អាណិតណាស់មានផ្ទៃពោះ បែរជាមិនបានឃើញកូន
ខេត្តកំពត ៖ ពិតជាហេតុការដ៏កម្រមានណាស់ដែលសត្វ
ខេត្តកំពត ៖ ពិតជាហេតុការដ៏កម្រមានណាស់ដែលសត្វ
ខេត្តកំពត ៖ ពិតជាហេតុការដ៏កម្រមានណាស់ដែលសត្វម្រើមព្រះខាំគេពុំដែលឃើញសត្វនេះខាំមនុស្សណាម្នាក់ទេ គឺកម្រនឹងខាំមនុស្សទាល់តែសោះ ទើបតែពេលនេះសត្វម្រើមព្រះបានខាំស្ត្រីជាកម្មការិនីរោងចក្រកាត់ដេរម្នាក់ មានផ្ទៃពោះជិតគ្រប់ខែផងដែរ ។
ស្ត្រីកម្មការិនីឈ្មោះ យិន ឆាយ៉ា អាយុ២៦ឆ្នាំ រីឯប្តីឈ្មោះ ចាប ណាង អាយុ២៧ឆ្នាំ មានទីលំនៅភូមិព្រែកអំពិល ឃុំកោះតូច ស្រុកទឹកឈូ ខេត្តកំពត ។
បើតាមសំដីលោក ឈូក ផូ មេឃុំកោះតូច ស្រុកទឹកឈូបានប្រាប់ថា ស្ត្រីកម្មការិនីដែលសត្វម្រើមព្រះខាំមុនពេលសំរាលកូននេះ នាងមានផ្ទៃពោះជិតគ្រប់ខែហើយ ដែលមានសុខភាពល្អធម្មតា ព្រោះទៅធ្វើការនៅក្នុងរោងចក្រជារៀងរាល់ថ្ងៃ ។ លោកបន្តទៀតថា មុនថ្ងៃកើតហេតុ២ថ្ងៃ នាងត្រូវសត្វម្រើមព្រះខាំត្រង់គូថ ពេលទាញខោមកស្លៀក នាងពុំបានក្រឡាស់ខោទេដោយសត្វម្រើមព្រះនៅសម្ងំ និងចង្កេះខោ រួចវាលូនមកខាំត្រង់គូថតែម្តង ។ ក្រោយពេលសត្វនេះខាំ នាងពុំមានការឈឺចាប់អ្វីទេ ប៉ុន្តែនាងបានមកមន្ទីរពេទ្យដែរ លោកគ្រូពេទ្យបើកថ្នាំឲ្យយកទៅលេប ហើយស្ត្រីរងគ្រោះក៏ទៅធ្វើការវិញធម្មតាបានចំនួនពីរថ្ងៃ លុះដល់ថ្ងៃទី១៥ ខែតុលា ឆ្នាំ២០១៧ ស្ត្រីរងគ្រោះបានឈឺពោះសំរាលកូន ។ បុរសជាប្តីបានដឹកនាងមកសំរាលនៅមន្ទីរពេទ្យកំពតយប់ថ្ងៃទី១៦ខែនេះ នាងសំរាលកូនរួច ប៉ុន្តែដោយសុខភាពនាងមានអាការដូចជាមិនប្រក្រតី គ្រូពេទ្យខេត្តបញ្ជូននាងទៅមន្ទីរពេទ្យភ្នំពេញ ។ ពេលសំរាកនៅមន្ទីរភ្នំពេញនៅម៉ោង៣និង០០នាទីទៀបភ្លឺថ្ងៃទី១៧ ខែតុលា ឆ្នាំ២០១៧ ស្ត្រីរងគ្រោះបានដាច់ខ្យល់ស្លាប់យ៉ាងអណោចអធ័មតែម្តងទៅ អ្វីដែលបានសន្សល់ទុកគឺទារិកាមួយដែលកើតមកមិនបានឃើញមុខម្តាយនឹងគេ ។
បញ្ជាក់ សមត្ថកិច្ចសន្និដ្ឋានថា ស្ត្រីរងគ្រោះពិតជាត្រូវពឹសសត្វម្រើមព្រះដែលខាំប៉ុន្មានថ្ងៃមុន ហើយសំរាលកូនទើបបានជួបហេតុការដូច្នេះ ព្រោះឃើញសាកសពមានសភាពជាំខ្មៅពេញដងខ្លួនក្រោយពេលស្លាប់ ៕
ចែករំលែកព័តមាននេះ