រាជធានីភ្នំពេញ ៖ គណៈបញ្ជាការឯកភាពខណ្ឌដូនពេញ បានបើកកិច្ចប្រជុំកាលពី រសៀលថ្ងៃទី៥ ឧសភា ឆ្នាំ២០១០ ក្រោមអធិបតីភាពលោកសុខ សម្បត្ដិ អភិបាលខណ្ឌ ដើម្បីរំលឹកដល់ចៅសង្កាត់ប៉ុស្ដិ៍នគរបាលទាំង១១ ឱ្យពង្រឹងការងារចុះបង្ក្រាប ល្បែងស៊ីសង គ្រឿងញៀ.ន និងទីតាំងរកស៊ីផ្លូវភេទ ក្នុងមូលដ្ឋាន បន្ទាប់ពីមានការព្រមានដកអភិបាលខណ្ឌចំការមន ដោយលោកអភិបាលរាជធានីភ្នំពេញ ។ អ្វីដែលជាការកត់សំគាល់ក្នុងកិច្ចប្រជុំនេះ
រាជធានីភ្នំពេញ ៖ គណៈបញ្ជាការឯកភាពខណ្ឌដូនពេញ បានបើកកិច្ចប្រជុំកាលពី រសៀលថ្ងៃទី៥ ឧសភា ឆ្នាំ២០១០ ក្រោមអធិបតីភាពលោកសុខ សម្បត្ដិ អភិបាលខណ្ឌ ដើម្បីរំលឹកដល់ចៅសង្កាត់ប៉ុស្ដិ៍នគរបាលទាំង១១ ឱ្យពង្រឹងការងារចុះបង្ក្រាប ល្បែងស៊ីសង គ្រឿងញៀន និងទីតាំងរកស៊ីផ្លូវភេទ ក្នុងមូលដ្ឋាន បន្ទាប់ពីមានការព្រមានដកអភិបាលខណ្ឌចំការមន ដោយលោកអភិបាលរាជធានីភ្នំពេញ ។ អ្វីដែលជាការកត់សំគាល់ក្នុងកិច្ចប្រជុំនេះដែរ គឺការកំណត់យកផ្លូវ លេខ១០៦ និង១០៨ ដែលជាកន្លែងគួកជេរថយន្ដធ្វើជាទីលានប្រជាធិបតេយ្យ ។
លោកអភិបាលខណ្ឌដូនពេញ បានធ្វើការកោតសរសើរដល់មន្ដ្រីសាលាសង្កាត់ និងនគរបាលប៉ុស្ដិ៍រដ្ឋបាលទាំង១១ ដែលបានខិតខំការពារសុវត្ថិភាព សណ្ដាប់ធ្នាប់ ទីតាំងសប្បាយភាពក្នុងភូមិសាស្ដ្រខណ្ឌដូនពេញ ក្នុងឱកាស បុណ្យចូលឆ្នាំថ្មីប្រពៃណីជាតិបានល្អប្រសើរគួរជាទីមោទនភាព ។ ប៉ុន្ដែចៅសង្កាត់ និងនាយប៉ុស្ដិ៍ត្រូវតែបន្ដការងារក្ដាប់ទីតាំងខារ៉ាអូខេ ពុំមានច្បាប់អនុញ្ញាត ទីតាំងល្បែងស៊ីសងគ្រប់ប្រភេទ ទីតាំងជួញដូរគ្រឿងញៀន ទីតាំងរកស៊ីផ្លូវភេទ ហើយបង្ក្រាបឱ្យបានជាដាច់ខាត មិនត្រូវបណ្ដែតបណ្ដោយឱ្យសមត្ថកិច្ចពីខាងក្រៅចុះបង្ក្រាបមុននោះទេ ។
ជាក់ស្ដែងកន្លងមកនេះ នៅខណ្ឌចំការមន ទីតាំងអនាចារ ប្រើប្រាស់គ្រឿងញៀនប៉ុន្មានកន្លែង ត្រូវបានបង្ក្រាបដោយស្នងការដ្ឋាន ឬប៉េអឹមផ្ទៃប្រទេស ។ ដូច្នេះត្រូវតែគិតពីមូលដ្ឋានរបស់យើង តើមាននៅសេសសល់កន្លែងណា ទៀតឬទេ? សូមឱ្យអស់លោកជាគណៈបញ្ជាការឯកភាពត្រូវចេះពិចារណា ត្រូវចុះត្រួត ពិនិត្យ បើសិនជាមានករណីចាំបាច់ត្រូវតែធ្វើរដ្ឋបាលជាបន្ទាន់ ។ ចំណុចនេះត្រូវតែមានការទទួលខុសត្រូវក្នុងនាមគណៈបញ្ជាការឯកភាពមូលដ្ឋាន ដូច្នេះអស់លោកនាយប៉ុស្ដិ៍ ចៅសង្កាត់ ត្រូវគ្រប់គ្រងឱ្យបាននូវទីតាំងទាំងនោះ និងម្ចាស់ការអនុវត្ដ ហើយចាប់ពីពេលនេះទៅកុំប្រើពាក្យថា “មិនដឹង” ។
លោកសុខ សម្បត្ដិ បានបញ្ជាក់ថា ករណីផាកពិន័យចំពោះប្រជាពលរដ្ឋដែលចោល សំរាមនៅតាមផ្លូវសាធារណៈ ត្រូវបានអនុវត្ដ ចាប់តាំងពីថ្ងៃទី១ ឧសភា ឆ្នាំ២០១០ ហើយសុំឱ្យសង្កាត់ទាំង១១ និងផ្សារត្រូវតែបន្ដអនុវត្ដដូចភ្លៀងរលឹម មិនត្រូវមើលរំលងនោះទេ ។ ដោយឡែកសួនច្បារកន្លែងគួកជេ រថយន្ដផ្លូវលេខ១០៦ និង១០៨ ស្ថិតក្នុងសង្កាត់វត្ដភ្នំ សាលារាជធានីភ្នំពេញ បានសំរេចរៀបចំធ្វើជាទីលានប្រជាធិបតេយ្យ ។ លោកអភិបាលខណ្ឌបានរំលឹកឱ្យចៅសង្កាត់ និងនាយប៉ុស្ដិ៍ត្រូវត្រួតពិនិត្យជាប្រចាំនៅទីតាំងរកស៊ីផ្លូវភេទជ្រកក្រោមស្លាកកោស ជប់ ម៉ាស្សា និងហាងលក់កាហ្វេ ហើយវិធានការដែលមានប្រសិទ្ធភាព គឺការចុះធ្វើរដ្ឋបាល ឬការឆ្មក់ចូលទីតាំងណាដែលគិតថាមិនប្រក្រតី ។
ចែករំលែកព័តមាននេះ