សង្ស័យងងុយដេក បើករថយន្តឡើងលើខឿនចែកទ្រូងផ្លូវ
រាជធានីភ្នំពេញ ៖ រថយន្ត HILUX VIGO មួយគ្រឿងសង្ស័យអ្នកបើកបរស្រវឹងស្រា
រាជធានីភ្នំពេញ ៖ រថយន្ត HILUX VIGO មួយគ្រឿងសង្ស័យអ្នកបើកបរស្រវឹងស្រា
រាជធានីភ្នំពេញ ៖ រថយន្ត HILUX VIGO មួយគ្រឿងសង្ស័យអ្នកបើកបរស្រវឹងស្រា បានបើករេចង្កូត ឡើងលើខឿនពុះចែកទ្រូងផ្លូវ ហើយរថយន្តជ្រុលទៅបុកនឹងបង្គោលភ្លើងបំភ្លឺផ្លូវពេញទំហឹង បណ្តាលឲ្យរងការខូចខាតរថយន្តយ៉ាងដំណំ ចំណែកបង្គោលភ្លើងក្រពឹតបន្តិចបន្តួច តែសំណាងល្អមិនមានគ្រោះថ្នាក់ដល់អ្នកបើកបរ។ ហេតុការណ៍នេះដែរបានកើតឡើងនៅវេលាម៉ោង៨ និង៣០នាទីយប់ ថ្ងៃទី១៧ ខែតុលា ឆ្នាំ២០១៧ ដែលមានទីតាំងជិតវត្តនិរោធរង្សី ផ្លូវជាតិលេខ១ សង្កាត់និរោធ ខណ្ឌច្បារអំពៅ។
តាមប្រភពព័ត៌មាន ពីកន្លែងកើតបានឲ្យដឹងថា មុនពេលកើតហេតុ គេបានឃើញបុរសវ័យប្រហែល៣០ឆ្នាំ បានបើករថយន្តម៉ាក HILUX VIGO ពណ៌ទឹកប្រាក់ ពាក់ស្លាកលេខ AT16 2.0552 បានធ្វើដំណើរតាមផ្លូវ ជាតិលេខ១ ក្នុងទិសដៅពីលិចទៅកើត ក្នុងល្បឿនលឿនដូចហោះ ខណៈមកដល់ចំណុចកើតហេតុ សង្ស័យអ្នកបើកបរស្រវឹងស្រាផង ស្រាប់តែរថយន្តបានរេចង្កូតឡើងលើខឿនពុះចែកទ្រូងផ្លូវ ហើយឲ្យរថយន្ត ជ្រុលទៅបុកនឹងបង្គោលភ្លើងបំភ្លឺផ្លូវពេញទំហឹង បណ្តាលឲ្យរងការខូចខាតខ្ទេចផ្នែកខាងមុខ និងផ្ទុះពោងសុវត្ថិភាព តែសំណាងល្អមិនមានគ្រោះថ្នាក់ដល់អ្នកបើកបររថយន្តនោះទេ។
ភ្លាមនោះដែរ អ្នកបើករថយន្ត បានរត់គេចខ្លួនបាត់។ ដោយឡែកបង្គោលភ្លើងវិញ រងការខូចខាតក្រពឹត និងវៀចទ្រង់ទ្រាយដើមបន្តិចបន្តួច។ ក្រោយពេលកើតហេតុ សមត្ថកិច្ចបានទៅដល់កន្លែងកើតហេតុ រួចហើយបានស្ទូចយករថយន្ត ទៅរក្សារទុកនៅអធិការដ្ឋានខណ្ឌច្បាអំពៅ ដើម្បីរង់ចាំធ្វើការដោះស្រាយ៕
ចែករំលែកព័តមាននេះ