ចាប់នៅតែចាប់ បទល្មើសនៅតែមានដដែល
ខេត្តមណ្ឌលគិរី ៖ រថយន្តសាំងយ៉ុងចំនួនបីគ្រឿង ត្រូវបានចាប់បង្ក្រាបភ្លាមៗ ក្រោយធ្វើសកម្មភាពដឹកឈើខុសច្បាប់ចេញពីទឹកដីខេត្តមណ្ឌលគិរី ក្នុងប្រតិបត្តិការពីរដាច់ដោយឡែកពីគ្នា
ខេត្តមណ្ឌលគិរី ៖ រថយន្តសាំងយ៉ុងចំនួនបីគ្រឿង ត្រូវបានចាប់បង្ក្រាបភ្លាមៗ ក្រោយធ្វើសកម្មភាពដឹកឈើខុសច្បាប់ចេញពីទឹកដីខេត្តមណ្ឌលគិរី ក្នុងប្រតិបត្តិការពីរដាច់ដោយឡែកពីគ្នា
ខេត្តមណ្ឌលគិរី ៖ រថយន្តសាំងយ៉ុងចំនួនបីគ្រឿង ត្រូវបានចាប់បង្ក្រាបភ្លាមៗ ក្រោយធ្វើសកម្មភាពដឹកឈើខុសច្បាប់ចេញពីទឹកដីខេត្តមណ្ឌលគិរី ក្នុងប្រតិបត្តិការពីរដាច់ដោយឡែកពីគ្នា ។ លោក ថាវ អឿង អភិបាលរងស្រុក នឹងជាប្រធានលេខាធិការរដ្ឋានបង្ក្រាបបទល្មើសគ្រប់ប្រភេទ នៃស្រុកកោះញែក បានឲ្យដឹងថា នៅវេលាម៉ោង០៩និង៣០នាទីយប់ ត្រូវថ្ងៃទី១៧ ខែតុលា ឆ្នាំ២០១៧ គណៈបញ្ជាការឯកភាពស្រុកដឹកនាំដោយរូបលោកផ្ទាល់ បានដេញចាប់រថយន្តសាំងយ៉ុងផ្ទុកឈើប្រភេទធ្នង់ នៅចំណុចអូរវ៉ាក់លើ បណ្តោយផ្លូវជាតិ៧៦ ចំនួនពីរគ្រឿង បម្រុងដឹកចេញទៅខេត្តរតនៈគីរី ។
បច្ចុប្បន្នក្រុមការងារចម្រុះបានប្រគល់រថយន្តទៅឲ្យជំនាញរដ្ឋបាលព្រៃឈើរក្សាទុកនៅស្នាក់ការរដ្ឋបាលព្រៃឈើត្រពាំងត្រាច ដើម្បីចាត់ការតាមច្បាប់ ។ ចំណែកករណីទីពីរប្រភពបានឲ្យដឹងថា មន្ត្រីជំនាញបរិស្ថានខេត្តមណ្ឌលគិរី បានធ្វើការបង្ក្រាបរថយន្តសាំងយ៉ុងមួយគ្រឿងដែលបានធ្វើសកម្មភាពលួចបន្លំដឹកឈើប្រណិតធ្នង់ ចេញពីក្រុងសែនមនោរម្យឆ្ពោះ ទៅស្រុកកែវសីមា ប៉ុន្តែត្រូវបានកម្លាំងជំនាញចាប់បង្ក្រាបភ្លាមៗលើបណ្តោយផ្លូវជាតិលេខ៧៦ នៅការ៉ាស់សាំងមួយកន្លែងនៅក្នុងទឹកដីស្រុកអូររាំង នាព្រឹកថ្ងៃទី១៨ ខែតុលា ឆ្នាំ២០១៧ ។
លោក កែវ សុភគ៌ ប្រធានមន្ទីរបរិស្ថានខេត្តបានឲ្យដឹងថា ក្រោយទទួលបានព័ត៌មានពីប្រភពថា មានរថយន្តសាំងយ៉ុងមួយគ្រឿងបានកំពុងធ្វើដំណើរចេញពីក្រុងសែនមនោរម្យ ដោយមានលួចផ្ទុកឈើប្រណិតខុសច្បាប់ ។ លោកបានបញ្ជាឲ្យកម្លាំងជំនាញប្រតិបត្តិការបង្ក្រាបភ្លាមៗ ។ ប៉ុន្តែជនសង្ស័យបានធ្វើសកម្មភាពរារាំង មិនព្រមសហការជាមួយជំនាញ ហើយបានបើករថយន្តល្មើសច្បាប់ចូលទៅជ្រកនៅទីតាំងការ៉ាស់សាំងមួយនៅស្រុកអូររាំង ។ ទោះជាយ៉ាងណា ក្រោយមានបទបញ្ជាពីលោកព្រះរាជអាជ្ញាររងខេត្ត កម្លាំងមន្ត្រីបរិស្ថានក៏បន្តសកម្មភាពចាប់អូសយករថយន្តដឹកឈើល្មើស ទៅកសាងសំណុំរឿងនៅមន្ទីរបរិស្ថានខេត្ត តាមផ្លូវច្បាប់ ។ ចំណែកម្ចាស់រថយន្តបានរត់គេចខ្លួនបាត់ស្រមោល ៕
ចែករំលែកព័តមាននេះ