រាជធានីភ្នំពេញ ៖ កាលពីរសៀលថ្ងៃទី ២ កុម្ភៈ អាជ្ញាធរខណ្ឌឫស្សីកែវ បានធ្វើពិធី ដុតកំទេចទូហ្គេមចំនួន១៤៣គ្រឿង និងស៊ីឌី វីស៊ីឌី ឌីវីឌីអាសអាភាសគ្មានទិដ្ឋាការចំនួន ៣.៥៦៧បន្ទះ ក្រោមអធិបតីភាពលោកនុត ពុធដារ៉ា អភិបាលរងខណ្ឌ និងជាតំណាង លោកឃ្លាំង ហួត អភិបាលខណ្ឌឫស្សីកែវ ។ ពិធីនេះត្រូវបានរៀបចំធ្វើឡើងនៅក្នុងដីវាល មុខអតីតចំណតរថយន្ដព្រែកលៀប ក្នុង សង្កាត់ព្រែកលៀប ខណ្ឌឫស្សីកែវ ដោយ មានការចូលរួមពីមន្ដ្រីរាជការជុំវិញសាលា ខណ្ឌ និងសិស្សានុសិស្សយ៉ាងច្រើនកុះករ ។
លោកសន សោភ័ណ្ឌ រដ្ឋបាលខណ្ឌឫស្សីកែវ បានឱ្យដឹងថា ថ្ងៃនេះសាលាខណ្ឌឫស្សី កែវបានរួមសហការជាមួយព្រះរាជអាជ្ញាអម សាលាដំបូងរាជធានី ធ្វើពិធីដុតកំទេចចោល នូវឧបករណ៍ល្មើសច្បាប់ ក្នុងនោះមានទូហ្គេម ចំនួន១៤៣គ្រឿង និងស៊ីឌី វីស៊ីឌី ឌីវីឌី អាស អាភាសគ្មានទិដ្ឋាការចំនួន៣.៥៦៧បន្ទះ ដែលអាជ្ញាធរខណ្ឌឫស្សីកែវ រួមជាមួយ សមត្ថកិច្ចចំរុះចុះបង្ក្រាបកាលពីពេលកន្លង មក នៅក្នុងសង្កាត់ទួលសង្កែ ។នៅក្នុងឱកាសនោះ លោកនុត ពុធដារ៉ា អភិបាលរងខណ្ឌ និងជាតំណាងលោកឃ្លាំង ហួត អភិបាលខណ្ឌឫស្សីកែវ បានឱ្យដឹងថា សាលាខណ្ឌឫស្សីកែវបានយកចិត្ដទុកដាក់ យ៉ាងខ្លាំងនៅក្នុងការទប់ស្កាត់ និងបង្ក្រាប ល្បែងស៊ីសងគ្រប់ប្រភេទ រួមទាំងទូហ្គេម ប្រភេទល្បែងស៊ីសង និងស្ឌីស្កវីដេអូអាស អាភាស វីស៊ីឌី ឌីវីឌី និងស៊ីឌី ថតចំលងដែល គ្មានទិដ្ឋាការតាមអនុសាសន៍របស់សម្ដេចអគ្គ មហាសេនាបតីតេជោ ហ៊ុន សែន និងតាម ការណែនាំរបស់លោកកែប ជុតិមា អភិបាល រាជធានីភ្នំពេញ ។ ជាក់ស្ដែង មានទូហ្គេម ប្រភេទល្បែងស៊ីសង និងស៊ីឌី វីស៊ីឌី ឌីវីឌី គ្មានទិដ្ឋាការរាប់ពាន់បន្ទះត្រូវបានរៀបចំធ្វើ ពិធីកំទេចចោលនៅពេលនេះ តាមគោល ការណ៍របស់អភិបាលរាជធានីភ្នំពេញ ។
លោកនុត ពុធដារ៉ា ក៏បានណែនាំដល់សិស្សានុ សិស្សកុំឱ្យប្រព្រឹត្ដល្បែងស៊ីសង និងមើល វីដេអូអាសអាភាស ពីព្រោះវាជាអំពើអបាយ មុខ បើលង់ខ្លួនក្នុងអំពើអបាយមុខនេះ ក្មួយៗ ច្បាស់ជាខូចអនាគតមិនខាន ។លោកអភិបាលរងក៏បានសំណូមពរដល់ អាណាព្យាបាលសិស្សឱ្យយកចិត្ដទុកដាក់ក្នុង ការជួយទប់ស្កាត់កូនចៅកុំឱ្យចូលលេងហ្គេម ដែលជាហេតុនាំឱ្យខាតបង់ប្រាក់កាស និង ពេលវេលាសំរាប់សិក្សា ។ គួរបញ្ជាក់ថា កន្លងមកមានទូហ្គេម រួមទាំងឌីវីឌី វីស៊ីឌី អាសអាភាស និងគ្មានទិដ្ឋាការជាច្រើនត្រូវ បានអាជ្ញាធរកំទេចចោលច្រើនលើកមកហើយ។
ចែករំលែកព័តមាននេះ