តាំងពីព្រឹកដល់យប់ ពីយប់ដល់អធ្រាត្រ រហូតភ្នែកលែងឃើញ
តាមប្រភពព័ត៌មាន Shanghaiist បានឲ្យដឹងថា
ចិន ៖ តាមប្រភពព័ត៌មាន Shanghaiist បានឲ្យដឹងថា យុវតីអាយុ២១ឆ្នាំម្នាក់ នៅក្នុងខេត្ត Guangdong ប្រទេសចិន បានងងឹតភ្នែកម្ខាង ដោយសារតែនាងលេងហ្គេមទូរស័ព្ទច្រើនពេកពីមួយថ្ងៃទៅមួយថ្ងៃ។
នាងចំណាយពេលពេញមួយថ្ងៃ ដើម្បីលេងហ្គេម King of Glory នៅលើទូរស័ព្ទ។ ក្រោយពីនាងលេងបានមួយរយៈ នាងចាប់ផ្តើមចាប់អារម្មណ៍ថា ភ្នែករបស់នាងម្ខាងមិនអាចមើលឃើញ។ នាងក៏ទៅឲ្យពេទ្យពិនិត្យ ហើយក៏រកឃើញថា នាងមានការកកស្ទះនៅសរសៃអាក់ទែបាតភ្នែក នៅភ្នែកខាងស្តាំ។
សភាពរបស់ភ្នែកនាង មានភាពពិបាកក្នុងការដឹងឲ្យឈឺអ្វីឲ្យពិតប្រាកដ ព្រោះវាជាជំងឺរបស់មនុស្សចាស់។ វាភាគច្រើនកើតឡើងលើស្ត្រីវ័យចំណាស់ តែក្នុងករណីនេះគឺមកពីនាងសំលឹងមើលអេក្រង់ទូរស័ព្ទយូរពេក។
នៅពេលអ្នកយកព័ត៌មានសួរនាំនាង នាងបានប្រាប់ថា៖ «ខ្ញុំតែងតែក្រោកពីព្រលឹមនៅម៉ោង៦ព្រឹក ហើយទទួលទានអាហារពេលព្រឹក មុនពេលលេងហ្គេម។ ខ្ញុំលេងរហូតដល់ម៉ោង៤ល្ងាចជារៀងរាល់ថ្ងៃដែលខ្ញុំអត់ធ្វើការ។ ដល់ពេលល្ងាច ខ្ញុំនឹងញ៉ាំអាហារពេលល្ងាចហើយដេកមួយភ្លែត។ នៅពេលក្រោកឡើងវិញ ខ្ញុំបន្តលេងវារហូតដល់ម៉ោង១ឆ្លងអធ្រាត្រ»។
នាងបន្តថា នាងពិតជាមានក្តីសោកស្តាយយ៉ាងខ្លាំង ដែលនាងមិនព្រមស្តាប់តាមម្តាយឪពុកនាងពេលកន្លងមកនេះ៕
ចែករំលែកព័តមាននេះ