វិធីទាញវីដេអូពី YouTube ក្នុងទូរស័ព្ទ iPhone និង iPad
ការទាញវីដេអូពី YouTube អាចនឹងមានសារសំខាន់ណាស់ ប្រសិនបើ
ការទាញវីដេអូពី YouTube អាចនឹងមានសារសំខាន់ណាស់ ប្រសិនបើ
ការទាញវីដេអូពី YouTube អាចនឹងមានសារសំខាន់ណាស់ ប្រសិនបើអ្នកចង់មើលវាដោយមិនចាំបាច់ប្រើប្រាស់អីុនធើរណេត ។
មានវិធីជាច្រើនក្នុងការទាញវីដេអូពី YouTube ដោយប្រើប្រាស់កម្មវិធីទូរស័ព្ទផ្សេងៗ។ ប៉ុន្តែអ្នកគួរដឹងថា កម្មវិធីទាំងនេះមិនអាចមានយូរនៅលើ App Store ទេ ។
ខាងក្រោមនេះ គឺជាវិធីសាស្ត្រមួយចំនួនដែលអាចទាញវីដេអូពី YouTube ចូលមកកាន់ iPhone ឬ iPad របស់អ្នកបាន ។ គួរបញ្ជាក់ថា វាអាចប្រើប្រាស់បានសម្រាប់តែ iOS 8 ឡើងទៅ ។
គេហទំព័រ Savefrom.net និងកម្មវិធី Documents 6 នឹងអនុញ្ញាតឲ្យអ្នកធ្វើដូច្នេះបាន ដោយទាញវីដេអូពី YouTube រួចផ្ទេរវាទៅកាន់ Photos ក្នុងឧបករណ៍របស់អ្នក ។ នៅពេលផ្ទេររួចហើយ អ្នកអាចមើលវា និងចែករំលែកបានយ៉ាងងាយស្រួល ។
ជាដំបូង សូមបញ្ចូលកម្មវិធី Documents 6 ដោយទាញវាពី App Store ។ ពេលបញ្ចូលហើយ សូមចុចលើផ្នែក Browser និងវាយអក្សរ Savefrom.net ហើយអ្នកនឹងមើលឃើញគេហទំព័រមួយលោតឡើងមក ។ បន្ទាប់មកទៀត ត្រូវវាយ URL របស់វីដេអូដែលចង់ទាញ ។
ប្រសិនបើអ្នកកំពុងតែបើកមើលវីដេអូក្នុង Browser ដទៃ គឺអាចចុចលើ URL របស់វា និងចុច Copy ។ ប៉ុន្តែបើមើលវាលើកម្មវិធី YouTube នោះ ចូរចុចលើរូប Share និងចុចលើពាក្យថា Copy Link។ រួចហើយចូលទៅកាន់កម្មវិធី Documents 6 ម្តងទៀត និង Paste URL ចូលទៅកន្លែង Search ។
បន្ទាប់ពីនោះ អ្នកនឹងមើលឃើញរូបវីដេអូដែលចង់ទាញ និងអាចជ្រើសរើសគុណភាពវីដេអូបាន ។ វាក៏មានប៊ូតុង Download ពណ៌បៃតងមួយផងដែរ ដែលនឹងទាញវីដេអូឲ្យអ្នកពេលចុចលើវា ។
ពេលទាញវាមកហើយ សូមចូលទៅកាន់ផ្នែក Documents ក្នុងកម្មវិធី Documents 6 រួចចុចលើ Download ហើយអ្នកនឹងមើលឃើញវីដេអូដែលបានទាញមក ។
ដំណាក់កាលបន្ទាប់ គឺត្រូវផ្ទេរវាចេញពីកម្មវិធីនេះទៅកាន់កម្មវិធី Photos ក្នុងឧបករណ៍របស់អ្នក ដោយគ្រាន់តែទាញវាចូលទៅកាន់ Photo Albums និង Camera Roll ។
គួរបញ្ជាក់ថា ពេលវាចូលទៅក្នុង Photos ហើយ វាប្រហែលជាមិនលោតឡើងក្នុងពេលថ្មីៗទេ ប៉ុន្តែវាប្រើប្រាស់ពេលវេលាដែលវីដេអូនេះបង្ហោះចូលទៅកាន់ YouTube ។ ដូច្នេះ ដើម្បីងាយស្រួលស្វែងរកវា អ្នកអាចចូលទៅកាន់ Album និងជ្រើសយកផ្នែក Videos ជាការស្រេច ៕
ចែករំលែកព័តមាននេះ