ខេត្តបន្ទាយមានជ័យ ៖ បុរសជនជាតិឥណ្ឌូនេស៊ីម្នាក់ជិៈរថយន្តស៊េរីទំនើបបុកជាមួយអ្នកជិះម៉ូតូបណ្តាលរបួសជើង ហើយក្នុងហេតុការណ៍នោះ ក៏មានអ្នកសារព័តមានចុះមកថតឡាយហ៍ ស្រាប់តែភាគីខាងឥណ្ឌូនេស៊ីបានហៅបក្សពួកជិះឡានមករករឿង និងជេរប្រមាថផ្អើលពេញផ្លូវកើតឡើងកាលពីថ្ងៃទី០៧ ឧសភា ឆ្នាំ២០២៣ ស្ថិតភូមិក្បាលស្ពានមួយ…
ខេត្តបន្ទាយមានជ័យ ៖ បុរសជនជាតិឥណ្ឌូនេស៊ីម្នាក់ជិៈរថយន្តស៊េរីទំនើបបុកជាមួយអ្នកជិះម៉ូតូបណ្តាលរបួសជើង ហើយក្នុងហេតុការណ៍នោះ ក៏មានអ្នកសារព័តមានចុះមកថតឡាយហ៍ ស្រាប់តែភាគីខាងឥណ្ឌូនេស៊ីបានហៅបក្សពួកជិះឡានមករករឿង និងជេរប្រមាថផ្អើលពេញផ្លូវកើតឡើងកាលពីថ្ងៃទី០៧ ឧសភា ឆ្នាំ២០២៣ ស្ថិតភូមិក្បាលស្ពានមួយ សង្កាត់អូរជ្រៅ ក្រុងប៉ោយប៉ែត ។
អ្នកឃើញហេតុការណ៍បានប្រាប់ថា នៅពេលគ្រោះថ្នាក់ចរាចរណ៍ខាងលើ មានរថយន្តសេរីទំនើប១គ្រឿង ពាក់ស្លាកលេខកម្ពុជាWILLY.SCដែលស្គាល់អ្នកបើកបរជាជនជាតិឥណ្ឌូនេស៊ី បានបើកបរតាមបណ្តោយផ្លូវបរិវេណកាស៊ីណូផ្កាយប្រាំ ក្នុងទិសដៅពីជើងមកត្បូងក្នុងល្បឿនលឿន ក៏បានបុកជាមួយអ្នកជិៈម៉ូតូហុងដាឌ្រីមពាក់ផ្លាកលេខបន្ទាយមានជ័យ1Y.2848 ជិះដោយបុគ្គលិកមេក្រូហិរញ្ញវត្ថុម្នាក់ ក្នុងទិសដៅបញ្ច្រាសគ្នាពីត្បូងមកជើងបានបុកពេញទំហឹងបណ្តាលរបួសជើងម្ខាងធ្ងន់ និងខូចខាតម៉ូតូ ។
ក្រោយគ្រោះថ្នាក់ចរាចរណ៍កើតឡើង មានក្រុមអ្នកសារព័ត៌មានក្រុងប៉ោយប៉ែតម្នាក់ បានទៅដល់ផ្តិតយករូបភាពឡាយជាព័ត៌មានទាន់ហេតុការណ៍លើដងផ្លូវសាធារណៈ ស្រាប់តែអ្នកបើកបររថយន្តបើកទ្វារចេញហើយចង្អុលមុខរកវវាយអ្នកសាព័ត៌មាន ដោយឃើញអ្នកម៉ូតូជួយមិនហ៊ាន ហើយទូរស័ព្ទហៅបក្សពួកជិះឡាន១គ្រឿងម៉ាក់ស៊ីប ពាក់លេខកម្ពុជាPAKDE.07 ដែលមានគ្នា២នាក់ដែលជាជនជាតិឥណ្ឌូនេស៊ី បានគំរាមរកវាយ និងចង្អុលមុខអ្នកសារព័ត៌មានស្ទើរដល់ថ្ងាស ។
ហើយភ្លាមៗ ក៏ត្រូវបានសន្តិសុខកាស៊ីណូនាំឡើងរថយន្តទៅបាត់ ដោយទុកអោយសន្តិសុខកាស៊ីណូដោះស្រាយជាមួយអ្នករងគ្រោះ ទទួលចេញសំណងដល់ភាគីខាងម៉ូតូនិងព្យាបាលរបួសបញ្ចប់រឿង ។
ដោយឡែក រឿងជនជាតិឥណ្ឌូនេស៊ី៣នាក់ដែលគំរាមរកវាយអ្នកសារព័ត៌មានខាងលើ ត្រូវបានអ្នកសារព័ត៌មានរូបនោះទៅប្តឹងកម្លាំងនគរបាលប៉ុស្តិ៍ ដើម្បីជួយរកយុត្តិធម៌ ។
ព័ត៌មានបន្ថែមនឹងមានផ្សាយជូនបន្ត ។
ចែករំលែកព័តមាននេះ