តិចអត់ដឹង! នេះជាអាហារកំពូលទាំង៥យ៉ាង ប្រឆាំងនឹងជំងឺមហារីកសុដន់!
រាជធានីភ្នំពេញ ៖ ក្រុមអ្នកវិទ្យាសាស្ត្រមួយចំនួនគិតថា
នាំមកជូនដោយ Forte Insurance
រាជធានីភ្នំពេញ ៖ ក្រុមអ្នកវិទ្យាសាស្ត្រមួយចំនួនគិតថា ការទទួលសារធាតុមួយចំនួន រួមជាមួយអាហាររូបត្ថម្ភប្រចាំថ្ងៃរបស់យើងនឹងជួយកាត់បន្ថយជំងឺមហារីកសុដន់ ។ ខាងក្រោមនេះ គឺជាអាហារសំខាន់ទាំង៥មានសមត្ថភាពប្រឆាំងនឹងជំងឺនេះ ។ តោះនៅចាំអីទៀត! អ្នកគួរតែទទួលទានពពួកអាហារទាំងនេះ វាជារៀងរាល់ថ្ងៃដើម្បីចៀសវាងនូវជំងឺដ៏កាចសាហាវ និងជាជំងឺឈាមត្រជាក់សម្លាញ់ស្ត្រីជាច្រើនយ៉ាងស្ងៀមស្ងាត់ ។
១- ផ្លែទទឹម ៖ អាស៊ីត ellagic ដែលជាផ្នែកមួយដ៏សំខាន់នៃផ្លែទទឹម អាចការពារអ្នកពីប្រភេទនៃជំងឺមហារីកនេះ ។ វាបញ្ឈប់ការផលិតអ័រម៉ូនអឺស្ត្រូសែន ហើយបញ្ឈប់ការរីកលូតលាស់នៃកោសិកាមហារីកនៅក្នុងសុដន់ ។
២- ត្រីសាល់ម៉ុង ៖ ត្រីសាល់ម៉ុង គឺជាអាហារកំពូលទី២ ដែលអ្នកអាចបរិភោគដើម្បីប្រឆាំងនឹងជំងឺមហារីកសុដន់ ព្រោះវាសម្បូរទៅដោយជាតិខ្លាញ់ល្អ គឺអាស៊ីតខ្លាញ់អូមេហ្គា៣ ។ ការវិភាគជាច្រើនបានបង្ហាញថា ស្ត្រីដែលធ្លាប់ទទួលទានត្រីសាល់ម៉ុនក្នុងបរិមាណច្រើនមានឱកាសតិចជាង១៤% ក្នុងការកើតជំងឺនេះ ។
៣- ដំឡូងជ្វា ៖ សារជាតិ Carotenoids ដែលមាននៅក្នុងដំឡូងជ្វាផ្ទុកនូវសារធាតុដែលអាចគ្រប់គ្រងការរីកលូតលាស់ និងការរស់ឡើងវិញនៃកោសិការក្នុងរាងកាយរបស់ពួកយើង ហើយវាក៏ធ្វើឱ្យប្រព័ន្ធភាពស៊ាំក្នុងខ្លួនយើងមានភាពប្រសើរឡើងផងដែរ ។ សារជាតិ carotenoids មិនត្រឹមតែមានក្នុងដំឡូងជ្វាប៉ុណ្ណោះទេ វាក៏មានក្នុងការ៉ុត ល្ពៅ និងបន្លែពណ៌បៃតងចាស់ ។
៤- តែបៃតង ៖ តែបៃតងសម្បូរទៅដោយសារធាតុ polyphenols ដែលជាសារធាតុប្រឆាំងនឹងអុកស៊ីតកម្ម មានសកម្មភាពវិជ្ជមានចំពោះសុខភាពទាំងមូល រួមទាំងការការពារប្រឆាំងនឹងជំងឺមហារីកសុដន់ផងដែរ ។ ស្ត្រីដែលទទួលទានតែបៃតងយ៉ាងតិចមួយពែងជារៀងរាល់ថ្ងៃ អាចការពារប្រឆាំងនឹងជំងឺនេះច្រើនជាងអ្នកដែលមិនទទួលទាន ។
៥- ផ្សិត ៖ ការវិភាគជាច្រើនបានបង្ហាញថា ស្ត្រីដែលទទួលទានផ្សិតយ៉ាងហោចណាស់១០ក្រាម ក្នុង១ថ្ងៃមានឱកាសក្នុងការកើតជំងឺមហារីកសុដន់ ៦៦% តិចជាងស្ត្រីដែលមិនទទួលទានបន្លែដ៏អស្ចារ្យនេះក្នុងរបបអាហារប្រចាំថ្ងៃរបស់ពួកគេ ។ ផ្សិតមិនត្រឹមតែមានរសជាតិឆ្ងាញ់ ថែមទាំងអាចជួយយើងប្រឆាំងនឹងជំងឺមហារីកសុដន់បានទៀតផង ៕
ចែករំលែកព័តមាននេះ