សម្តេចតេជោ៖ ខ្ញុំមិនស្នើសុំលែងទោសឲ្យ កឹម សុខាឡើយ ព្រោះមិនទុកចិត្តបរទេស
ខេត្តព្រះសីហនុ ៖ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានអះអាងថា ការដែលមិនស្នើសុំព្រះមហាក្សត្រ លើកលែងទោសឲ្យលោក កឹម…
ខេត្តព្រះសីហនុ ៖ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានអះអាងថា ការដែលមិនស្នើសុំព្រះមហាក្សត្រ លើកលែងទោសឲ្យលោក កឹម សុខា គឺបណ្ដា លមកពីការមិនទុកចិត្តជនបរទេស ដែលធ្វើការរបៀប ចាប់ដៃជាន់ជើង ទៅជួបជនជាប់ចោទ (កឹម សុខា) ទាំងដែលខ្លួនកំពុងធ្វើការជាមួយ រាជរដ្ឋាភិបាលស្របច្បាប់ ។
ថ្លែងចេញពីទឹកដី នៃខេត្តព្រះសីហនុក្នុងពិធីសំណេះសំណាលជាមួយ កម្មករ និយោជិត ទស្សនា ពិព័រណ៍សមិទ្ធផល និងពិធីសម្ពោធដាក់ឱ្យដំណើរការរោងចក្រផលិតសំបកកង់ ដើម្បី អបអ រសាទរខួបលើកទី១០ នៃគំនិតផ្តួចផ្តើមខ្សែក្រវ៉ាត់មួយ ផ្លូវមួយ នៅតំបន់សេដ្ឋកិច្ចពិសេស នៅព្រឹកថ្ងៃទី២២ ខែឧសភា ឆ្នាំ២០២៣សម្តេចតេជោបានលើក ឡើងថា៖ «ខ្ញុំ សុំយកឱ កាសនេះនិយាយតែម្តង ស្តង់ដាពីរមកសង្កត់កម្ពុជាឲ្យធ្វើអញ្ចេះៗ រហូតដល់ជាមួយអ្នកខ្លះអត់ហ៊ានដែរ។ ខ្ញុំចង្អុលមុខថាពួកអ្នកឯងបាននិយាយជាមួយខ្ញុំទេ ថាអ្នកនេះអញ្ចេះ អ្នកនោះអញ្ចោះ! ចុងក្រោយនិយាយតែម្តងថាអ្នកនេះជាប់គុក តែខ្ញុំថាមកពីអ្នកស្រឡាញ់អ្នកនឹងពេក ទៅសួរសុខទុក្ខដល់ផ្ទះ នាំអ្នកនឹងទៅដល់ស្ថានទូត ក្នុងពេលគេកំពុងស្រាវជ្រាវរឿងឃុបឃិតជាមួយបរទេស» ។
ជាមួយគ្នានោះដែរ សម្តេចតេជោបានលើកឡើងថាចំពោះសំណុំរឿង (កឹម សុខា) សម្តេចអាចធ្វើបាន ប៉ុន្តែសម្តេចមិនទុកចិត្តអ្នកឯង(កឹម សុខា)ព្រោះថាអ្នកលេងល្បែងខូច គឺចាប់ដៃជាក់ជើង។
សម្តេចគូសបញ្ជាក់ថា៖«អ្នកមកធ្វើការជាមួយខ្ញុំបន្ទាប់មកអ្នកឯងជួបជាមួយអ្នកផ្សេង! ខ្ញុំមិនដឹងឬ! ខ្ញុំមិនមែនជាក្មេងបៀមដៃទេ សូមប្រាប់ឲ្យហើយ អីញ្ចឹងទេហ៊ុន សែនមិនលើកលែ ងទោសទេ ធ្វើអ្វីខ្ញុំ។ និយាយគ្នាឲ្យច្បាស់ ថ្ងៃក្រោយកុំព្រហើនទៀតក្នុងកា រធ្វើនយោបាយកា របរទេស»។
សម្តេចតេជោក៏បានផ្តាំអ្នកការទូតនៅក្នុងក្រុងភ្នំពេញគួរល្មមយល់ហើយ រឿងអី«…» មកពីអ្នកឯងទេ! អ្នកឯងធ្វើឲ្យខ្ញុំមិនទុកចិត្ត។
សម្ដេចតេជោ ហ៊ុន សែន បានគូសបញ្ជាក់ថា «បើចង់ឲ្យលើកលែងទោស សាលក្រមសាលាដំបូង ចេញទៅជាធរមាន នាយករដ្ឋមន្ត្រី ធ្វើលិខិតទៅព្រះមហាក្សត្រ ស្នើសុំលើកលែងទោស តែខ្ញុំមិនទុកចិត្តជន បរទេសទាំងឡាយដែលប្រមាថខ្ញុំ ប្រមាថអធិបតេយ្យរបស់ខ្ញុំ មកធ្វើការជាមួយខ្ញុំហើយ ទៅធ្វើការជាមួយអ្នកដ៏ទៃ (កឹម សុខា)។
ជុំវិញករណីនេះ សម្ដេចតេជោបានផ្ដាំទៅតើអ្នកជ្រើសរើសប្រទេសមួយឬជ្រើ សរើស ក្រុមមនុស្សមួយក្រុម។ សម្តេចអះអាងថាសម្តេចមិនខ្លាចក្នុងការនិយាយនោះទេ ទោះបីនៅ ជាមួយឯកអគ្គរដ្ឋទូតចិន និងឯកអគ្គរាជទូតជប៉ុនក៏ដោយព្រោះនិយាយរឿងពិត។
ជាមួយគ្នានោះសម្តេចបានផ្តាំទៅសហការីសម្តេចថាកុំលេងល្បែងនយោបាយចាប់ដៃ ជាន់ជើងឲ្យសោះទាំងក្នុងក្របខណ្ឌក្នុងស្រុក និងក្របខណ្ឌអន្តរជាតិ ដូចជាមិនត្រូវធ្វើទំ នាក់ទំ នងចិនដីគោក(ចិនតៃវ៉ាន់)ឬស្គាល់នោះទេ។
គួរសូមជម្រាបថាតាមការសង្កេត គេឃើញមានបណ្ដាឯកអគ្គរដ្ឋទូត (ក្រុមឥណ្ឌូប៉ាស៊ីហ្វិក) ដឹកនាំដោយ សហរដ្ឋអាមេរិក ជប៉ុន អូស្ត្រាលី កាដាណា អឺរ៉ុប…ដែលតែងតែជួបលោក កឹម សុខា ទាំងដែលតុលាការ កំពុងដំណើរការក្ដី ជុំវិញករណី «ក្បត់ជាតិ»។ ការជួបគ្នានេះមិនត្រូវបានស្ថានទូតទាំងនោះ ប្រាប់ក្រសួងការបរទេសកម្ពុជាឲ្យដឹងនោះទេ ។
សូមរំលឹកថា លោក កឹម សុខា អតីតប្រធាន អតីតគណបក្សសង្គ្រោះជាតិ ត្រូវបានចៅក្រម ជំនុំជម្រះ នៃសាលាដំបូងរាជធានីភ្នំពេញ សម្រេចផ្តន្ទាទោស ឲ្យជាប់ពន្ធនាគាររយៈពេល ២៧ ឆ្នាំពីបទ «ក្បត់ជាតិ» កាលពីថ្ងៃទី៣ ខែមីនា ឆ្នាំ២០២៣។ លោក កឹម សុខា មិនត្រូវអនុញ្ញាតឲ្យចាកចេញពីបរិវេណផ្ទះនោះទេ ដរាបណាមិនមានការអនុញ្ញាតពីតុលាការ ៕
ចែករំលែកព័តមាននេះ