រាជធានីភ្នំពេញ ៖ បុរសម្នាក់បើកបររថយន្តមួយគ្រឿងចេញពីក្នុងយានដ្ឋានជួសជុលរថយន្តក្នុងល្បឿនលឿន សង្ស័យជាប់ហ្គែក៏ជ្រុលទៅបុករបាំងថ្មពុះចែកទ្រូងផ្លូវ បណ្តាលឲ្យបាក់អស់ពីរកង់ ភ្លាមនោះម្ចាស់រថយន្តបង្កបានហៅជាងជួសជុលរថយន្តជាច្រើននាក់ឲ្យមកអូសរថយន្តគេចខ្លួនចូលទៅក្នុងយន្តដ្ឋាន អ៊ឹម រដ្ឋា បាត់ ។ ហេតុការណ៍នេះ បង្កឲ្យមានការភ្ញាក់ផ្អើលឡើងកាលពីវេលាម៉ោង០៧និង២០នាទីយប់ ថ្ងៃទី១៨ ខែតុលា ឆ្នាំ២០១៧ ត្រង់ចំណុចខាងមុខយន្តដ្ឋានជួសជុលរថយន្តយីហោ អ៊ឹម រដ្ឋា តាមបណ្តោយផ្លូវឧកញ៉ាម៉ុងរឹទ្ធី ស្ថិតក្នុងសង្កាត់ទួលសង្កែ ខណ្ឌឬស្សីកែវ ។ រថយន្តបង្កម៉ាក TOYOTA FORANER ពណ៌កណ្តុរប្រមេះ បើកបរដោយបុរសម្នាក់ មិនស្គាល់អត្តសញ្ញាណ ។
តាមប្រភពព័ត៌មានពីកន្លែងកើតហេតុ បានឲ្យដឹងថា នៅមុនពេលកើតហេតុ គេឃើញរថយន្តបង្កទើបតែបើកចេញមកពីក្នុងយានដ្ឋានជួសជុលរថយន្តយីហោ អ៊ឹម រដ្ឋា ក្នុងល្បឿនយ៉ាងលឿង ទំនងជាជាប់ហ្គែក៏ជ្រុលទៅបុករបាំងថ្មពុះចែកទ្រូងផ្លូវបាក់អស់ពីរកង់ ចំណែកឯរថយន្តរងការខូចខាត ។ ភ្លាមៗនោះអ្នកបើកបររថយន្តបង្កបានប្រញាប់ប្រញាល់ហៅជាងជួសជុលរថយន្តដែលនៅក្នុងយានដ្ឋានខាងលើជាច្រើននាក់ ឲ្យមកជួយអូសរថយន្តគេចចូលទៅក្នុងយន្តដ្ឋានជួសជុលរថយន្តយីហោ អ៊ឹម រដ្ឋា បាត់និងបាននាំគ្នាមកលើករបាំងថ្មពុះចែកទ្រូងផ្លូវយកមកផ្គុំដាក់ឲ្យដូចដើមវិញ ។
ក្រោយពេលកើតហេតុ សមត្ថកិច្ចផ្នែកចរាចរណ៍ នៃស្នងការដ្ឋាននគរបាលរាជធានីភ្នំពេញ ចុះមកដល់កន្លែងកើតហេតុ ហើយបានធ្វើកំណត់ហេតុរួច ក៏ត្រលប់ទៅវិញ ដោយមិនបានស្ទួចរថយន្តបង្កទៅរក្សាទុកនៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញនោះទេ ។ ដោយនិយាយប្រាប់អ្នកសារព័ត៌មានថា រងចាំព្រឹកស្អែកឲ្យសមត្ថកិច្ចជំនាញចុះមកត្រួតពិនិត្យវាយតម្លៃ ដើម្បីធ្វើការដោះស្រោយជាមួយរថយន្តបង្កនៅពេលក្រោយ ៕
ចែករំលែកព័តមាននេះ