រឿងរ៉ាវស្នេហាស្ម័គ្រស្មោះ ទោះអូនកើតមហារីកដំណាក់កាលចុងក្រោយ ក៏បងព្រមរៀបការជាមួយ
រាជធានីភ្នំពេញ ៖ បើទោះបីជាជំងឺមហារីកសុដន់ជាជំងឺកាចសាហា.វ និងគ្មានថ្នាំវ៉ាក់សាំងក៏ពិតមែន តែក្តីស្រលាញ់ស្មោះពេញបេះដូង បាន
រាជធានីភ្នំពេញ ៖ បើទោះបីជាជំងឺមហារីកសុដន់ជាជំងឺកាចសាហា.វ និងគ្មានថ្នាំវ៉ាក់សាំងក៏ពិតមែន តែក្តីស្រលាញ់ស្មោះពេញបេះដូង បាន
នាំមកជូនដោយ Forte Insurance
រាជធានីភ្នំពេញ ៖ បើទោះបីជាជំងឺមហារីកសុដន់ជាជំងឺកាចសាហាវ និងគ្មានថ្នាំវ៉ាក់សាំងក៏ពិតមែន តែក្តីស្រលាញ់ស្មោះពេញបេះដូង បានបណ្តាលឲ្យបុរសម្នាក់បង្ហាញក្តីស្រលាញ់របស់ខ្លួន ដោយបានរៀបការ និងមើលថែស្ត្រីដែលខ្លួនស្រលាញ់ប្រយុទ្ធតតាំងនឹងជំងឺមួយនេះ បើទោះបីជាជំងឺនេះឈានដល់ដំណាក់កាលចុងក្រោយ គឺលែងមានសង្ឃឹម រង់ចាំតែសេចក្តីស្លាប់ក៏ដោយ។
លោក ម.ស.ក អាយុ៣៥ឆ្នាំ មានស្រុកកំណើតនៅខេត្តតាកែវ បានរៀបរាប់ប្រាប់ថា បើទោះបីជាលោកបានដឹងថា គូដណ្តឹងរបស់ខ្លួន គឺអ្នកនាង ស.រ បច្ចុប្បន្នវ័យ៣១ឆ្នាំ កើតជំងឺមហារីកសុដន់ ក៏លោកមិនបដិសេធមង្គលការជាមួយនាងដែរ ។ អ្វីដែលកាន់តែអនិច្ចានោះ គឺការព្យាបាលជំងឺនេះ ត្រូវបានចំណាយច្រើនរាប់ម៉ឺនដុល្លារ ដូច្នេះហើយស្ត្រីមួយចំនួនដែលមានជីវភាពក្រខ្សត់នោះ ពិតជាពិបាកឥតគណនា ទាំងផ្លូវកាយ និងសេដ្ឋកិច្ច។
បុរសរូបនេះបានរៀបរាប់ប្រាប់កោះសន្តិភាពឱ្យដឹងថា រូបលោក និងភរិយាបានស្រឡាញ់គ្នា និងភ្ជាប់ពាក្យជាមួយគ្នាកាលពីឆ្នាំ២០០៨ ហើយគ្រោងរៀបការនៅក្នុងឆ្នាំ២០០៩ ។ នៅក្នុងឆ្នាំ២០០៨ ដដែល គូដណ្តឹងរបស់លោកបានប្រាប់ថា ខ្លួនមានកើតមានជំងឺមហារីកសុដន់ បន្ទាប់ពីមានសញ្ញាមានដុំសាច់ចម្លែកក្នុងសុដន់ ហើយឈឺចាប់ និងមានការពិនិត្យជាច្រើនលើកច្រើនសារ ទាំងនៅខេត្តសៀមរាប និងមន្ទីរពេទ្យមិត្តភាពខ្មែរ-សូវៀតរួចមក។
បុរសរូបនេះបានបន្តទៀតថា នៅពេលឮដំណឹងនេះ លោកមានការរន្ធត់ចិត្តយ៉ាងខ្លាំង តែដោយក្តីស្រឡាញ់ និងអាណិតដល់គូរដណ្តីងមិនចង់ឱ្យនាងពិបាកចិត្ត លោកបានធ្វើការលើទឹកចិត្ត និងមិនព្រមលុបចោលពិធីមង្គលការនោះទេ លោកនៅតែបន្តរិះរកគ្រប់វិធីដើម្បីព្យាបាលរូបនាង និងបាននាំនាងទៅធ្វើការព្យាបាល និងវះកាត់យកដុំសាច់មហារីកចេញ។
លោក ម.ស.ក បានបន្តទៀតថា៖ «ក្នុងរយៈពេលកំពុងព្យាបាល ភរិយាមានសភាពខ្សោយណាស់ សូម្បីតែបរិភោគអ្វីក៏មិនបាន រូបរាងកាយក៏ចាប់ផ្តើមប្រែប្រួលផងដែរ ។ ទោះបីជាយ៉ាងណា ខ្ញុំមិនព្រមបោះបង់ចោលរូបនាង និងបោះបង់ការការព្យាបាលចោលនោះទេ ទោះបីជាមានការលំបាកយ៉ាងណាក៏ដោយ ខ្ញុំនៅតែបន្តព្យាបាលភរិយារហូតដល់៥ឆ្នាំ»។ ពីមួយថ្ងៃទៅមួយថ្ងៃ អាការៈភរិយារបស់លោកបានធូរសះស្បើយពីជំងឺនេះ ដោយគ្រូពេទ្យបានប្រាប់ថា ជំងឺនេះពិតជាទទួលបានជោគជ័យ និងជាសះស្បើយយ៉ាងពិតប្រាកដ ប៉ុន្តែត្រូវតែមកធ្វើការតាមដានសុខភាពតាមការណាត់ជួយជាមួយគ្រូពេទ្យជានិច្ច ដើម្បីប្រាកដចិត្តថា ជំងឺនេះមិនមានការកើតឡើងវិញ។
បុរសស្មោះស្នេហ៌រូបនេះបានបន្តទៀតថា ដោយគិតថា ជំងឺនេះបានជាសះស្បើយហើយ ស្របពេលដែលភរិយារបស់លោកកំពុងមានផ្ទៃពោះផងនោះ លោកក៏មិនបានបន្តធ្វើការពិនិត្យទៀតដែរ រហូតដល់ពេលភរិយារបស់លោកសម្រាលកូនទីពីរ ក្នុងឆ្នាំ២០១៧នេះ សម្រាប់តែមានសញ្ញាដុំសាច់កើតឡើងសារជាថ្មី។
នៅពេលមានសញ្ញានេះ លោកក៏បានទាក់ទងទៅពិនិត្យ និងស្វែងរកជំងឺនេះសារជាថ្មីជាមួយនឹងមន្ទីរពេទ្យមិត្តភាពខ្មែរ-សូវៀត ហើយជាលទ្ធផលបញ្ជាក់ថា ជំងឺនេះបានកើតមានឡើងវិញ តែមិនមានបញ្ហាអ្វីធ្ងន់ធ្ងរនោះទេ គឺអាចទប់ស្កាត់បាន។ ទោះបីជាជំងឺនេះកើតឡើងវិញក៏ពិតមែន តែលោកនៅតែបន្តលើកទឹកចិត្ត និងបានរិះរកគ្រប់វិធីដើម្បីឱ្យភរិយារបស់លោកសប្បាយចិត្ត និងមិនភ័យខ្លាចចំពោះជំងឺនេះឡើយ ហើយអ្វីដែលកាន់តែសប្បាយចិត្តនោះ គឺក្រុមគ្រូពេទ្យនៃមន្ទីរពេទ្យខ្មែរ-សូវៀត បានលើទឹកចិត្ត និងពន្យល់ណែនាំឱ្យលោក និងភរិយាកាន់តែមានទំនុកចិត្តក្នុងការព្យាបាលជំងឺនេះ។
បុរសរូបនេះបានរំលឹកថា កាលភរិយារបស់លោកកើតមានជំងឺនេះ គឺស្ថិតក្នុងវ័យជាង២០ឆ្នាំក្រាស ហើយនៅក្នុងពេលនោះរយៈពេលព្យាបាល៥ឆ្នាំ លោកបានចំណាយប្រាក់ជាង១ម៉ឺនដុល្លារនៅក្នុងការព្យាបាលជំងឺនេះផងដែរ។
ទាក់ទងទៅនឹងការព្យាបាលជំងឺនេះ លោកវេជ្ជបណ្ឌិត ហេង វីរដ្ឋ ផ្នែកព្យាបាលជំងឺមហារីកនៃមន្ទីរពេទ្យមិត្តភាពខ្មែ-សូវៀត បានឲ្យដឹងថា ការចំណាយនៅក្នុងការព្យាបាលជំងឺមហារីកសុដន់លោកមិនអាចនិយាយថា អស់ប៉ុណ្ណានោះទេ ដោយសារតែជំងឺនេះ មានការប្រែប្រួល តែប្រហែលជាអាចអស់ច្រើន។
លោកវេជ្ជបណ្ឌិតបានបន្តថា សម្រាប់មន្ទីរពេទ្យមិត្តភាពខ្មែរ-សូវៀត ការព្យាបាលជំងឺមហារីកចំពោះជនក្រីក្រដែលគ្មានសមត្ថភាព នៅពេលអ្នកជំងឺមកជួបជាមួយក្រុមគ្រូពេទ្យ ត្រូវឆ្លងកាត់ការសម្ភាសន៍ ដើម្បីទទួលបានការព្យាបាលមិនគិតប្រាក់មានទាំងការប្រើប្រាស់ថ្នាំ ការវះកាត់ ការប្រើប្រាស់កាំរស្មី និងការព្យាបាលច្រើនទៀត ដោយមិនគិតប្រាក់នោះទេ ព្រោះក្រសួងសុខាភិបាលនៃប្រទេសកម្ពុជាយើង បានបង្កើតមូលនិធីសមធម៌ សម្រាប់ជួយព្យាបាលជនក្រីក្រដោយមិនគិតប្រាក់៕
ចែករំលែកព័តមាននេះ