ខេត្តកោះកុង ៖ កាលពីថ្ងៃទី១៤ ឧសភា ឆ្នាំ២០១១ កម្លាំងកងរាជអាវុធហត្ថក្រុងខេមរភូមិន្ទបានស្រាវជ្រាវនិងបំបែកទីតាំងក្រុមប្រើប្រាស់ថ្នាំញៀនមួយកន្លែង ស្ថិតនៅភូមិស្ទឹងវែង សង្កាត់ស្ទឹងវែង ក្រុងខេមរភូមិន្ទ ។ ក្នុងប្រតិបត្តិការនេះ កម្លាំងសមត្ថកិច្ចបានឃាត់ខ្លួនអ្នកប្រើប្រាស់ថ្នាំញៀនចំនួន២នាក់ គឺឈ្មោះពៅ យូសុះ ភេទប្រុស អាយុ២០ឆ្នាំ
ខេត្តកោះកុង ៖ កាលពីថ្ងៃទី១៤ ឧសភា ឆ្នាំ២០១១ កម្លាំងកងរាជអាវុធហត្ថក្រុងខេមរភូមិន្ទបានស្រាវជ្រាវនិងបំបែកទីតាំងក្រុមប្រើប្រាស់ថ្នាំញៀនមួយកន្លែង ស្ថិតនៅភូមិស្ទឹងវែង សង្កាត់ស្ទឹងវែង ក្រុងខេមរភូមិន្ទ ។ ក្នុងប្រតិបត្តិការនេះ កម្លាំងសមត្ថកិច្ចបានឃាត់ខ្លួនអ្នកប្រើប្រាស់ថ្នាំញៀនចំនួន២នាក់ គឺឈ្មោះពៅ យូសុះ ភេទប្រុស អាយុ២០ឆ្នាំ និងឈ្មោះគង់ នី ភេទប្រុស អាយុ២០ឆ្នាំ ។ ជាមួយនេះ ក៏បានឃាត់ខ្លួនអ្នកលក់២នាក់ គឺឈ្មោះមាស សុគាន ភេទប្រុស អាយុ៣៩ឆ្នាំ និងឈ្មោះអ៊ុក សារុន
ភេទស្រី អាយុ៤៩ឆ្នាំ ត្រូវជាប្រពន្ធរបស់មាស សុគាន មានទីលំនៅក្នុងភូមិស្ទឹងវែង។
លោកអនុសេនីយ៍ឯកនួន វុត្ថា មេបញ្ជាការកងរាជអាវុធហត្ថក្រុងខេមរភូមិន្ទបានបញ្ជាក់ថា បន្ទាប់ពីកម្លាំងរបស់លោកធ្វើការស្រាវជ្រាវ និងបំបែកសំបុកក្រុមចែកចាយ និងប្រើប្រាស់ខាងលើរួចមក នៅថ្ងៃទី១៧ ឧសភា ២០១១ កម្លាំងរបស់លោកស្រាវជ្រាវរកឃើញមុខសញ្ញាលក់-ទិញបានចំនួន៥នាក់ផ្សេងទៀតដោយយើងបានប្រើប្រាស់កម្លាំងចូលទិញថ្នាំញៀនប្រភេទយ៉ាម៉ា ពណ៌ក្រហម យីហោ WY បានចំនួន៥គ្រាប់ ក្នុង១គ្រាប់តម្លៃ២៥.០០០រៀល ។
ជនមុខសញ្ញាទាំង៥នាក់នេះគឺ១-ឈ្មោះចាយ ភិន ភេទប្រុស អាយុ៤៧ឆ្នាំ ២-ឈ្មោះឌី សុវណ្ណ អាយុ៤៩ឆ្នាំ ត្រូវជាប្រពន្ធរបស់ឈ្មោះចាយ ភិន ហើយជាមេខ្លោងលក់ចែកចាយថ្នាំញៀនធំជាងគេក្នុងខេត្តកោះកុង ៣-ឈ្មោះហ៊ីម ម៉ារី ភេទប្រុស អាយុ៣៣ឆ្នាំ ៤-ឈ្មោះស៊ីម សំណាង ភេទប្រុស អាយុ៣០ឆ្នាំ ត្រូវជាប្តីរបស់ឈ្មោះហ៊ីម ម៉ារី ៥-ឈ្មោះម៉ាន អះម៉ាត់ ភេទប្រុស អាយុ១៧ឆ្នាំ ។
លោកនួន វុត្ថា បានបញ្ជាក់ថា បន្ទាប់ពីកម្លាំងសមត្ថកិច្ចស្រាវជ្រាវចាប់បានមុខសញ្ញាប្រើប្រាស់ និងចែកចាយថ្នាំញៀនទាំង២ថ្ងៃរួចមក ទើបសម្រេចធ្វើការឆែកឆេរផ្ទះមេខ្លោងឈ្មោះចាយ ភិន និងប្រពន្ធឈ្មោះឌី សុវណ្ណ ដោយមានការចូលរួមដឹកនាំផ្ទាល់ពីលោកចៅក្រមប៊ុន ធី និងលោក ស្រី ម៉ាកនី ព្រះរាជអាជ្ញារងអមសាលាដំបូងខេត្តកោះកុង ព្រមទាំងមានការចូលរួមពីលោកស្រេង ហុង មេបញ្ជាការរងកងរាជអាវុធហត្ថខេត្ត លោកស៊ិន សេន ស្នងការរងនគរបាលខេត្ត លោកវរសេនីយ៍ត្រីដាត់ គយណូ អធិការនគរបាលក្រុងខេមរភូមិន្ទ ព្រមទាំងនាយ-នាយរងអាវុធហត្ថ ពលអាវុធហត្ថ នាយ-នាយរងនគរបាល ពលនគរបាល និងអាជ្ញាធរមូលដ្ឋានជាច្រើនរូបទៀត ។
លោកអនុសេនីយ៍ឯកនួន វុត្ថា បានបញ្ជាក់ទៀតថា ការឆែកឆេរលំនៅឋានមេខ្លោងចែកចាយថ្នាំញៀននេះពុំទទួលបានវត្ថុតាងអ្វីឡើយ គឺរកឃើញតែគ្រាប់បែកដៃមួយគ្រាប់គត់ដែលម្ចាស់ផ្ទះលាក់ទុក ។ ទោះបីជាយ៉ាងណា ជនសង្ស័យទាំងអស់ត្រូវបានឃាត់ខ្លួនតាមអាជ្ញារបស់លោកចៅក្រមប៊ុន ធី និងលោកព្រះរាជអាជ្ញារង ស្រី ម៉ាកនី ហើយក៏បានកសាងសំណុំរឿងបញ្ជូនទៅតាមនីតិវិធីច្បាប់ ។
លោកនួន វុត្ថា បានបញ្ជាក់ទៀតថា ករណីស្រាវជ្រាវ និងបង្ក្រាបក្រុមប្រើប្រាស់ ចែកចាយ និងមេខ្លោងលក់គ្រឿងញៀននេះ គឺអនុវត្តតាមបទបញ្ជារបស់គណៈបញ្ជាការឯកភាពខេត្ត ដោយមានការចង្អុលបង្ហាញពីលោកឧត្តមសេនីយ៍ត្រីថុង ណារ៉ុង មេបញ្ជាការកងរាជអាវុធហត្ថខេត្ត និងជាពិសេសដោយមានការសហការ និងដឹកនាំផ្ទាល់ពីលោកចៅក្រមប៊ុន ធី និងលោកព្រះរាជអាជ្ញារងស្រី ម៉ាកនី ដែលធ្វើឱ្យកិច្ចប្រតិបត្តិការនេះទទួលបានលទ្ធផលល្អ និងជីកដល់ប្ញសគល់ ៕
ចែករំលែកព័តមាននេះ