈ ពណ៌សម្បុរ ឬនិន្នាការនយោបាយអ្វីឡើយ ឱ្យតែទីណាមានការរងគ្រោះ រងទុក្ខលំបាក គឺមាន កាកបាទក្រហមកម្ពុជាជានិច្ច ជាក់ស្ដែងដូចបងប្អូនរងគ្រោះនាពេលនេះ។ លោកបានមានប្រសាសន៍បន្ដថា កាកបាទក្រហមកម្ពុជាក្រោមការដឹកនាំដ៏ឈ្លាសវៃប្រកបដោយគតិបណ្ឌិតរបស់លោកជំទាវកិត្ដិព្រឹទ្ធបណ្ឌិត ប៊ុន រ៉ានី ហ៊ុន សែន ជាប្រមុខដឹកនាំ គឺមានការរីកចំរើនលូតលាស់នៅក្នុងតំបន់ល្បីរន្ទឺលើឆាកជាតិ-អន្ដរជាតិ ដែលធ្វើឱ្យលោកជំទាវកិត្ដិព្រឹទ្ធបណ្ឌិតប្រធានទទួលបាននូវគោរម្យងារ និងពានរង្វាន់យ៉ាងច្រើនជាបន្ដបន្ទាប់ ។
អំណោយសង្គ្រោះដែលនាំយកមកប្រគល់ជូនប្រជាពលរដ្ឋរងគ្រោះដោយសារមេរោគអេដស៍-ជំងឺអេដស៍ទាំង៨១គ្រួសារ រួមមាន ៖ អង្ករ២.០២៥គីឡូក្រាម,មី៨១កេស, ទឹកត្រី៤៨៦ដប, ទឹកស៊ីអីុវ៤៨៦ដប, មុង ភួយ កន្ទេល ចានដែក ចានស្រាក់មួយមុខ៨១, ទឹកបរិសុទ្ធឱរ៉ាល់៨១កេស, ទឹកដោះគោ១៦២កំប៉ុង, តែ១៦២កញ្ចប់, ស្ករស៨១កញ្ចប់ និងថវិកា៤.០៥០.០០០រៀល (បួនលានប្រាំម៉ឺនរៀល) ជាអំណោយរបស់សាខាកាកបាទក្រហមកម្ពុជារាជធានីភ្នំពេញ។ សម្ភារ និងថវិកាបន្ថែមទទួលបានពីលោកជំទាវឧកញ៉ា យីន ផាន្នី ម្សៅសាប៊ូ៨១កញ្ចប់, លោកជំទាវឧកញ៉ា ភាព ហៀក ប្រេងឆា៨១ដប ទឹកដោះគោ១៦២កំប៉ុង, លោកឧកញ៉ា ថៃ សេងឡុង ថវិកា៤០៥.០០០រៀល, លោកសុខ ចំរើន ថវិកា៤០៥.០០០រៀល, លោកជំទាវ សេង គី ថវិកា២០៥.០០០រៀល, លោកជំទាវ មុំ ក្រសាល ថវិកា២០៥.០០០រៀល, លោកជំទាវ សំ សុចិរ៉ា ម៉ាន់ឈឿន ថវិកា២០០.០០០រៀល និងលោកស្រី មុំ សណ្ដាប់ ថវិកា២០០.០០០រៀល។
បន្ទាប់ពីការចែកអំណោយជូនដល់ប្រជា ពលរដ្ឋដែលរងគ្រោះរួចមក លោកប៉ា សុជាតិវង្ស និងលោកជំទាវ ព្រមទាំងប្រតិភូសាខាទាំង អស់បានបន្ដដំណើរទៅពិនិត្យមើលស្ថានភាពរស់ នៅ និងផ្ទះរបស់ប្រជាពលរដ្ឋរស់នៅក្នុងសហ គមន៍អណ្ដូង៣។ សូមបញ្ជាក់ថា មូលនិធិអភិវឌ្ឍន៍កាត់បន្ថយភាពក្រីក្ររាជធានីភ្នំពេញ (UPDF) បានសាងសង់ផ្ទះជូនប្រជាពលរដ្ឋបានជាង៣០០ខ្នង ក្នុងនោះផ្ទះដែលកាកបាទក្រហមកម្ពុជា សាខារាជធានីភ្នំពេញ សហការជាមួយមូលនិធិ (UPDF) នេះ បានសង់ជូនបានចំនួន១៣៥ខ្នង៕
កេត ទិត្យា
ចែករំលែកព័តមាននេះ