រាជធានីភ្នំពេញ ៖ សម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រី បានមានប្រតិកម្មតបទៅកាន់មេគណបក្សប្រឆាំងមួយអំពីការប្តឹងទៅកាន់អង្គការសហប្រជាជាតិ ដែលមេគណបក្សប្រឆាំងនោះលើកឡើងថា គេឱ្យយោបល់ប្តឹងបែបនេះយូរមកហើយ អត់ព្រមធ្វើតាមទេ ទុកឱ្យអ្វីៗ (ជម្លោះកម្ពុជា-ថៃ) អូសបន្លាយមានបញ្ហាកាន់តែយូរ…ដោយសម្តេចបានឆ្លើយតបត្រឡប់ទៅវិញថា សូមឱ្យចេះរៀនអំពីនីតិវិធីខ្លះផង ។
សម្តេចតេជោហ៊ុន សែន បានមានប្រតិកម្មបែបនេះ ក្នុងឱកាសអញ្ជើញជាអធិបតីពិធីប្រគល់សញ្ញាបត្រដល់និស្សិតទទួលជ័យលាភីនៃសាកលវិទ្យាល័យនីតិសាស្ត្រ និងវិទ្យាសាស្ត្រសេដ្ឋកិច្ចនៅវិទ្យាស្ថានជាតិអប់រំ កាលពីវេលាម៉ោង៨និង៣០នាទីព្រឹកថ្ងៃទី១៤ មីនា ២០១១។ សម្តេចតេជោបញ្ជាក់ថា បើមិនចេះយល់អំពីនីតិវិធីទេ កុំលើកខ្លួនឯងខ្លាំងពេក បើចង់ធ្វើជានាយករដ្ឋមន្ត្រី ត្រូវចេះអំពីនីតិវិធីនេះឱ្យច្បាស់…អ្វីទៅដែលហៅថា ក្រុមប្រឹក្សាសន្តិសុខអង្គការសហប្រជាជាតិ ។ ព័ត៌មានលម្អិតនឹងផ្សាយជូននៅពេលក្រោយ និងនៅលើទំព័រកាសែតកោះសន្តិភាព ៕
ចែករំលែកព័តមាននេះ