កំណាព្យ (ពូហាក់ និង មីងឈាន) បទកាកគតិ ដោយ ព្រុំ គឹមជឿន


– ពូ​ហាក់ មីង​ឈាន មិន​ក្រ​មិន​មាន រស់នៅ​ក្នុងភូមិ
ពូ​ហាក់​តូច​ល្អិត មីង​ឈាន​មាឌធំ ញឹ​ម​ៗ ងំ​ៗ មិនសូវ​វាចា ។
– ថ្វីបើ​តូច​ល្អិត អ្នកផង​ចូល​ចិត្ដ ពូ​បាន​វោហា
ពូកែ​ព្រោកប្រាជ្ញ គ្មាន​ទាល់​ត្រង់​ណា ស្ដាប់​គាត់​ចរចា ជក់ចិត្ដ​ឥត​ទាស់​។
– តែ​មាន​ម្ដងម្កាល ដែល​គាត់​តំណាល ពី​រឿង​ទោមនស្ស
ថា​វាយ​ប្រពន្ធ ប្រើ​ឱ្យ​ក្រាប​ចុះ មីង​តាម​ទាំងអស់ ព្រោះ​មីង​ខ្លាច​ប្ដី ។
– ពេល​ខ្លះ​ជាំមុខ ពូ​ថា​ដើរ​បុក ជង្រុក​ស្រូវ​ថ្មី
ជួន​ថា​បុក​ទ្វារ ជា​ប្រក្រតី រួច​ចុះ​មនុស្ស​អី ប្រហែស​អស្ចារ្យ ។
– ចៃដន្យ​ម្ង៉ៃ​នោះ គាត់​មាន​ជម្លោះ នៅ​ក្នុង​គ្រួសារ
ឮ​តែ​គាត់​ស្រែក កោ​ក​កាក​ឡូឡា ម្នាក់​ៗ​គិត​ថា គាត់​វ៉ៃ​ប្រពន្ធ ។
– បើ​តាមតែ​ស្ដាប់ មីង​ពិត​ក្បែរ​ស្លាប់ ច្បាស់​ទ្រម​ខ្លួន​ធ្ងន់
ព្រោះ​សម្លេង​ពូ ខ្លាំងក្លា​អនន្ដ អ្នក​ភូមិរ​ហន់ ស្ទុះ​ស្រ​ទៅ​មើល៍​។
– ពូ​ហាក់​ផ្ងារជើង ចំណែក​មីង​យើង ជិះ​ជាប់​ពីលើ
នៅ​ក្រោម​គេ​សោះ ធ្វើ​ឬក​គ្រាន់បើ មាត់​ស្រែក​បណ្ដើរ “​ហង​រាង​ឬ​នៅ?​”​។
– គ្រប់​គ្នា​ចង់​សើច តែ​ទប់​សំណើច ព្រោះ​វា​មិន​ត្រូវ
អួត​វាយ​ប្រពន្ធ ចុះ​ម្ដេច​ឥឡូវ គេ​សង្កត់​ភ្លៅ រើ​បែកញើស​ស្អិត​។
– ដល់​ឃើញ​ទើប​ដឹង ពី​មុន​ខំប្រឹង តែ​ជួយ​អាណិត
មីង​ស្លូត​ឯណា គឺ​ខ្លា​ញី​ពិត ធ្វើ​ឱ្យ​ទាស់ចិត្ដ បោក​ដូច​កង្កែប ។
– ពូ​ហាក់​អន់ចង់ គេ​មើល​រហង់ លែង​ខ្មាស់់​ពេប​ស្បែប
ពូ​ហាក់​មីង​ឈាន ចប់​ដោយ​សង្ខេប រឿងរ៉ាវ​ច្រើន​បែប មាននៅ​លេខ​ក្រោយ​។


ដោយ ព្រុំ គឹមជឿន
prumkimchoeun@gmail.com

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

កំណាព្យ

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

To Top

ការស្ទង់មតិគេហទំព័រថ្មី




សូម​អរគុណ