សម្តេចតេជោ ៖ ការតម្លើងប្រាក់ឈ្នួលត្រូវគិតអំពីការទ្រាំទ្របាននៃអ្នកវិនិយោគ
រាជធានីភ្នំពេញ ៖ ប្រមុខរាជរដ្ឋាភិបាលសម្តេចនាយរដ្ឋមន្ត្រី ហ៊ុន សែន បានណែនាំបងប្អូនកម្មករយល់ឲ្យច្បាស់ថា
រាជធានីភ្នំពេញ ៖ ប្រមុខរាជរដ្ឋាភិបាលសម្តេចនាយរដ្ឋមន្ត្រី ហ៊ុន សែន បានណែនាំបងប្អូនកម្មករយល់ឲ្យច្បាស់ថា មានតែសន្តិភាពទេ ដែលអាចឲ្យមានការអភិវឌ្ឍន៍ ជាពិសេសដើម្បីទាក់ទាញអ្នកវិនិ យោគបន្តវិនិយោគនៅកម្ពុជា គឺចាំបាច់ត្រូវពិចារណាឲ្យបានដិតដល់លើបញ្ហានៃការតម្លើងប្រាក់ខែអប្បបមារសម្រាប់កម្មករ កម្មការិនីនៅវិស័យកាត់ដេរ និងវាយនភ័ណ្ឌ ។
ថ្លែងនៅក្នុងពិធីជួបសំណេះសំណាលជាមួយកម្មករ កម្មការិនីជាង១ម៉ឺននាក់ នៅរោងចក្រតំបន់កំបូល នៅរាជធានីភ្នំពេញ ថ្ងៃទី១៨ ខែតុលា ឆ្នាំ២០១៧ សម្តេចតេជោបានបញ្ជាក់ថា កម្ពុជាត្រូវមានការប្រុងប្រយ័ត្នខ្ពស់ ធ្វើយ៉ាងណាកុំឲ្យការតម្លើងហួសពីសមត្ថភាពអ្នកវិនិយោគ ដែលអាចធ្វើឲ្យប្រទេសមួយចំនួនដែលប្រកួតប្រជែងជាមួយកម្ពុជាអាចទាញអ្នកវិនិយោគទៅសង់រោងចក្រនៅប្រទេសគេ ដែលប្រទេសទាំងនោះមានដូចជាប្រទេសឡាវ បច្ចុប្បន្នប្រាក់ខែកម្មករតែ ១១០ដុល្លារក្នុងមួយខែ, ប្រទេសមីយ៉ាន់ម៉ា តែ៧៩ដុល្លារ … និងប្រទេសឥណ្ឌា តែ៧៧ដុល្លារក្នុងមួយខែ ។
សម្តេចតេជោបានបញ្ជាក់ថា៖ «ដូច្នេះការទាមទារទាំងអស់ ក៏យើងត្រូវគិតអំពីការទ្រាំទ្របាននៃអ្នកវិនិយោគ»។ សម្តេចបានរម្លឹកថា ការដំឡើងប្រាក់ខែអប្បបមារកន្លងទៅ គឺនិយោកជក មានលទ្ធភាពត្រឹមតែ ១៦៥ដុល្លារទេ។ ដូច្នេះហើយដើម្បីបាន១៧០ដុល្លារក្នុងមួយខែសម្រាប់កម្មករ កម្មការិនី គឺរាជរដ្ឋាភិបាលត្រូវលះបង់ប្រមាណជាង ៤០ លានដុល្លារអាមេរិកក្នុងមួយឆ្នាំ «ព្រោះកុំឲ្យបន្ទុកនេះធ្លាក់ធ្ងន់ពេកលើម្ចាស់រោងចក្រ» ៕
ចែករំលែកព័តមាននេះ