ខេត្តក្រចេះ ៖ ប៉ូលិសចរាចរស្រុកស្នួលបានឃាត់ខ្លួនបុរសម្នាក់ បន្ទាប់ពីបើករថយន្តបុកមនុស្សស្លា.ប់ រួចព្យាយាមគេចខ្លួន។ មន្ត្រីប៉ូលិសចរាចរនៃអធិការដ្ឋានស្រុកស្នួលឱ្យដឹងថា កាលពីវេលាម៉ោង១០ព្រឹក ថ្ងៃទី១ មិថុនា មានករណីគ្រោះថ្នាក់ចរាចរណ៍មួយកើតឡើងនៅលើផ្លូវជាតិលេខ៧ភូមិព្រែកក្តី ឃុំស្នួល ស្រុកស្នួល
ខេត្តក្រចេះ ៖ ប៉ូលិសចរាចរស្រុកស្នួលបានឃាត់ខ្លួនបុរសម្នាក់ បន្ទាប់ពីបើករថយន្តបុកមនុស្សស្លាប់ រួចព្យាយាមគេចខ្លួន។ មន្ត្រីប៉ូលិសចរាចរនៃអធិការដ្ឋានស្រុកស្នួលឱ្យដឹងថា កាលពីវេលាម៉ោង១០ព្រឹក ថ្ងៃទី១ មិថុនា មានករណីគ្រោះថ្នាក់ចរាចរណ៍មួយកើតឡើងនៅលើផ្លូវជាតិលេខ៧ភូមិព្រែកក្តី ឃុំស្នួល ស្រុកស្នួល បង្កដោយរថយន្តធុនធំដឹកដីបុកម៉ូតូក្នុងទិសដៅស្របគ្នាបណ្តាលឱ្យអ្នកជិះម៉ូតូស្លាប់បាត់បង់ជីវិតនៅ នឹងកន្លែងដោយសាររថយន្តដឹកដីបុកហើយកិនពីលើ។ បន្ទាប់ពីបង្កហេតុរួចអ្នកបើកបររថយន្តដឹកដីព្យាយាមបើកគេច តែត្រូវនគរបាលតាមចាប់បាន។
លោកវរសេនីយ៍ត្រីគង់ វណ្ណារឹទ្ធ នាយរងការិយាល័យសណ្តាប់ធ្នាប់នៃស្នងការដ្ឋាននគរបាលខេត្តឲ្យដឹងថា បុរសដែលប៉ូលិសតាមចាប់ខ្លួនបាននោះឈ្មោះម៉ុន ជីវន្ត អាយុ២៣ឆ្នាំ មានទីលំនៅក្នុងភូមិទួលវិហារ ឃុំគ ស្រុកត្បូងឃ្មុំ ខេត្តកំពង់ចាម និងជាអ្នកបើកបររថយន្តម៉ាកអ៊ីស៊ុយហ្ស៊ុយដឹកដីពណ៌ស ពាក់ស្លាកលេខភ្នំពេញ3A 3280 ។ គេបើករថយន្តក្នុងទិសដៅពីត្បូងទៅជើង លុះដល់ចំណុចកើតហេតុបានបុកម៉ូតូម៉ាកវ៉េវពណ៌ក្រហមពុំមានស្លាកលេខដែលបើកបរស្របគ្នាដោយឈ្មោះ សឿន វិទ្ធី អាយុ២១ឆ្នាំ មានទីលំនៅក្នុងភូមិកាត់ដៃ ឃុំស្នួល ស្រុកស្នួល។ អ្នកបើកម៉ូតូត្រូវរថយន្តកិន និងអូសបណ្តាលឲ្យបែកលលាដ៏ក្បាលស្លាប់នៅនឹងកន្លែង។
តាមចំលើយសារភាពរបស់បុរសជាអ្នកបើកបររថយន្តថា ពេលបើករថយន្តនោះគេស្មានថា ចៀសម៉ូតូផុត តែមិនផុតក៏បុក និងកិនតែម្តង។ លោកនាយរងការិយាល័យបញ្ជាក់ទៀតថាអ្នកបើកបររថយន្តនេះ ត្រូវនគរបាលចរាចរកសាងសំណុំរឿងបញ្ជូនទៅកាន់តុលាការ ៕
ចែករំលែកព័តមាននេះ