សាន ស្រីឡៃ ស្លា.ប់ ខណៈការសម្តែងភាពយន្តដំបូងទើបបាន50%
រាជធានីភ្នំពេញ ៖ នាងសាន ស្រីឡៃ នៅមិនទាន់បានបង្ហាញបទចម្រៀងច្រើននៅឡើយទេក្នុងផលិតកម្មហង្សមាស ។ នាងបានចូល
រាជធានីភ្នំពេញ ៖ នាងសាន ស្រីឡៃ នៅមិនទាន់បានបង្ហាញបទចម្រៀងច្រើននៅឡើយទេក្នុងផលិតកម្មហង្សមាស ។ នាងបានចូល
រាជធានីភ្នំពេញ ៖ នាងសាន ស្រីឡៃ នៅមិនទាន់បានបង្ហាញបទចម្រៀងច្រើននៅឡើយទេក្នុងផលិតកម្មហង្សមាស ។ នាងបានចូលផលិតកម្មនេះក្រោយពីនាងជាប់ដល់វគ្គផ្តាច់ព័ត្រក្នុងកម្មវិធី The Voice Cambodia រដូវកាលទី២ ។
សាន ស្រីឡៃ ជាបេក្ខនារីដែលត្រូវបានជ្រើសរើសដោយពេជ្រ សោភា តែម្នាក់គត់ក្នុងវគ្គ Blind audition ហើយនាងត្រូវCoach របស់ខ្លួនរូបនេះជ្រើសរើសឲ្យបានជាប់ជាបន្តបន្ទាប់រហូតដល់វគ្គផ្តាច់ព័ត្រ បើទោះបីជានាងមិនទទួលបានជ័យលាភីក៏ដោយ ។
សាន ស្រីឡៃ និងបេក្ខជនដទៃទៀតដែលជាប់ដល់វគ្គ Live Show ត្រូវផលិតកម្មហង្សមាសទទួលយកជាតារាចម្រៀងប្រចាំផលិតកម្ម ហើយផ្តល់ឱកាសឲ្យរូបនាងចេញច្រៀងតាមឆាកតន្ត្រីនានា ក៏ដូចជាចេញបទចម្រៀងជាបន្តបន្ទាប់ ។
មួយរយៈចុងក្រោយនេះបទចម្រៀងរបស់សាន ស្រីឡៃ ចេញជាបន្តបន្ទាប់នៅក្នុងផលិតកម្មហង្សមាស ក្នុងនោះបទចម្រៀងរបស់នាងមួយចំនួនទទួលបានការគាំទ្រពីប្រិយមិត្តអ្នកស្តាប់ ។ បទចម្រៀងដែលចេញរួចហើយរបស់នាងមានដូចជាបទ «នឹកគេស្ទើរស្លាប់ខ្លួន» «ទឹកភ្នែកសាប» «អាការស្នេហ៍» «ទប់ៗខ្លះទៅ» «គ្មានអ្វីក្រៅពីសុំទោស» និងបទចុងក្រោយមុនពេលដែលនាងទទួលមរណភាព គឺបទ «ឈឺចាប់ពីរដងបានហើយ» ។ បទនេះមានសន្ទុះគាំទ្រខ្លាំង ក្រោយពីបានបង្ហោះក្នុងផេករបស់ផលិតកម្មហង្សមាស គឺមានអ្នកចូលទស្សនាច្រើនម៉ឺននាក់ ។
ក្រៅពីបទចម្រៀង នាងសាន ស្រីឡៃ ត្រូវក្រុមហ៊ុនហង្សមាសផ្តល់ឱកាសឲ្យសម្តែងក្នុងខ្សែភាពយន្តភាគលើកដំបូង គឺរឿង «រាជិនីភូមិគ្រឹះ» ។ ប៉ុន្តែជាអកុសលនាងថតទើបតែបានប្រហែល៥០ភាគរយ នាងក៏ត្រូវអតីតស្វាមីបាញ់សម្លាប់ ។
សាន ស្រីឡៃ ត្រូវក្រុមគ្រួសារអះអាងថា នាងចូលចិត្តច្រៀងតាំងពីតូច មុនពេលដែលនាងមានឱកាសបានចូលរួមប្រឡងក្នុងកម្មវិធីលំដាប់ពិភពលោក ហើយក្លាយជាតារាចម្រៀងតាមក្តីប្រាថ្នា ។
មរណភាពរបស់សាន ស្រីឡៃ ធ្វើឲ្យមហាជនចាប់អារម្មណ៍ខ្លាំង ក្នុងនោះអ្នកសិល្បៈជាច្រើនបានសម្តែងការសោកស្តាយចំពោះការបាត់បង់នាងពីការបាញ់ប្រហារ ៕
ចែករំលែកព័តមាននេះ