បា.ញ់ប្រហារទៀតហើយ… ស្លា.ប់ និងរបួសច្រើននាក់
ក្នុងសន្និសីទសារព័ត៌មានមួយប្រមុខប៉ូលិសគូសបញ្ជាក់ថា
ក្នុងសន្និសីទសារព័ត៌មានមួយប្រមុខប៉ូលិសគូសបញ្ជាក់ថា
សហរដ្ឋអាមេរិក ៖ បុរសអាយុ៣៧ឆ្នាំម្នាក់កាលពីថ្ងៃទី១៨ តុលា កំពុងត្រូវប៉ូលិសតាមរកយ៉ាងសកម្មនាភាគខាងកើតសហរដ្ឋអាមេរិក ក្រោយការបាញ់ប្រហារ២បន្តបន្ទាប់គ្នា ដោយការបាញ់ប្រហារមួយបណ្តាលឱ្យមនុស្សស្លាប់៣នាក់ និងរបួសធ្ងន់២នាក់នៅឯទីតាំងសហគ្រាសមួយក្នុងរដ្ឋម៉ារីឡែន ។
បុរសប្រដាប់អាវុធ ហើយមានគ្រោះថ្នាក់នេះត្រូវបានអាជ្ញាធរប្រាប់ថា មានឈ្មោះ RADEE LABEEB PRINCE រួចនាថ្ងៃទី១៨ តុលា ត្រូវប៉ូលិសតាមរកយ៉ាងសកម្មក្រោយពីរូបគេបាញ់ប្រហារនៅឯទីតាំងសួនឧស្សាហកម្មមួយស្ថិតនៅ EDGEWOOD ភាគឦសានរដ្ឋម៉ារីឡែន ។ មនុស្ស៣នាក់បានត្រូវស្លាប់ រួច២នាក់ទៀតរងរបួសធ្ងន់ធ្ងរដោយគ្រាប់កាំភ្លើង ។ ជនសង្ស័យបន្ទាប់មកបានរត់គេចខ្លួនតាមរថយន្ត CHEVROLET ACADIA ពណ៌ខ្មៅ មួយគ្រឿង ពាក់ស្លាកលេខរដ្ឋដឺឡាវ៉ាជិតខាង ហើយក្នុងរដ្ឋនោះមានការបាញ់ជាលើកទី២ ។ អាជ្ញាធរពុំបានបញ្ជាក់ថា តើមានជនរងគ្រោះដែរ ឬយ៉ាងណាឡើយ ក្នុងការបាញ់ប្រហារលើកទី២នេះ ។
ក្នុងសន្និសីទសារព័ត៌មានមួយប្រមុខប៉ូលិសរដ្ឋម៉ារីឡែនគូសបញ្ជាក់ថា ពេលប៉ូលិសលើកទៅដល់៤នាទីក្រោយសេចក្តីរាយការណ៍ពីការបាញ់ប្រហារ ប៉ូលិសប្រទះឃើញមនុស្ស៥នាក់ត្រូវគ្រាប់កាំភ្លើង ហើយ៣នាក់ស្លាប់ ។ អំពីមូលហេតុនៃការបាញ់ប្រហារប្រមុខប៉ូលិសរូបនេះនិយាយថា ជាការប្រញាប់ប្រញាល់ពេក ។ វាហាក់ដូចនោះជាការវាយប្រហារមួយតម្រង់ប្រឆាំងសហគ្រាសនេះ ដែលជនសង្ស័យធ្វើការ ។ ជននោះជាអ្នកកាន់លុយកាក់ ហើយគេប្រើអាវុធតែមួយដើម ៕
ចែករំលែកព័តមាននេះ