គឹម វាសនា និងហ៊ឹម សេរី ជួបកីឡាករថៃថ្ងៃសុក្រនេះមួយណាសម្រេចគោលដៅ?
រាជធានីភ្នំពេញ ៖ ការប្រកួតប្រដាល់នៅលើសង្វៀនទូរទស្សន៍ My TV ថ្ងៃសុក្រ ទី២០ តុលា នេះ ដល់ពេល
រាជធានីភ្នំពេញ ៖ ការប្រកួតប្រដាល់នៅលើសង្វៀនទូរទស្សន៍ My TV ថ្ងៃសុក្រ ទី២០ តុលា នេះ ដល់ពេល
រាជធានីភ្នំពេញ ៖ ការប្រកួតប្រដាល់នៅលើសង្វៀនទូរទស្សន៍ My TV ថ្ងៃសុក្រ ទី២០ តុលា នេះ ដល់ពេលកំណត់ត្រូវប្រកួតអន្តរជាតិទៀតហើយ ដោយប្រកាសបើករេញឱ្យកីឡាករកម្ពុជា២រូប និងថៃ២រូបប៉ះគ្នា ។ អ្នកនិយមទស្សនាកីឡាប្រដាល់ភាគច្រើនកំពុងតែទន្ទឹងរង់ចាំមើល ថាតើកីឡាករកម្ពុជាទាំង២រូបនេះអាចសម្រេចគោលដៅរបស់ខ្លួនឬយ៉ាងណា ខណៈកីឡាករថៃដែលពួកគេត្រូវជួបហាក់មានសមត្ថភាពពិបាកផ្ដួលអ៊ីចឹងនោះ ។
កីឡាករ គឹម វាសនា មកពីក្លិបទ័ពពិសេសឆត្រយោងលេខ៩១១ ត្រូវបានគេផ្គូផ្គងឱ្យជួបប្រកួតជាមួយកីឡាករថៃឈ្មោះតម្រួតឡេកធីដេត ឡួងើន ក្នុងប្រភេទទម្ងន់៦៥គីឡូក្រាម។
គឹម វាសនា តាមពិតទៅគេគ្រាន់តែជាអ្នកប្រដាល់ជើងថ្មីមួយរូបដែលមិនសូវឃើញលេចមុខនៅលើសង្វៀនញឹកញាប់ប៉ុណ្ណោះ ។
កីឡាករកម្ពុជារូបនេះ មានប្រវត្តិប្រកួត៥៧ដង ឈ្នះ៤៦ដង ចាញ់១០ដង ស្មើ១ដង និងធ្លាប់ផ្ដួលគូប្រកួតឱ្យសន្លប់បាន១២ដង ក្នុងពេលកីឡាករថៃវិញធ្លាប់ប្រកួតដល់ទៅ៨៥ដង ឈ្នះ៦៩ដង ចាញ់១៣ដង ស្មើ៣ដង និងផ្ដួលគូប្រកួតឱ្យសន្លប់បាន១១ដង ។ យោងតាមប្រវត្តិប្រកួតរបស់កីឡាករទាំងពីរអ្នកនិយមតាមដានការប្រកួតភាគច្រើនមិនមានទំនុកចិត្តលើ គឹម វាសនា ប៉ុន្មានឡើយ ដោយសារកីឡាកររូបនេះកម្រឃើញឡើងសង្វៀនពេកទើបគេមិនដឹងថាវិជ្ជាគុនរបស់គេខ្លាំងប៉ុនណា ។
មួយគូអន្តរជាតិទៀត កីឡាករ ហ៊ឹម សេរី មកពីក្លិបតាព្រហ្មមានជ័យ ត្រូវជួបប្រកួតជាមួយកីឡាករថៃឈ្មោះ លុកយ៉ត ស៊ីត សាមផ្សាក់ ក្នុងប្រភេទទម្ងន់៥១គីឡូក្រាម ។
តាមដឹង កីឡាករថៃរូបនេះធ្លាប់ប្រកួតបានរហូតដល់ទៅ៨៧ដង ឈ្នះ៦៧ដង ចាញ់១៦ដង និងស្មើ៤ដង ក្នុងពេលកីឡាករកម្ពុជាធ្លាប់ប្រកួតបានត្រឹមតែ៥៤ដងប៉ុណ្ណោះ ឈ្នះ៤៧ដង ចាញ់ចាញ់៥ដង ស្មើ២ដង និងធ្លាប់ផ្ដួលគូប្រកួតឱ្យសន្លប់បាន១០ដង ។ ទោះបីយ៉ាងណា សម្រាប់ការជួបគ្នារវាងកីឡាករទាំងពីរលើកនេះអត់មានអ្នកណាហ៊ានទាយទុកមុនពីលទ្ធផលចុងក្រោយឡើយ ដូច្នេះមានតែរង់ចាំមើលការប្រកួតជាក់ស្ដែងទាំងអស់គ្នា ។
ចំណែកគូប្រកួតមិត្តភាពធម្មតារវាងកីឡាករកម្ពុជានិងកម្ពុជាវិញនោះតម្រូវទៅលើ កីឡាករ ផន ប៊ុនម៉ៅ មកពីសមាគមកីឡាប្រដាល់ក្រសួងការពារជាតិ ប្រកួតជាមួយកីឡាករ ទី ពន្លែត មកពីក្លិបអង្គរមានជ័យ ខេត្តសៀមរាប និងកីឡាករ រិទ្ធ ប្រាក់ប៊ិន មកពីក្លិបកងពលតូចលេខ៧០ ប្រកួតជាមួយកីឡាករ នឹម នន មកពីក្លិបទ័ពពិសេសឆត្រយោងលេខ៩១១ ៕
ចែករំលែកព័តមាននេះ