រត់ចោលស្រុកជាង២ឆ្នាំ ចូលស្រុកវិញដេកគុកជាមួយកូន
ខេត្តសៀមរាប ៖ កម្លាំងការិយាល័យនគរបាលព្រហ្មទណ្ឌកម្រិតស្រាលខេត្ត
ខេត្តសៀមរាប ៖ កម្លាំងការិយាល័យនគរបាលព្រហ្មទណ្ឌកម្រិតស្រាលខេត្ត សហការជាមួយកម្លាំងនគរបាលប៉ុស្តិ៍រដ្ឋបាល សង្កាត់ស្លក្រាម ក្រុងសៀមរាប និងស្នងការនគរបាលខេត្ត បានឲ្យកម្លាំងក្រោមឱវាទ ចុះអនុវត្តឱ្យចាប់ខ្លួនជនសង្ស័យ២នាក់ឪពុក និងកូនតាមដីកាតុលាការខេត្ត ដែលឪពុកឃាត់ខ្លួនថ្ងៃទី១៧ ខែតុលា ឆ្នាំ២០១៧ នៅផ្ទះជនសង្ស័យ ក្នុងភូមិមណ្ឌល៣ សង្កាត់ស្លក្រាម ក្រុងសៀមរាប។
ជនសង្ស័យមានឈ្មោះទី១-ហង់ ធឿន ហៅ ហុង ធឿន អាយុ៥៤ឆ្នាំ ត្រូវជាឪពុក នៅភូមិព្រៃបាយ ឃុំព្រៃយុតកា ស្រុកកោះអណ្តែត ខេត្តតាកែវ បច្ចុប្បន្នស្នាក់នៅភូមិមណ្ឌល៣ សង្កាត់ស្លក្រាម ក្រុងសៀមរាប ចោទពីបទហិង្សាដោយចេតនាកាលពីថ្ងៃទី០៩ ខែមេសា ឆ្នាំ២០១៥ ទី២-ហង់ វិច្ឆ័យ ភេទប្រុស អាយុ២៤ឆ្នាំ ត្រូវជាកូន កំពុងជាប់នៅក្នុងពន្ធនាគារក្នុងឆ្នាំ២០១៦ ចោទពីបទហិង្សាដោយចេតនា ។
លោកវរសេនីយ៍ឯក ភឹង ចិន្តារ៉េត ស្នងការរងកណ្តាលបទល្មើសព្រហ្មទណ្ឌ នៃស្នងការនគរបាលខេត្តបានប្រាប់ថា ដោយលោកឧត្តមសេនីយ៍ត្រី ទិត្យ ណារ៉ុង ស្នងការនគរបាលបានដាក់កម្លាំង ឱ្យចុះស្រាវជ្រាវស្វែងរកជនសង្ស័យ២នាក់ឪពុក និងកូនដែលបានអនុវត្តដីការបង្គាប់ឱ្យចាប់ខ្លួន របស់តុលាការខេត្ត រហូតធ្វើការឃាត់ខ្លួនបានតែឪពុកម្នាក់ ចំណែកកូនកំពុងជាប់នៅក្នុងពន្ធនាគារ រួចបញ្ជូនមកកាន់ការិយាល័យជំនាញ ដើម្បីរៀបចំកសាងសំណុំរឿងបញ្ជូនបន្តទៅតុលាការតែម្តង ។ នៅភូមិមណ្ឌល៣ សង្កាត់ស្លក្រាម ក្រុងសៀមរាប ចៅក្រមជំនុំជម្រះសាលាដំបូងខេត្តសៀមរាប សម្រេចដាក់ពន្ធនាគាររយៈពេល២ឆ្នាំ បច្ចុប្បន្នជនសង្ស័យជាឪពុកត្រូវបានកម្លាំងជំនាញ រៀបចំកសាងសំណុំរឿងបញ្ជូនទៅតុលាការនៅថ្ងៃទី១៨ ខែតុលា ឆ្នាំ២០១៧ ដើម្បីចាត់ការទៅតាមផ្លូវច្បាប់ ។
បញ្ជាក់ កូនប្រុសកំពុងជាប់ពន្ធនាគារ ហើយតុលាការខេត្តបានរៀបចំសំណុំរឿងឪពុកឲ្យទៅគុកឲ្យដេកជាមួយកូនប្រុសនៅពន្ធនាគារដែរ ៕
ចែករំលែកព័តមាននេះ