កូរ៉េខាងជើងគំរាមវាយប្រហារនឹកស្មានមិនដល់
ប្រទេសកូរ៉េខាងជើង ៖ គណៈកម្មាធិការគ្រាបន្ទាន់កូរ៉េខាងជើងថា
ប្រទេសកូរ៉េខាងជើង ៖ គណៈកម្មាធិការគ្រាបន្ទាន់កូរ៉េខាងជើងប្រឆាំងបណ្តាសមយុទ្ធសង្គ្រាមនុយក្លេអ៊ែរជាទីភ្នាក់ងារឃោសនាមួយកាលពីថ្ងៃទី១៩ តុលា បានគំរាមថា ក្រុងព្យុងយ៉ាងអាចធ្វើការវាយប្រហារនឹកស្មានពុំដល់មួយប្រឆាំងសហរដ្ឋអាេមរិកក្នុងឱកាសណាមួយ ខណៈភាពតានតឹងកំពុងឡើងខ្ពស់បំផុតនៅឧបទ្វីបកូរ៉េដោយសារកម្មវិធីនុយក្លេអ៊ែរ និងបាលីស្ទិករបស់កូរ៉េខាងជើង ។
ការគំរាមនេះរបស់កូរ៉េខាងជើង កើតមានខណៈកងម៉ារីនកូរ៉េខាងត្បូង និងអាេមរិកកំពុងធ្វើសមយុទ្ធជើងទឹករួមធំមួយក្នុងដែនទឹកឧបទ្វីបកូរ៉េជាមួយការដាក់ពង្រាយនាវាផ្ទុកយន្តហោះនុយក្លេអ៊ែរ USS RONALD REAGAN ។
គណៈកម្មាធិការកូរ៉េខាងជើងនេះបានថ្កោលទោសការសម្រេចរបស់ក្រុងសេអ៊ូល និងក្រុងវ៉ាស៊ីនតោនប្រមូលបណ្តាមធ្យោបាយយុទ្ធសាស្ត្រនុយក្លេអ៊ែរនៅជិតឧបទ្វីបកូរ៉េ ។ ក្នុងសេចក្តីប្រកាសមួយចេញផ្សាយដោយទីភ្នាក់ងារព័ត៌មានកូរ៉េខាងជើង KCNA គណៈកម្មាធិការនោះនិយាយថា សហរដ្ឋអាេមរិកពុំត្រូវភ្លេចទេថា ខ្លួននឹងអាចប្រឈមមុខចំពោះការវាយប្រហារនឹកស្មានពុំដល់មួយក្នុងឱកាសមួយដែលនឹកស្មានមិនដល់ដែរ ៕
ចែករំលែកព័តមាននេះ