ថ្មីៗនេះ មហាជននាំគ្នាគាំងនិយាយលែងចេញគ្រប់ៗគ្នា ក្រោយប្រទះឃើញសត្វអណ្តើកដ៏ចម្លែកមួយ បានព្យាយាមអង្រួនដើមឈើ បន្ទាប់មកវាក៏ដើរចូលទៅក្នុងផ្ទះរបស់អ្នកភូមិ។ ភ្លាមៗនោះ ស្រាប់តែសត្វអណ្ដើកមួយក្បាលនេះ វាក៏លេចចេញក្បាលពីស្នូកអណ្ដើក រួចហើយវាក៏ស្រែកដូចសំឡេងពស់អញ្ចឹង តែមិនមែនជាពស់នោះទេ
ប្រទេសថៃ ៖ ថ្មីៗនេះ មហាជននាំគ្នាគាំងនិយាយលែងចេញគ្រប់ៗគ្នា ក្រោយប្រទះឃើញសត្វអណ្តើកដ៏ចម្លែកមួយ បានព្យាយាមអង្រួនដើមឈើ បន្ទាប់មកវាក៏ដើរចូលទៅក្នុងផ្ទះរបស់អ្នកភូមិ។ ភ្លាមៗនោះ ស្រាប់តែសត្វអណ្ដើកមួយក្បាលនេះ វាក៏លេចចេញក្បាលពីស្នូកអណ្ដើក រួចហើយវាក៏ស្រែកដូចសំឡេងពស់អញ្ចឹង តែមិនមែនជាពស់នោះទេ។
ស្របពេលបានឃើញដូច្នេះរួចមក ក៏មានអ្នកស្រុក អ្នកភូមិ នាំគ្នាភ័យបះសក់ព្រឺរោមខ្ញាកៗតែម្ដង ក្រោយពេលជួបអណ្តើកចម្លែកអង្រួនដើមឈើ រួចដើរចូលទៅក្នុងផ្ទះអ្នកស្រុកសុំនៅជាមួយ។ បន្ទាប់មក ក៏ស្រាប់តែលេចចេញនៅលេខផុសឡើងនៅលើស្នូកអណ្ដើររបស់វា។
នេះបើយោងតាមរយៈសារព័ត៌មានដ៏ល្បីរបស់ថៃ «Khaosod» បានផ្សព្វផ្សាយប្រាប់ឱ្យដឹងថា មានអ្នករាយការណ៍ជាច្រើនត្រូវបានជូនដំណឹងដោយអ្នកភូមិ ស្ថិតនៅឃុំខក់ប្រូង ស្រុក Wichian Buri ខេត្ត Phetchabun ថា មាននរណាម្នាក់ដែលរស់នៅក្នុងភូមិបានប្រទះឃើញសត្វអណ្តើកមួយក្បាលមានរូបរាងដ៏ចម្លែក ដោយស្នូករបស់អណ្តើក គឺរលោង មិនមូល និងមានលំនាំពណ៌ខ្មៅ។ ហើយបើនិយាយអំពីគែមស្នូករបស់វាវិញ មិនឆេះដូចអណ្តើកដទៃនោះទេ។
ប្រភពដដែលបន្តថា ពេលនោះវាបានដើរទៅអង្រួននៅគុម្ពោតដើមឈើមុខផ្ទះរបស់អ្នកភូមិ ភ្លាមៗនោះពួកគេមិននឹកស្មានទាល់តែសោះថា ជាសត្វអណ្ដើក ប៉ុន្តែម្ចាស់ផ្ទះបែរជាសន្និដ្ឋានស្មានថា ត្រូវខ្មោចលងទៅវិញ។ ដោយមិនអស់ចិត្ត ម្ចាស់ផ្ទះខាងលើក៏ដើរចូលទៅមើលឲ្យជិត ប៉ុន្តែអ្វីដែលពួកគេគិត បែរជាផ្ទុយស្រឡះទៅវិញ។ ព្រោះគេបានលឺមានសំឡេងវាស្រែកឡើងស្រដៀងទៅនឹងសំឡេងសត្វពស់ខ្លាំងណាស់។ ប៉ុន្តែបើយើងមើលទៅវាឱ្យកាន់តែយូរៗទៅ វាមិនគួរឱ្យខ្លាច ឬសា.ហាវអ្វីនោះទេ ហើយបើមើលទៅដំណើរដើររបស់វាវិញ គឺដើរយឺតៗ បន្ទាប់មកវាក៏បានចូលទៅក្នុងផ្ទះអ្នកភូមិបាត់ទៅ។ ហើយបើស្មានមិនខុសទេនោះ វាដូចជាចង់មកស្នាក់នៅជាមួយនឹងម្ចាស់ផ្ទះខ្លាំងណាស់។
ប្រភពដដែលបន្តទៀតថា មិនទុកនៅយូរ ម្ចាស់ផ្ទះរូបនោះក៏ចាប់វាបាន ហើយលើកវាយកមកទុកនៅលើគ្រែ។ ហើយម្ចាស់ផ្ទះដែលចាប់បានរូបនោះ មានឈ្មោះថា តៅ កន្ថាខៀវ អាយុ៦៦ឆ្នាំ រស់នៅផ្ទះលេខ៨៥ ស្ថិតក្នុងភូមិ១៧ ឃុំខក់ព្រង ស្រុកវិចៀនបុរី ខេត្តផាត់ចាប៊ុន និងត្រូវបានគេដឹងថា លោកគឺជាម្ចាស់ផ្ទះ និងជនដែលចាប់បាន ក្រោយប្រទះឃើញអណ្តើកនោះ។
ម្ចាស់ផ្ទះខាងលើ បាននិយាយបង្ហើបប្រាប់ឱ្យដឹងថា «ប្រហែលយប់មិញ វេលាម៉ោងខ្ទង់៨យប់ ខណៈពេលកំពុងតែដើរនៅមុខផ្ទះ ភ្លាមៗនោះខ្ញុំក៏បានសង្កេតមើលឃើញថា ដូចជាមានស្លឹកឈើ និងមែកឈើនៅតាមផ្លូវកំពុងតែញ័រ ដូចជាមានអ្វីមួយកំពុងលាក់ពួននៅកន្លែងនឹងអញ្ចឹង។ បើទោះបីជានៅពេលនឹងមិនមានខ្យល់បក់ក៏ដោយ តែវាបែរជាមានស្លឹកឈើបក់ទៅបក់មកមិនឈប់ឈរទៅវិញ»។
លោកប្រាប់ឱ្យដឹងទៀតថា «ដំបូងឡើយ ខ្ញុំគិតថា ប្រហែលជាគាត់ត្រូវខ្មោចលង ហើយវាបោ.កបញ្ឆោតធ្វើឱ្យលោកខ្លាចហើយមើលទៅ។ ប៉ុន្តែចេះសំណាងដែរ ដែលគាត់ជាមនុស្សម្នាក់មិនខ្លាចខ្មោចនោះទេ ហេតុដូច្នេះហើយទើបគាត់សម្រេចចិត្តដើរចូលទៅមើលឲ្យកាន់តែជិត។ បន្ទាប់មក គាត់ក៏បានប្រើពិលបញ្ចាំងមើល ហើយក៏ឮសំឡេងស្រែកឡើងដូចសំឡេងពស់អញ្ចឹង។ ប៉ុន្តែគាត់ឃើញថា វាមិនមែនជាសត្វពស់នោះទេ ដូច្នេះហើយគាត់ក៏បើកដើមឈើនោះមើលទៀត ហើយក៏ឃើញថា វាជាអណ្តើកដែលមានរូបរាងចម្លែកខុសពីអណ្តើកធម្មតា។ មិនតែប៉ុណ្ណោះ វាមានទម្ងន់ខ្លួនរហូតដល់ទៅ 8.9 គីឡូក្រាមទៀត ជាធម្មតាអណ្តើកមួយក្បាលមានទម្ងន់ត្រឹមតែ 4-5 គីឡូក្រាមប៉ុណ្ណោះ ហើយត្រូវបានគេជឿថា មានសំណាង ទើបវាមកនៅដល់ផ្ទះខ្ញុំដូច្នេះ។ ព្រោះនៅលើស្នូកអណ្ដើតរបស់វា មានលេខដូចជា ៧៨ – ៨៥ ជាពិសេសលេខ ៨៥ ដែលត្រូវនឹងលេខផ្ទះរបស់លោកថែមទៀតផង»។
បន្ទាប់មក អ្នកស្រី ខឹម ផុន កណ្ហាកែវ ដែលមានអាយុ៥៧ឆ្នាំ ត្រូវជាប្រពន្ធបានបង្ហើបប្រាប់ថា «ព្រឹកមិញ គាត់ទៅទិញរបស់នៅផ្សារជាមួយចៅប្រុស។ នៅពេលដែលគាត់ដើរកាត់កន្លែងលក់ឆ្នោត ចៅប្រុសរបស់គាត់បានរើសសំបុត្រចំនួនពីរ ហើយប្រាប់គាត់ថា គាត់បានឃើញលេខ 59 នៅលើស្នូកអណ្តើកមួយ ដូច្នេះហើយ គាត់ជឿថា អណ្តើកនេះ ត្រូវតែនាំលាភសំណាង»។
ភ្លាមៗនោះ លោក ខេន ខាំហានផុន មានអាយុ៧៥ឆ្នាំ បានបង្ហើបដែរថា «តាមអ្វីដែលគាត់បានឃើញ និងស្គាល់ អណ្តើកនេះមានច្រើនប្រភេទ។ កាលពីមុន បើមានអ្នកឃើញអណ្តើកអាចប្រាប់បានថា អណ្តើកនោះជាប្រភេទអ្វី? គាត់បានពន្យល់ពីរបៀបដែលអណ្តើកនីមួយៗមានស្នូក ដែលមានលក្ខណៈខុសៗគ្នា។ ប៉ុន្តែអណ្តើកនេះ ខុសពីសត្វដទៃទៀតខ្លាំងណាស់។ ដោយសារតែស្នូកអណ្ដើរនេះ ខុសពីអណ្តើកដទៃ វាមានស្នូកចម្លែកដែលមិនមានរាងមូល។ ហើយខ្ញុំក៏មិនដែលឃើញអណ្ដើកមានរូបរាងបែបនេះទេ ដូច្នេះខ្ញុំមិនអាចប្រាប់ថា តើវាជាអណ្តើកប្រភេទណាទេ?។ ក្រៅពីរូបរាងដ៏ចម្លែករបស់វាហើយ វាក៏មានទម្ងន់លើសពីអណ្ដើកដទៃទៀតផង»៕ ដោយ ៖ សុភា ដានេត
ចែករំលែកព័តមាននេះ