ខឹងប្រាប់ឱ្យឈប់ទាក់ទង… បើករថយន្តទម្លាក់ទឹក
Metro ផ្សាយថា តារាបង្ហាញម៉ូដអាយុ២៤ឆ្នាំ ខឹងខ្លាំងក្រោយពីត្រូវលោក
Metro ផ្សាយថា តារាបង្ហាញម៉ូដអាយុ២៤ឆ្នាំ ខឹងខ្លាំងក្រោយពីត្រូវលោក
«Metro»ផ្សាយថា នាង Christina Kuchma តារាបង្ហាញម៉ូដអាយុ២៤ឆ្នាំ ខឹងខ្លាំងក្រោយពីត្រូវលោក Guy Gentile អ្នកជំនួញអាយុ៤១ឆ្នាំដែលស្រលាញ់គ្នាអស់រយៈពេលជាង១ឆ្នាំ ប្រាប់ឲ្យឈប់ទាក់ទងគ្នា ។ កំហឹងនោះកើតឡើង ខណៈពេលកំពុងសម្រាកលំហែកាយក្នុងប្រទេសបាហាមា ។
ពេលខឹងនោះនាង Christina ស្រែកដាក់លោក Guy ថា «មនុស្សកុហក! ក្រែងថា នឹងជួយខ្ញុំក្នុងការធ្វើជំនួញមែនទេ ប៉ុន្តែពេលនេះប្រាប់ខ្ញុំខុសប្រធានបទ ខ្ញុំចង់ព្រមានឱ្យលោកបានដឹងជាមុនសិននៅខាងក្រោយផ្ទះរបស់ខ្ញុំ» ។
ក្រោយមកនៅពេលលោក Guy ធ្វើដំណើរដល់ផ្ទះរបស់នាង Christina ក៏ភ្ញាក់ផ្អើលខ្លាំងដោយឃើញរថយន្ត Mercedes S400 តម្លៃជាង១០០.០០០ដុល្លាររបស់ខ្លួនធ្លាក់ចូលទៅក្នុងអាងទឹកខាងក្រោយផ្ទះ ។ លោកប្រញាប់ហៅប៉ូលិសទៅជួយ ដោយចំណាយពេលដល់ទៅ៤ម៉ោង ទើបយករថយន្តចេញពីក្នុងទឹកបាន ។
លោក Guy រៀបរាប់ទាំងក្តុកក្តួលថា «ខ្ញុំស្ទើរតែលស់ព្រលឹង ពេលដំបូងខ្ញុំគិតថា Christina នៅក្នុងរថយន្ត ខ្ញុំមិនបារម្ភពីរថយន្តទេ ប៉ុន្តែនៅពេលមិនឃើញនាងស្ថិតក្នុងរថយន្ត ទើបយល់ថា ជារឿងមួយដែលនាងមានបំណងចង់បញ្ឈឺ ក្រោយពីខ្ញុំបញ្ចប់សម្ព័ន្ធភាពជាមួយនាង ។ ខ្ញុំបោះបង់នាង ហើយនាងក៏បោះបង់រថយន្តរបស់ខ្ញុំ» ។
លោក Guy បញ្ជាក់ប្រាប់សារព័ត៌មានក្នុងស្រុកថា ពួកគេបានទៅទទួលទានអាហារពេលល្ងាចជាមួយគ្នា ដោយនាង Christina ប្រាប់ថា ខ្លួនមានគោលគំនិតចង់ធ្វើជំនួញផ្នែកទីផ្សារ និងស្នើទឹកប្រាក់ពីលោកចំនួន៥០.០០០ដុល្លារ។ ក្រោយមកលោកបាននិយាយប្រាប់ថា «នាងមានដឹងទេ អ្នកកំពុងសេពគប់ជាមួយបុរសខុសហើយ ប្រសិនបើអ្នកចង់បានបុរសដែលផ្តល់ប្រាក់ធ្វើអ្វីមួយនោះ អ្នកជ្រើសយកមនុស្សខុសហើយ» ។
ក្រោយពីបានកាត់ផ្តាច់ពីសម្ព័ន្ធភាព Christina ក៏បង្ហាញអាការឆេវឆាវដល់ថ្នាក់ជះទឹកតែក្តៅដាក់មុខលោក Guy ក្រោយមកយកកូនសោរថយន្តរបស់លោកទៅ ។
លោក Guy បញ្ជាក់ថា «អ្វីដែលនាងបង្ហាញឥរិយាបថនៅឯហាង ជាឥរិយាបថអាក្រក់មួយ ជាការមិនផ្តល់កិត្តិយស ព្រោះនៅទីនោះមានមនុស្សច្រើន ហើយមានមិត្តភក្តិជាច្រើននាក់ចូលរួមផងដែរ»៕
ចែករំលែកព័តមាននេះ