រាជធានីភ្នំពេញ ៖ ប្រភពព័ត៌មានពីសាលាដំបូងរាជធានី កាលពីព្រឹកថ្ងៃទី១៨ ឧសភា ឱ្យដឹងថា លោកគ្រី សុខអ៊ី ព្រះរាជអាជ្ញារង បានចេញដីកាកោះហៅនាងជួន ចាន់រតនា ហៅក្អយ ឱ្យចូលខ្លួននៅព្រឹកថ្ងៃទី១៩ ឧសភា នេះ ដើម្បីសាកសួរតាមបណ្តឹងរំលោ.ភលើសេចក្តីទុកចិត្ត ។ ប្រភពបានឱ្យដឹងទៀតថា ដីកានោះបានបញ្ជូនទៅដល់ដៃនាង
រាជធានីភ្នំពេញ ៖ ប្រភពព័ត៌មានពីសាលាដំបូងរាជធានី កាលពីព្រឹកថ្ងៃទី១៨ ឧសភា ឱ្យដឹងថា លោកគ្រី សុខអ៊ី ព្រះរាជអាជ្ញារង បានចេញដីកាកោះហៅនាងជួន ចាន់រតនា ហៅក្អយ ឱ្យចូលខ្លួននៅព្រឹកថ្ងៃទី១៩ ឧសភា នេះ ដើម្បីសាកសួរតាមបណ្តឹងរំលោភលើសេចក្តីទុកចិត្ត ។ ប្រភពបានឱ្យដឹងទៀតថា ដីកានោះបានបញ្ជូនទៅដល់ដៃនាងក្អយហើយ ខណៈដែលនាងកំពុងព្យួរសេរ៉ូមនៅគេហដ្ឋានរបស់បងប្អូនម្នាក់នៅក្នុងសង្កាត់ទួលសង្កែ ខណ្ឌឫស្សីកែវ។ ពេលនោះនាងក្អយបានប្រាប់មន្ត្រីរត់សំបុត្រតុលាការថា នាងនឹងចូលបើសិនជាសុខភាពនាងបានធូរស្រាល ប៉ុន្តែថ្ងៃនេះ (ទី១៨) នាងនៅព្យួរសេរ៉ូមនៅឡើយទេ។
នាងក្អយ បានសម្តែងការងឿងឆ្ងល់ប្រាប់មន្ត្រីតុលាការអ្នករត់សំបុត្រថា យ៉ាងដូម្តេចបានជាតុលាការចេះតែកោះហៅនាងយ៉ាងនេះ? នាងមិនយល់ ព្រោះអ្វីៗដែលកើតឡើងនាងបានដោះស្រាយជាមួយដើមបណ្តឹងរួចរាល់ហើយ ពោលគឺដើមបណ្តឹងទាំងអស់មាន៥-៦នាក់ ដែលចោទប្រកាន់រឿងជួលរថយន្តគេហើយយកទៅដាក់បញ្ចាំ។រឿងទាំងអស់នេះ នាងបានសងរំលស់ទៅគេគ្រប់គ្នា និងបានស្ងប់ស្ងាត់អស់ហើយ ហេតុអ្វីបានជានៅតែមានដីកាកោះហៅនាងទៀត?
ពាក្យសម្តីដែលនាងក្អយថ្លែងទៅកាន់មន្ត្រីតុលាការដែលមានភារកិច្ចរត់សំបុត្រទាំងទឹកមុខស្លេកស្គាំង និងដៃជាប់សេរ៉ូមនោះ ត្រូវបានបកស្រាយវិញថា ដីកាកោះហៅរបស់លោកគ្រី សុខអ៊ី ព្រះរាជអាជ្ញារងអមសាលាដំបូងរាជធានី បានបញ្ជាក់រួចហើយថា ថ្ងៃ ទី១៩ ឧសភា នេះឱ្យនាងចូលខ្លួនទៅឆ្លើយបំភ្លឺលើបណ្តឹងរបស់ឈ្មោះទៀង គង់ ដែលបានចោទប្រកាន់នាងពីបទរំលោភលើសេចក្តីទុកចិត្ត ។ ដូច្នេះនេះជាសិទ្ធិរបស់នាងចង់ចូលក៏បានមិនចូលក៏បាន តែតុលាការធ្វើតាមនីតិវិធី កោះលើកទី១ លើកទី២ លើកទី៣ បើនៅតែមិនចូលតំណាងអយ្យការ នឹងធ្វើការចោទប្រកាន់សំណុំរឿងនោះដាក់ជូនទៅខាងចៅក្រមសម្រេច ក្នុងនោះអាចបញ្ជាឱ្យសមត្ថកិច្ចនាំខ្លួន ឬឃុំខ្លួនបង្ខំរូបរាងកាយឱ្យរកប្រាក់សងទៅម្ចាស់បំណុលវិញ ។
ទាក់ទិននឹងករណីនេះដែរ មន្ត្រីតុលាការនិយាយថា នាងក្អយនៅមិនទាន់យល់ពីផ្លូវច្បាប់ឱ្យគ្រប់ជ្រុងជ្រោយនៅឡើយទេ ។ តាមពិតទៅបណ្តឹងរដ្ឋប្បវេណី នាងក្អយពិតជាបានបញ្ចប់ជាមួយគូភាគីម្ចាស់បំណុលនោះមែនហើយ ប៉ុន្តែកុំភ្លេចថា នាងក្អយនៅជាប់បណ្តឹងអាជ្ញាមួយទៀត ទើបតំណាងអយ្យការចេះតែចេញដីកាកោះហៅនោះ៕
ចែករំលែកព័តមាននេះ