ជំនឿទាំងងងឹតងងល់ជាឧបសគ្គដល់ដំណើរជីវិត
ព្រះពុទ្ធសាសនាមិនបានបង្ខំមនុស្សណាម្នាក់ឱ្យជឿដោយងងឹតងងល់នោះទេ ពីព្រោះជំនឿងងឹតងងល់គឺជា…
ព្រះពុទ្ធសាសនាមិនបានបង្ខំមនុស្សណាម្នាក់ឱ្យជឿដោយងងឹតងងល់នោះទេ ពីព្រោះជំនឿងងឹតងងល់គឺជា…
ព្រះពុទ្ធសាសនាមិនបានបង្ខំមនុស្សណាម្នាក់ឱ្យជឿដោយងងឹតងងល់នោះទេ ពីព្រោះជំនឿងងឹតងងល់គឺជាឧបសគ្គចំពោះដំណើរទៅមុខនៅក្នុងជីវិតជាដរាប។ ស្មារតីនៃពុទ្ធលទ្ធិគឺមានវិចារណកម្មយ៉ាងបរិសុទ្ធ ។
ខាងក្រោមនេះជាទ្រឹស្តីដែលដកស្រង់ចេញពីកម្ពុជសុរិយាស្រាយបំភ្លឺពីហេតុផលនៃការជឿដូចតទៅ ៖
ចូរអ្នកកុំជឿអ្វីមួយដោយគ្រាន់តែអ្នកបានឮគេនិយាយតៗគ្នា។ ចូរអ្នកកុំជឿអ្វីមួយ ព្រោះតែវាជាប្រពៃណីចាស់ទុំ និងកាលកន្លងទៅរាប់ជំនាន់ហើយ។ ចូរអ្នកកុំជឿពាក្យបរម្បរា ឬរឿងរ៉ាវអ្វីផ្សេង ព្រោះតែមានមនុស្សនិយាយពីរឿងនោះច្រើន។ ចូរអ្នកុំជឿទាំងស្រុងនូវអ្វីមួយដោយគ្រាន់តែបង្ហាញភស្តុតាងសរសេររបស់អ្នកប្រាជ្ញពីបុរាណណាមួយចំពោះរឿងនោះ។ ចូរអ្នកកុំជឿអ្វីមួយដោយគ្រាន់តែជាការស្មាន ឬព្រោះតែមានទម្លាប់ជាប់តមកជាយូរឆ្នាំហើយក៏ចេះតែនាំគ្នាជឿថាជាសេចក្តីពិត។ ចូរអ្នកកុំជឿអ្វីមួយដោយផ្អែកលើអាជ្ញាឬអំណាចរបស់គ្រូបាអ្នក ឬរបស់អ្នកបួសទាំងឡាយឡើយ។
អ្វីទាំងអស់ដែលស្របតាមការពិសោធផ្ទាល់របស់អ្នក ហើយក្រោយការពិនិត្យល្អិតល្អន់ ឃើញថា សមស្របជាមួយនឹងវិចារណញ្ញាណរបស់អ្នក នាំឱ្យបានសុភមង្គលដល់ខ្លួនអ្នកផ្ទាល់ និងមានសុភមង្គលដល់សព្វសត្វមានជីវិតផ្សេងទៀត នោះហើយចូរអ្នកទទួលយកចុះ ទុកដូចជាសច្ចៈហើយចូររស់នៅតាមដំណើរហតុនោះចុះ ។
តាមទ្រឹស្តីដែលលើកឡើងខាងលើស្របទៅនឹងលទ្ធិព្រះពុទ្ធសុទ្ធសាធ ព្រោះថា បើផ្អែកតាមដំណើរព្រះបរមគ្រូនៃយើង បានអប់រំមនុស្សឱ្យជឿ ឱ្យយល់ ឱ្យធ្វើតាមប្រកបដោយបញ្ញា គឺព្រះអង្គមិនបានបង្ខំមនុស្សឱ្យជឿពុទ្ធសាសនានោះទេសូម្បីតែព្រះអង្គខ្លួនឯងមុននឹងសម្តែង មុននឹងទេសនាប្រាប់ដល់មនុស្សទាំងឡាយ ទាល់តែព្រះអង្គឃើញរឿងរា៉វនោះជាក់ច្បាស់នឹងចក្ខុ និងមានអ្នកផ្សេងទៀតឃើញផង ពោលគឺមិនមែនព្រះអង្គឃើញតែមួយអង្គឯងនោះទេ គឺមានគេឃើញរឿងនោះដែរ ។ ការដែលមានទឡ្ហីករណ៍គ្រប់គ្រាន់យា៉ងនេះហើយទើបព្រះសាស្តាទ្រង់សម្តែងរឿងនោះប្រាប់ដល់មហាជន ៕
ចែករំលែកព័តមាននេះ