អ.ស. ប ប្រគល់ប្រាក់សំណងមួយគ្រួសារ៧ម៉ឺនដុល្លារសម្រាប់សពទាហានមួកខៀវ
រាជធាបីភ្នំពេញ ៖ សពនៃកងកម្លាំងមួកខៀវដែលស្លា.ប់នៅសាធារណរដ្ឋអាហ្វ្រិកកណ្តាលត្រូវបានអង្គការសហប្រជាជាតិ
រាជធាបីភ្នំពេញ ៖ សពនៃកងកម្លាំងមួកខៀវដែលស្លា.ប់នៅសាធារណរដ្ឋអាហ្វ្រិកកណ្តាលត្រូវបានអង្គការសហប្រជាជាតិ
រាជធាបីភ្នំពេញ ៖ សពនៃកងកម្លាំងមួកខៀវដែលស្លាប់នៅសាធារណរដ្ឋអាហ្វ្រិកកណ្តាលត្រូវបានអង្គការសហប្រជាជាតិផ្តល់សំណងម្នាក់៧ម៉ឺនដុល្លារអាមរិកដល់គ្រួសារសពនៅរសៀលថ្ងៃទី១៨ ខែតុលា ឆ្នាំ២០១៧នេះ។ ការប្រគល់ប្រាក់សំណងជូនដល់គ្រួសារសពទាំង៤រូបនៅទីស្តីការក្រសួងការបរទេស ដោយមានតំណាង អ.ស.ប ចូលរួមផង។
នៅរសៀលថ្ងៃនេះ ថ្ងៃទី ១៨ ខែ តុលា ឆ្នាំ២០១៧ វេលាម៉ោង១៥:០០ លោកទេសរដ្ឋមន្ដ្រី ប្រាក់ សុខុន រដ្ឋមន្ត្រីក្រសួងការបរទេស និងលោកស្រី ក្លែវ៉ាន់ ឌឺវ៉ារិន តំណាង អ.ស.ប អញ្ជើញជាអធិបតីក្នុង ពិធីប្រគល់ប្រាក់សំណងជូនក្រុមគ្រួសារសព ដែលបានពលីក្នុងពេលបំពេញបេសកកម្មរបស់ អ.ស.ប នៅអាហ្វ្រិកកណ្ដាល នៅទីស្ដីការក្រសួង។
គួរបញ្ជាក់ថា កាលពីរសៀល ថ្ងៃទី១២ ខែឧសភា ឆ្នាំ២០១៧ នៅទីបញ្ជាការដ្ឋានអង្គការសហប្រជាជាតិ (UN) នៅសាធារណរដ្ឋអាហ្វ្រិចកណ្តាល បានប្រារព្វពិធីគោរពវិញ្ញាណក្ខន្ធ ដល់កងទ័ពមួកខៀវកម្ពុជា និងម៉ារ៉ុក ដែលបានពលីជីវិត ក្នុងបុព្វហេតុមនុស្សធម៌ពិភពលោក ដោយការវាយប្រហារបស់ក្រុមឧទ្ទាម កាលពីថ្ងៃទី០៨ ខែឧសភា ឆ្នាំ២០១៧ ដែលបណ្តាលឱ្យនាយទាហានមួកខៀវកម្ពុជា ០៤រូប និងម៉ារ៉ុក ០១រូប បានស្លាប់។
ទាហានមួកខៀវកម្ពុជាដែលពលីដើម្បីរក្សាសន្តិភាពនៅអាហ្វ្រិកកណ្តាលចំនួន៤នាក់ គឹ ៖
១- លោកអនុសេនីយទោ អ៊ឹម សំ អាយុ៣៩ឆ្នាំ (១០ កញ្ញា ១៩៨០) ជាកងឯកភាពមជ្ឈមណ្ឌលជាតិរក្សាសន្តិភាព។ទីកន្លែងកំណើតភូមិព្រៃជ្រូក ឃុំព្រៃជ្រូក ស្រុកពួក ខេត្តសៀមរាប និងទីលំនៅបច្ចុប្បន្ននៅភូមិកំពង់ក្តី ឃុំកំពង់ក្តី ស្រុកជីក្រែង ខេត្តសៀមរាប។ មានប្រពន្ធឈ្មោះ តាន់ ភារ័ត្ន អាយុ៣៦ឆ្នាំ មានកូនប្រុសម្នាក់ឈ្មោះ សំ រិទ្ធិ អាយុ១៣ឆ្នាំ។
២- លោកអនុសេនីយ៍ឯក ម៉ៅ អេង អាយុ៣៩ឆ្នាំ កងឯកភាពសាកលវិទ្យាល័យការពារជាតិ មានប្រពន្ធឈ្មោះ ឆាយ ចំរើន អាយុ៣៨ឆ្នាំ មានកូន៣នាក់ ប្រុស២នាក់ (អាយុ១៦ឆ្នាំ និង១៤ឆ្នាំ) និងស្រីអាយុ១២ឆ្នាំ មានទីកន្លែងកំណើតសង្កាត់ស្រះចក ខណ្ឌដូនពេញ រាជធានីភ្នំពេញ។
៣- លោកព្រឹន្ទបាលទោស ស៊ាង នរិន្ទ អាយុ៣៧ឆ្នាំ (នៅលីវ) កងឯកភាពមជ្ឈមណ្ឌលជាតិរក្សាសន្តិភាព មានឪពុកឈ្មោះ ស៊ាង សែន មុនរបរជាគ្រូបង្រៀន និងម្តាយឈ្មោះ ស៊ាន ម៉ូរ៉ា មុខរបរមេផ្ទះ។
៤- ព្រឹន្ទបាលទោមុំ តុលា អាយុ៣៣ឆ្នាំ (នៅលីវ) ជាកងឯកភាពមជ្ឈមណ្ឌលជាតិរក្សាសន្តិភាព មានម្តាយឈ្មោះនុត ប៊ុណា មុខរបរកសិករ ហើយមានទីលំនៅភូមិក្បាលហុង ឃុំវាល ស្រុកកណ្តៀង ខេត្តពោធិ៍សាត់។
លោក សែម សុវណ្ណី អគ្គនាយកមជ្ឈមណ្ឌលជាតិរក្សាសន្តិភាពបានថ្លែងថា សំណងនូវទឹកប្រាក់ចំនួន៧ម៉ឺនដុល្លារអាមេរិក ត្រូវបានអង្គការសហប្រជាជាតិផ្តល់ជូនគ្រួសាសពទាហានពលីម្នាក់ៗនៅអាហ្វ្រិកកណ្តាល។ លោកបានលើកឡើងថា ចាប់តាំងពីឆ្នាំ២០០៦មក មជ្ឈមណ្ឌលជាតិបានបញ្ជូនកម្លាំងមួកខៀវកម្ពុជា៤.៧៦៩នាក់ ក្នុងនោះស្រី២០៣នាក់ ទៅចូលរួមក្នុងបណ្តាបេសកកម្មចំនួន១០ក្នុងប្រទេសចំនួន៨ មានសាធារណរដ្ឋស៊ូដង់ ស៊ូដង់ខាងត្បូង ឆាដ អាហ្វ្រិកកណ្តាល លីបង់ ស៊ីរី សាយប្រីស និងម៉ាលី។
លោកបានលើកឡើងថា បច្ចុប្បន្នមានកម្លាំងមួកខៀវកម្ពុជាចំនួន៨១១រូប ស្រី៥៦រូប កំពុងបំពេញបេសកកម្មក្រោមឆ័ត្រ អ.ស.ប នៅប្រទេសលីបង់។ ចាប់តាំងពីឆ្នាំ២០១៤ មកដល់បច្ចុប្បន្ន មានទាហានមួកខៀវ៩រូប បានពលី និង១១រូបរបួស ដោយសារជំងឺគ្រុនចាញ់ ផ្ទុះអាវុធយុទ្ធភ័ណ្ឌ និងការវាយប្រហារដោយក្រុមឧទាមកាលពីថ្ងៃទី៨ ខែឧសភា ឆ្នាំ២០១៧។
លោកទេសរដ្ឋមន្ត្រី ប្រាក់ សុខុន បានលើកឡើងថា «ការងាររក្សាសន្តិភាព អ.ស.ប មានគ្រោះថ្នាក់ណាស់ ហើយថ្នាក់ដឹកនាំរាជរដ្ឋាភិបាលយើងតែងតែបន់ស្រន់ឲ្យកងកម្លាំងយើងទទួលបានសេចក្តីសុខ»។ លោកបានបញ្ជាក់ថា ការហ្វឹកហ្វឺនប្រើប្រាស់អាវុធ និងវិន័យកងកម្លាំងជាការចាំបាច់ណាស់រាលទាហានគ្រប់រូប។
លោកបានលើកឡើងថា គោរពវិន័យជាតិអន្តរជាតិ និងវិន័យប្រទេសដែលយើងទៅកាន់ទីនោះដាច់ខាត។ ការប្រុងប្រយ័ត្នត្រូវតែអនុវត្ត ព្រោះប្រទេសដែលត្រូវទៅកាន់នោះជាប្រទេសដែលមានបញ្ហា។
លោកថា «ក្លាហាន តែកុំព្រហើន និងកុំប្រហែសឲ្យសោះ»។ កេរ្តិ៍ឈ្មោះ និងវីរៈភាពរបស់ទាហានដែលបានពលីកម្មកម្ពុជាមិនភ្លេចទេ ចងចាំជានិច្ច។ លោកទេសរដ្ខមន្ត្រីបានប្រគល់ប្រាក់សំណងជូនគ្រួសារទាហានពលីក្នុងមួយគ្រួសារ៧ម៉ឺនដុល្លារអាមេរិក។
លោកស្រី ក្លែវ៉ាន់ ឌឺវ៉ារិន តំណាង អ.ស.ប ប្រចាំនៅប្រទេសកម្ពុជាបានថ្លែងថា តាងមានឲ្យ អ.ស.ប សូមថ្លែងរំលឹកគុណដល់វីរៈភាពរបស់កងកម្លាំងមួកខៀវកម្ពុជាចំនួន៤រូប ដែលបានបូជាជីវតិក្នុងកំឡុងពេលបំពេញបេសកកម្មកាលពីខេឧសភា កន្លងទៅ នៅសាធារណរដ្ឋអាហ្វ្រិកកណ្តាល និងចូលរួមរំលែកទុក្ខដល់ក្រៀមក្រំដល់គ្រួសារសព និងរាជរដ្ឋាភិបាលម្ពុជា។ លោកស្រីបានលើកឡើងថា «ខ្ញុំបានឃើញការបោះជំហានទៅមុខរបស់កងកម្លាំងមួកខៀវកម្ពុជាទាំង៤រូបនេះ កំពុងពេលដែលពួកគេចាប់ផ្តើមដំណើរការបំពេញភារកិច្ច ហើយមានសេចក្តីក្តុកក្តួលជាពន់ពេកនៅពេលទទួលដំណឹងពីការពលីនេះ»។
ចែករំលែកព័តមាននេះ