សំណាងហើយកម្ទេចចោល កុំអីមានអ្នកឈឺហើយ
ខេត្តបន្ទាយមានជ័យ ៖ សាច់មាន់ចម្រុះខូចគុណភាពចំនួន៨៦០គីឡូក្រាម ត្រូវបានមន្ត្រី
ខេត្តបន្ទាយមានជ័យ ៖ សាច់មាន់ចម្រុះខូចគុណភាពចំនួន៨៦០គីឡូក្រាម ត្រូវបានមន្ត្រី
ខេត្តបន្ទាយមានជ័យ ៖ សាច់មាន់ចម្រុះខូចគុណភាពចំនួន៨៦០គីឡូក្រាម ត្រូវបានមន្ត្រីកាំកុងត្រូលប៉ុស្តិ៍ច្រកទ្វារអន្តរជាតិប៉ោយប៉ែតឆែកឆេរចាប់បានពីរទេះមួយដែលកម្មករអូសចេញពីដីថៃដល់ចំណុចខាងកើតរង្វល់មូលច្រកទ្វារអន្តរជាតិមួយនេះ ស្ថិតក្នុងភូមិក្បាលស្ពាន១ សង្កាត់ និងក្រុងប៉ោយប៉ែត។ សាច់ខូចគុណភាពនេះរួមមានឆ្អឹង,ក្រញ៉ាំជើង និងគ្រឿងក្នុងមាន់សរុប៨៦០គីឡូក្រាម ឈ្មួញបានដឹកបង្កប់ក្រោមបន្លែតាមរទេះមួយអូសចេញពីដីថៃ។ លុះមន្ត្រីជំនាញឃើញសង្ស័យក៏ស្ទាក់ចាប់ឆែកឆេរស្រាប់តែប្រទះឃើញសាច់មាន់ចម្រុះខូចគុណភាពទាំងនេះ ខណៈឈ្មួញ និងកម្មករអូសរទេះបានគេចខ្លួនបាត់តែម្តង។
យ៉ាងណាក៏ដោយសាច់មាន់ចម្រុះខូចគុណភាពទាំងនេះត្រូវបានមន្ត្រីជំនាញសហការណ៍ជាមួយស្ថាប័ន និងសមត្ថកិច្ចពាក់ព័ន្ធនៅមាត់ច្រកទ្វាររួមគ្នាដុតកម្ទេចចោលនៅរសៀលថ្ងៃទី១៩ តុលា ២០១៧ ក្រោមវត្តមានលោក ស៊ាន ស៊ីណាត ប្រធានសាខាកាំកុងត្រូលខេត្តបន្ទាយមានជ័យ។ គួរបញ្ជាក់ថា ករណីសាច់ និងទំនិញខូចគុណភាពនេះកន្លងមកមន្ត្រីជំនាញកាំកុងត្រូលសហការណ៍ជាមួយសមត្ថកិច្ចនិងស្ថាប័នពាក់ព័ន្ធនៅមាត់ច្រកទ្វារអន្តរជាតិប៉ោយប៉ែតតែងតែឆែកឆេរចាប់បានយកទៅដុតកម្ទេចចោលជាបន្តបន្ទាប់ផងដែរ៕
ចែករំលែកព័តមាននេះ