រាជធានីភ្នំពេញ ៖ បុគ្គលិកចំនួន២២នាក់នៃក្រុមហ៊ុនអ៊ីនធើរណេតមួយកន្លែងដែលគេអះអាងថា បើកល្បែងតាមប្រព័ន្ធកុំព្យូទ័របាននាំគ្នាធ្វើកូដកម្មតវ៉ាមិនធ្វើការ ដើម្បីទាមទារឱ្យថៅកែជាជនជាតិកូរ៉េខាងត្បូងម្នាក់គោរពច្បាប់ការងារដោយឱ្យពួកគេបានឈប់សម្រាកថ្ងៃបុណ្យ តែបើធ្វើការថ្ងៃបុណ្យត្រូវគិតប្រាក់ទៅតាមច្បាប់ការងារ។ ការផ្ទុះចេញនូវ
រាជធានីភ្នំពេញ ៖ បុគ្គលិកចំនួន២២នាក់នៃក្រុមហ៊ុនអ៊ីនធើរណេតមួយកន្លែងដែលគេអះអាងថា បើកល្បែងតាមប្រព័ន្ធកុំព្យូទ័របាននាំគ្នាធ្វើកូដកម្មតវ៉ាមិនធ្វើការ ដើម្បីទាមទារឱ្យថៅកែជាជនជាតិកូរ៉េខាងត្បូងម្នាក់គោរពច្បាប់ការងារដោយឱ្យពួកគេបានឈប់សម្រាកថ្ងៃបុណ្យ តែបើធ្វើការថ្ងៃបុណ្យត្រូវគិតប្រាក់ទៅតាមច្បាប់ការងារ។ ការផ្ទុះចេញនូវការតវ៉ានេះបានកើតឡើង កាលពីវេលាម៉ោង ១រសៀលថ្ងៃទី១៧ ឧសភា ដោយបុគ្គលិកទាំងអស់មិនធ្វើការ ហើយនាំគ្នាមកឈរត្រៀបត្រា នៅមុខស្នាក់ការដែលស្ថិតនៅអគារលេខ A0014 ផ្លូវលេខ ៣៣៩ សង្កាត់បឹងកក់ទី១ ខណ្ឌទួលគោក ។
តាមបុគ្គលិកដែលនាំគ្នាតវ៉ាបានឱ្យដឹងថា ក្រុមហ៊ុនអ៊ីនធើរណេតនេះបានបើកល្បែងតាមប្រព័ន្ធកុំព្យូទ័រ ហើយធ្វើការស៊ីសងតាមគណនីនៅប្រទេសកូរ៉េ ។ បុគ្គលិកទាំងអស់ចំនួន២២នាក់ធ្វើការចែកចេញជា៣វេន គឺវេនទី១-ចាប់ពីម៉ោង៧ព្រឹក រហូតដល់ម៉ោង៣រសៀល វេនទី២-ពីម៉ោង៣រសៀលដល់ម៉ោង១១យប់ និងវេនទី៣-ចាប់ពីម៉ោង១១យប់ រហូតដល់ម៉ោង៧ព្រឹក ដោយប្រាក់ខែម្នាក់ៗបានតែ៧០ដុល្លារ ទៅ៩០ដុល្លារប៉ុណ្ណោះ ។
បុគ្គលិកទាំងនេះបាននិយាយទៀតថា រយៈពេល៣ថ្ងៃមកហើយ ដែលបុគ្គលិកទាំងអស់នាំ គ្នាតវ៉ា ព្រោះមិនបានឈប់សម្រាកនៅក្នុងថ្ងៃបុណ្យចំរើនព្រះជន្មព្រះមហាក្សត្រ ដើម្បីទាមទារឱ្យក្រុមហ៊ុនគិតប្រាក់បន្ថែមទៅតាមច្បាប់ការងារ ។ ពួកគេនិយាយថា ពេលបុគ្គលិកសុំឈប់១ថ្ងៃកាត់ប្រាក់ម្នាក់១០ដុល្លារ ដល់ពេលថ្ងៃបុណ្យដែលជាថ្ងៃឈប់សម្រាកបែរជាបង្ខំឱ្យធ្វើការដោយមិនបានគិតប្រាក់ឱ្យបុគ្គលិកទៅវិញ ។
តាមតំណាងជនជាតិកូរ៉េម្នាក់បានឱ្យដឹងថា ផ្ទះបើកអ៊ីនធើរណេតនោះគឺបើកលេងហ្គេមមានច្បាប់អនុញ្ញាតត្រឹមត្រូវ មិនមែនបើកលេងល្បែង ស៊ីសងតាមប្រព័ន្ធកុំព្យូទ័រនោះទេ ។ទោះបីជាយ៉ាងណា បើតាមបុគ្គលិកអះអាងថា បើកល្បែងស៊ីសងតាមប្រព័ន្ធកុំព្យូទ័រ ៕
ចែករំលែកព័តមាននេះ