ខេត្តព្រះវិហារ ៖ ជនសង្ស័យ២នាក់បានជាប់អន្ទាក់ប៉ូលិសខេត្ត កាលពីថ្ងៃទី៨ មិថុនា ក្រោយពីធ្វើសកម្មភាពសម្លា.ប់ប៉ូលិសព្រំដែនម្នាក់ប្លន់យកម៉ូតូនាថ្ងៃទី៧ មិថុនា ។ ជនទាំង២នាក់នេះ ម្នាក់ឈ្មោះរុន សារិ ហៅអ៊ុល ភេទប្រុស អាយុ២១ឆ្នាំ ជាកម្មករចាក់លូ មានទីលំនៅភូមិជ្រៃ ឃុំខ្ចាស់ ស្រុកសូទ្រនិគម ខេត្តសៀមរាប
ខេត្តព្រះវិហារ ៖ ជនសង្ស័យ២នាក់បានជាប់អន្ទាក់ប៉ូលិសខេត្ត កាលពីថ្ងៃទី៨ មិថុនា ក្រោយពីធ្វើសកម្មភាពសម្លាប់ប៉ូលិសព្រំដែនម្នាក់ប្លន់យកម៉ូតូនាថ្ងៃទី៧ មិថុនា ។ «ប៉ូលិសព្រំដែនម្នាក់ត្រូវឃាតជន២នាក់អារ.កសម្លាប់ប្លន់យកម៉ូតូនៅកន្លែងស្ងាត់» ជនទាំង២នាក់នេះ ម្នាក់ឈ្មោះរុន សារិ ហៅអ៊ុល ភេទប្រុស អាយុ២១ឆ្នាំ ជាកម្មករចាក់លូ មានទីលំនៅភូមិជ្រៃ ឃុំខ្ចាស់ ស្រុកសូទ្រនិគម ខេត្តសៀមរាប និងម្នាក់ទៀតឈ្មោះម៉ឺន វុន ភេទប្រុស អាយុ២១ឆ្នាំ មានទីលំនៅភូមិកំពង់ពោធិ៍ ឃុំកំពង់ស្រឡៅ ស្រុកឆែប ខេត្តព្រះវិហារ និងជាកម្មករចាក់លូដូចគ្នា ។
មន្ត្រីសមត្ថកិច្ចបានឱ្យដឹងថា កាលពីថ្ងៃទី៦ មិថុនា ជនទាំង២នាក់បានជួលម៉ូតូលោក ស្រីសុផាន់ ដែលជាមន្ត្រីប៉ូលិសព្រំដែនគោកក្នុងវរលេខ៧៩៥ ប្រចាំតំបន់ប្រាសាទព្រះវិហារ ខណៈពេលឆ្លៀតរត់ម៉ូតូឌុបក្នុងផ្សារស្រឯម ដោយជួលឱ្យឌុបពួកគេពីភូមិស្រឯមទៅតំបន់អូរជុញ ក្នុងឃុំកំពង់ស្រឡៅ១ ។ លុះព្រឹកឡើងជនទាំង២នាក់បានទូរស័ព្ទហៅឱ្យឌុបពួកគេចេញពីចំណុចអូរជុញទៅភូមិកំពង់ពោធិ៍ ស្ថិតតាមបណ្តោយមាត់ទន្លេមេគង្គ ក្នុងឃុំកំពង់ស្រឡៅ១ដែរ ដោយធ្វើដំណើរតាមផ្លូវខេត្តលេខ២៦២៦ ។
ប្រភពដដែលបានឱ្យដឹងទៀតថា ពេលទៅដល់ស្ពានមួយក្នុងព្រៃស្ងាត់ស្ថិតក្នុងភូមិក្បាលដំរីជនទាំងនេះបានឱ្យម៉ូតូបង្អង់ល្បឿន ហើយមិនទាន់ចុះពីលើម៉ូតូផង ជនឈ្មោះម៉ឺន វុន ដែលជិះនៅកណ្តាលបានយកឡាមពីក្នុងហោប៉ៅចាប់ឆូតផ្តាច់បំពង់កជនរងគ្រោះពីក្រោយធ្វើឱ្យម៉ូតូដួលឯជនល្មើសក៏ដួលដែរ ។ បន្ទាប់មកជនម្នាក់ទៀតឈ្មោះរុន សារិ បានទាញយកកាំបិតព្រាដែលត្រៀមទុកជាស្រេច អារផ្តាច់បំពង់កដោយផ្តួលជនរងគ្រោះទៅនឹងដីរួចហើយអារក្រឡឹងជុំវិញទៀត រហូតដល់ជនរងគ្រោះស្លាប់ ហើយអូសសពទៅចោលក្នុងប្រឡាយក្បែរស្ពាន ទើបយកម៉ូតូជនរងគ្រោះធុនសេ១២៥ ពណ៌ខ្មៅ ស៊េរី២០០៨ ជិះឆ្ពោះទៅកាន់ភូមិកំពង់ពោធិ៍ ឃុំកំពង់ស្រឡៅ១ ជាប់ព្រំប្រទល់ប្រទេសឡាវ ។ លុះដល់រសៀលក្នុងថ្ងៃដដែល អ្នកភូមិដែលធ្វើដំណើរបានប្រទះឃើញសពក៏ទៅរាយការណ៍ប្រាប់សមត្ថកិច្ចប៉ូលិសប៉ុស្តិ៍ក្បាលដំរីទៅពិនិត្យ និងរាយការណ៍បន្តទៅកាន់ស្នងការដ្ឋាន ។
លោកឧត្តមសេនីយ៍ម៉ៅ ពៅ ស្នងការប៉ូលិសខេត្តបានដាក់បទបញ្ជាឱ្យមានការស៊ើបអង្កេតភ្លាមៗដល់កន្លែងកើតហេតុ។ នៅថ្ងៃទី៨ មិថុនា គឺក្រោយមួយថ្ងៃប៉ុណ្ណោះប៉ូលិសបានរកឃើញមុខសញ្ញា និងបានដាក់កម្លាំងតាមឃ្លាំមើលរហូតដល់ចំណុចដែលជនម្នាក់លាក់ខ្លួនក្នុងព្រៃជ្រៅចម្ងាយជាង១០គីឡូម៉ែត្រពីភូមិតាមបណ្តោយមាត់ទន្លេមេគង្គ ។ ពេលនោះប៉ូលិសបានព័ទ្ធចម្ការមួយកន្លែងក្នុងព្រៃរហូតដល់ម៉ោងប្រហែល៨យប់ថ្ងៃទី៨ មិថុនា ក៏បានចាប់ជនឈ្មោះម៉ឺន វុន ដែលប្រុងឆ្លងទន្លេមេគង្គចូលទៅក្នុងទឹកដីឡាវ ចំណែកជនម្នាក់ទៀតឈ្មោះរុន សារិ ត្រូវចាប់ខ្លួននៅនឹងផ្ទះក្នុងភូមិកំពង់ពោធិ៍ ឃុំកំពង់ស្រឡៅ១។
ជនរងគ្រោះជាមន្ត្រីប៉ូលិសព្រំដែនគោកវរលេខ៧៩៥នោះ ឈ្មោះស្រី សុផាន់ អាយុ២៧ឆ្នាំ មានស្រុកកំណើតនៅភូមិថ្នល់កែង ឃុំរុងរឿង ស្រុករវៀង ខេត្តព្រះវិហារ។ លោកឧត្តមសេនីយ៍ម៉ៅ ពៅ បានឱ្យដឹងថា ការឃាត់ខ្លួនជនទាំងពីរនាក់ខាងលើនេះ គឺនៅក្នុងព្រៃ ហើយនៅថ្ងៃដែលស៊ើបអង្កេតទៅឃើញច្បាស់មុខសញ្ញាហើយនោះក៏មានភ្លៀងធ្លាក់យ៉ាងខ្លាំងពេញមួយយប់ដែលសមត្ថកិច្ចជួបនឹងការលំបាកក្នុងការតាមប្រមាញ់ ។ ជនទាំងពីរនាក់ត្រូវបានប៉ូលិសការិយាល័យព្រហ្មទណ្ឌកំរិតធ្ងន់នៃស្នងការដ្ឋានខេត្តកសាងសំណុំរឿងបញ្ជូនទៅតុលាការ៕
ចែករំលែកព័តមាននេះ