មនុស្សមារត់គេចទាំងព្រលឹងចុងសក់… ពេលរោងចក្រផ្ទុះឆាបឆេះយ៉ាងសន្ធោសន្ធៅ
អាជ្ញាធរគូសបញ្ជាក់ថា
អាជ្ញាធរគូសបញ្ជាក់ថា
ប្រទេសឥណ្ឌា ៖ អាជ្ញាធរគូសបញ្ជាក់ថា ការផ្ទុះក្នុងរោងចក្រកាំជ្រួចភ្លើងមួយនាភាគកណ្តាលឥណ្ឌាកាលពីថ្ងៃទី១៨ តុលា បណ្តាលឱ្យមនុស្សស្លាប់២០នាក់ ហើយមនុស្ស១០នាក់ទៀតរងរបួស ក្នុងនោះមួយចំនួនរបួសធ្ងន់ ។
និយោជិតរោងចក្រជាច្រើនសិបនាក់អាចរត់គេចចេញរួចខ្លួន រួចពួកអ្នកពន្លត់ភ្លើងប្រើពេល២ម៉ោង ទើបអាចពន្លត់ភ្លើងបាន ។ ការផ្ទុះឆេះកើតមានក្នុងរោងចក្រនេះស្ថិតនៅស្រុក BALAGHAT រដ្ឋម៉ាឌីយ៉ាប្រាដែសភាគកណ្តាលឥណ្ឌា ។ ប្រមុខរដ្ឋបាលមូលដ្ឋានលោក BHARAT YDAV ស្ថិតនៅកន្លែងភ្លើងឆេះនិយាយថា មូលហេតុនៃការផ្ទុះនៅពុំទាន់ច្បាស់ ហើយយើងបើកការស៊ើបអង្កេតមួយ ។
គ្រោះថ្នាក់ការងារកើតមានញឹកញាប់នៅឥណ្ឌា បណ្តាលឱ្យមនុស្សស្លាប់ច្រើននាក់ ។ មនុស្ស១៣នាក់ស្លាប់កាលពីខែមេសា ដោយសារភ្លើងឆេះខាងក្នុងឃ្លាំងមួយនៅរដ្ឋម៉ាឌីយ៉ាប្រាដែសនោះ ៕
ចែករំលែកព័តមាននេះ