ប្រទេសថៃនឹងស្នើដល់ក្រុមហ៊ុនផលិតយន្តហោះចម្បាំងអាមេរិក LOCKEED MARTIN ឱ្យទទួលយកមាន់ក្លាសេសម្រាប់ចេញថ្លៃយន្តហោះប្រដេញធុន F-16 ដែលស្នើទិញពីក្រុមហ៊ុននេះ ។ រ៉យទ័របានលាតត្រដាងនាពេលថ្មីៗនេះ នូវរបាយការណ៍ស៊ើបអង្កេតមួយនៃការផ្លាស់ប្តូរគ្នានេះ រវាងប្រទេសថៃ និងសហរដ្ឋអាមេរិក ។ កាលពីឆ្នាំ២០០៥ ថៃបានធ្វើការអំពាវនាវដល់ក្រុមហ៊ុនអាមេរិកនេះផ្តល់យន្តហោះធុន F-16 សម្រាប់យកមកផ្លាស់ប្តូរយន្តហោះប្រដេញទាំងឡាយរបស់ខ្លួន ។ យន្តហោះធុន F-16 ជាបំណងចង់បានរបស់ថៃ ក៏ប៉ុន្តែប្រទេសនេះពុំមានប្រាក់គ្រប់គ្រាន់សម្រាប់ចេញថ្លៃទិញយន្តហោះធុននេះ ។
ដូច្នេះថៃក៏ស្នើការប្តូរគ្នាមួយចំពោះពួកអ្នកការទូតអាមេរិកគឺការទិញយន្តហោះទាំងនេះជាថ្នូរគ្នានឹងមាន់ក្លាសេចំនួន៨០.០០០តោន។ ក្រុមហ៊ុន LOCKHEED MARTIN បានទទួលយកសំណើនេះ ក៏ប៉ុន្តែកិច្ចព្រមព្រៀងនោះពុំទាន់បានចុះហត្ថលេខាដោយពិតប្រាកដឡើយ ក្រោយរដ្ឋប្រហារមួយនៅថៃ ៕
ចែករំលែកព័តមាននេះ