តូចចិត្តមានជំងឺប្រចាំកាយ សម្រេចចង.កសម្លា.ប់ខ្លួន
ខេត្តសៀមរាប ៖ បុគ្គលិកធនាគារ ប្រាសាក់ វ័យ២៦ឆ្នាំម្នាក់ តូចចិត្តមានជំងឺប្រចាំកាយ
ខេត្តសៀមរាប ៖ បុគ្គលិកធនាគារ ប្រាសាក់ វ័យ២៦ឆ្នាំម្នាក់ តូចចិត្តមានជំងឺប្រចាំកាយ
ខេត្តសៀមរាប ៖ បុគ្គលិកធនាគារ ប្រាសាក់ វ័យ២៦ឆ្នាំម្នាក់ តូចចិត្តមានជំងឺប្រចាំកាយ បានសម្រេចចិត្តយកក្រមាចងកសម្លាប់ខ្លួនជាប់នឹងធ្នឹមរោងដាក់ចំបើងខាងក្រោយផ្ទះចម្ងាយ២៥ម៉ែត្រ ដែលមានកម្ពស់ ២,១០ម៉ែត្រ ចោលឪពុកម្តាយ បង្កឱ្យមានការភ្ញាក់ផ្អើលពេញភូមិ កាលពីវេលាម៉ោង៦ និង៣០នាទីព្រឹក ថ្ងៃទី១៨ ខែតុលា ឆ្នាំ២០១៧ ស្ថិតនៅចំណុចក្រុមទី៣ ភូមិទទា សង្កាត់ក្របីរៀល ក្រុង/ខេត្តសៀមរាប។ តាមប្រភពពីមន្ត្រីជំនាញបច្ចេកទេសខេត្តបានប្រាប់ថា បន្ទាប់ពីមានព័ត៌មានថា មានករណីធ្វើអត្តឃាត ចងក សម្លាប់នៅខាងក្រោយផ្ទះខ្លួនឯងមក ក្រុមការងារចម្រុះនៃស្នងការដ្ឋាននគរបាលខេត្ត ចុះសហការណ៍ជាមួយមន្ទីរពេទ្យបង្អែកខេត្ត ដើម្បីពិនិត្យសាកសពភ្លាមៗផងដែរ។
ប្រភពបានបន្តថា សាកសព ជនរងគ្រោះមាន ឈ្មោះ ផៃ សោភណ្ឌ័ ហៅង៉ា ភេទប្រុស អាយុ២៦ឆ្នាំ មុខរបរបុគ្គលិកធនាគារ ប្រាសាក់ មានទីលំនៅបច្ចុប្បន្នភូមិទទា សង្កាត់ក្របីរៀល ក្រុង/ខេត្តសៀមរាប បានចងកនឹងក្រមាព៌ណក្រហម លាយស ចងជាប់នឹងធ្នឹមរោងដាក់ចំបើង ក្រោយផ្ទះចម្ងាយ២៥ម៉ែត្រ ដែលមានកម្ពស់ ២,១០ម៉ែត្រ។ ប្រភពបានបញ្ជាក់ថា ក្រោយពីកម្លាំងនគរបាលការិយាល័យជំនាញវិទ្យាសាស្ត្របច្ចេកទេស បានពិនិត្យសាកសព ជនរងគ្រោះរួចមក ម្តាយជនរងគ្រោះបានរៀបរាប់ប្រាប់សមត្ថកិច្ចឱ្យដឹង នៅកន្លែងកើតហេតុ ថា កូនប្រុសរបស់គាត់មានជំងឺប្រចាំកាយ និងមានអាការៈមួម៉ៅច្រើន ទើបបណ្តាលឱ្យធ្វើអត្ថឃាត ចងកសម្លាប់ខ្លួនឯងបែបនេះ។
បន្ទាប់មក កម្លាំងជំនាញបានពិនិត្យ ឃើញថា នៅលើដងខ្លួនសាកសព ពុំមានស្នាកស្នាមពាក់ព័ន្ធ នឹងបទល្មើសព្រហ្មទណ្ឌអ្វីឡើយ គឺជនរងគ្រោះពិតជាស្លាប់ដោយសារចងកសម្លាប់ខ្លួនឯងពិតប្រាកដមែន។ បច្ចុប្បន្នសាកសពជនរងគ្រោះ ត្រូវបានកម្លាំងជំនាញធ្វើការប្រគល់ជូនទៅឱ្យក្រុមគ្រួសារធ្វើបុណ្យតាមប្រពៃណី នៅភូមិឃុំខាងលើរួចរាល់ហើយ៕
ចែករំលែកព័តមាននេះ