នៅជាមួយប្រពន្ធអាយុក្រោម18ឆ្នាំក៏ជាការចាប់រំលោ.ភដែរ
សារព័ត៌មានបរទេសផ្សាយកាលពីពេលថ្មីៗកន្លងមកថា
សារព័ត៌មានបរទេសផ្សាយកាលពីពេលថ្មីៗកន្លងមកថា តុលាការឥណ្ឌាសម្រេចថាការរួមភេទជាមួយប្រពន្ធអាយុក្រោម១៨ឆ្នាំចាត់ទុកជាការចាប់រំលោភ ។
ក្រុមសកម្មជនសិទ្ធិមនុស្សអបអរសាទរ និងចាត់ទុកថាការសម្រេចនេះគឺជាជំហានដ៏សំខាន់ដើម្បីបញ្ឈប់ការរៀបការជាមួយក្មេងស្រីក្នុងប្រទេសឥណ្ឌា ។
ច្បាប់របស់ឥណ្ឌាកំណត់ថា ស្ត្រីត្រូវមានអាយុយ៉ាងតិច១៨ឆ្នាំទើបអាចរៀបការ និងរួមរ័កបាន ប្រសិនបើភាគីខាងស្រីយល់ព្រម ប៉ុន្តែមានការលើកលែងឱ្យបុរសរួមរ័កជាមួយក្មេងស្រីអាយុ១៥ឆ្នាំបាន ទោះបីជាត្រូវបង្ខំក៏ដោយក្នុងករណីជាប្រពន្ធ ។
តុលាការកំពូលឥណ្ឌាបានសម្រេចកាលពីថ្ងៃទី១១ តុលា ២០១៧ កំណត់ចំពោះការរួមភេទជាមួយក្មេងស្រីអាយុក្រោម១៨ឆ្នាំ គឺជាការរំលោភ ។ ចៅក្រមបញ្ជាក់ថាទោះបីជាក្មេងស្រីរៀបការ ឬអត់ក្តី អាស្រ័យលើសិទ្ធិរបស់នាងត្រូវបានទទួលស្គាល់ ។
ការរៀបការជាមួយក្មេងស្រីជារឿងមួយកើតឡើងញឹកញាប់នៅឥណ្ឌា ពិសេសនៅទីជនបទ ។ រដ្ឋាភិបាលបានប៉ាន់ប្រមាណថា អត្រារៀបការជាមួយក្មេងស្រីនៅជនបទមានច្រើនជាងនៅទីប្រជុំជនដល់ទៅ៣ដងឯណោះ ។
កាលពីថ្ងៃទី១២ តុលា ២០១៧ អង្គការសង្គមស៊ីវិលបានសម្តែងក្តីត្រេកអរលើការសម្រេចនេះ ព្រោះវានឹងជួយកាត់បន្ថយអាពាហ៍ពិពាហ៍ជាមួយក្មេងស្រី ។ តាមការជំរឿនប្រជាជនរបស់រដ្ឋាភិបាលកាលពីឆ្នាំ២០១១ឃើញថា អត្រារៀបការជាមួយក្មេងស្រីខ្ពស់ដល់ទៅ៤៧%ឯណោះ ។
ក្រុមសិទ្ធិមនុស្សបញ្ជាក់ថា ការសម្រេចរបស់តុលាការកំពូលនឹងជួយបញ្ឈប់ការរៀបការនៅមុនអាយុ រួមទាំងអំពាវនាវឱ្យមានលក្ខណៈបើកទូលាយដល់ការសិក្សាទៅលើកុមារ ខណៈពេលឪពុកម្តាយរបស់ក្មេងស្រីរមែងបញ្ជាក់ថា មិនចង់ឱ្យកូនស្រីទៅរៀនទេ ហើយគួរតែរៀបការដើម្បីការពារពីការចាប់រំលោភ ៕
ចែករំលែកព័តមាននេះ