កងទ័ពតាមប្រមាញ់ប្រមុខថ្មីនៅអាស៊ីអាគ្នេយ៍
កងទ័ពកាលពីថ្ងៃទី១៧ តុលា តាមប្រមាញ់ដែលចាត់ទុកថា
កងទ័ពកាលពីថ្ងៃទី១៧ តុលា តាមប្រមាញ់ដែលចាត់ទុកថា
ប្រទេសហ្វ៊ីលីពីន ៖ កងទ័ពហ្វ៊ីលីពីនកាលពីថ្ងៃទី១៧ តុលា តាមប្រមាញ់ជនជីហាដម៉ាឡេស៊ីម្នាក់ ដែលចាត់ទុកថាជាអ្នកឡើងបន្តវេនប្រមុខក្រុមរដ្ឋអ៊ិស្លាមនៅអាស៊ីអាគ្នេយ៍ដែលការស្លាប់របស់គេត្រូវបានអាជ្ញាធរក្រុងម៉ានីលប្រកាសកាលពីថ្ងៃទី១៦ តុលា ។
ក្រោយការសម្លាប់ជនឈ្មោះអុីស្នីឡូន ហាពីឡូន ដែលមានឈ្មោះក្នុងបញ្ជីខ្មៅអាមេរិក និងការស្លាប់របស់ជនឈ្មោះ OMAR MAUTE ប្រមុខម្នាក់ទៀតរបស់ក្រុមរដ្ឋអ៊ិស្លាមនៅអាស៊ីអាគ្នេយ៍ឈ្មោះ MAHMOUD AHMAD ជាគោលដៅសំខាន់របស់កងទាហានហ្វ៊ីលីពីនដែលប៉ុនប៉ងវាយដណ្តើមកាន់កាប់ទីក្រុង MARAWI នាភាគខាងត្បូងប្រទេសឱ្យបានទាំងស្រុង ។
ចាប់តាំងពីពួកអ៊ិស្លាមនិយមចូលកាន់កាប់ទីក្រុងនេះពីថ្ងៃទី២៣ ឧសភា មកការប្រយុទ្ធគ្នាបណ្តាលឱ្យមនុស្សស្លាប់ជាង១.០០០នាក់ ហើយក្រុងធំនេះរងការបំផ្លាញ ។ ប្រធានាធិបតីហ្វ៊ីលីពីនលោក RODRIGO DUTERTE ក៏ដូចជាបណ្តាអ្នកវិភាគដែរចាត់ទុកហាពីឡូនថាជាអេមៀរក្រុមរដ្ឋអ៊ិស្លាមនៅអាស៊ីអាគ្នេយ៍ ហើយជាតួអង្គសំខាន់ដែលគ្រោងបង្កើតរដ្ឋកាលីហ្វាតមួយ ខណៈក្រុមជីហាដនេះរងការបាក់ទ័ពយ៉ាងខ្លាំងនៅអីុិរ៉ាក់ និងស៊ីរី ។
ជាប្រមុខក្រុមអាប៊ូសៃយ៉ាហ្វ ជាក្រុមជ្រុលនិយមមានឯកទេសខាងការចាប់ពង្រត់មនុស្សហាពីឡូន បានធ្វើសម្ព័ន្ធភាពមួយជាមួយក្រុម MAUTE ដែលដើរតាមគន្លងក្រុមរដ្ឋអ៊ិស្លាមដែរ ។ កងទ័ពក្រុងម៉ានីលធ្លាប់ប្រកាសកាលពីខែកញ្ញាពីការសម្លាប់ប្អូនប្រុសរបស់ OMAR MAUTE ឈ្មោះ ABDOULLAH ។
អ្នកនាំពាក្យយោធាហ្វ៊ីលីពីនឧត្តមសេនីយ៍ RESTITUTO PADILLA ថ្លែងនាថ្ងៃទី១៧ តុលា ថា MAMOUD ជាគោលដៅសំខាន់ទីមួយក្នុងប្រតិបត្តិការដែលកំពុងធ្វើ ៕
ចែករំលែកព័តមាននេះ