រឿងរ៉ាវស្នេហាអ្នកនាង សាន ស្រីឡៃ បញ្ចប់ដោយគ្រាប់កាំភ្លើងយ៉ាងឃោរឃៅ ផ្អើលរាជធានី
រាជធានីភ្នំពេញ ៖ តារាចម្រៀងមានរូបឆោមឆើតឆាយនាង សាន ស្រីឡៃ
រាជធានីភ្នំពេញ ៖ តារាចម្រៀងមានរូបឆោមឆើតឆាយនាង សាន ស្រីឡៃ
រាជធានីភ្នំពេញ ៖ តារាចម្រៀងមានរូបឆោមឆើតឆាយនាង សាន ស្រីឡៃ ត្រូវបានបុរសជាអតីតប្តីបាញ់ប្រហារចំនួន៣គ្រាប់យ៉ាងជិតបំផុត បណ្តាលឱ្យស្លាប់បាត់បង់ជីវិតភ្លាមៗ រួចហើយបុរសរូបនោះ ក៏បានបាញ់ក្បាលខ្លួនឯងចំនួន១គ្រាប់ ដេកស្លាប់ក្បែរគ្នាក្នុងថ្លុកឈាម ។ តាមប្រភពព័ត៌មានបានឱ្យដឹងថា ការកើតមានហេតុការណ៍គួរឱ្យរន្ធត់នេះគឺបន្ទាប់ពីពួកគេទាំងពីរនាក់ទើបតែធ្វើការលែងលះគ្នា និងមិនដឹងថាមកពីមូលហេតុអ្វីច្បាស់លាស់ឡើយ ។
ហេតុការណ៍ដែលធ្វើឱ្យមានការភ្ញាក់ផ្អើលនេះបានកើតឡើងនៅវេលាម៉ោង៣និង ៤៥នាទីរសៀលថ្ងៃទី១៦ តុលា នៅក្នុងមន្ទីរសំរាកព្យាបាល វ៉ាយ តាឡុងហ្គា ដែលជាកន្លែងកែសម្ផស្សមានទីតាំងផ្ទះលេខ៥២A ផ្លូវលេខ៣៦០ កែងនិងផ្លូវលេខ៥៧ ក្នុងសង្កាត់បឹងកេងកងទី១ ខណ្ឌចំការមន ក្បែរស្ថានីយទូរទស្សន៍អប្សរា ។នាងសាន ស្រីឡែ គឺជាបេក្ខភាពThe Voice Cambodiaរដូវកាលទី២ដែលនាងបានជាប់ក្នុងជម្រើស៤នាក់ ។
តាមប្រភពព័ត៌មានពីអ្នករត់ម៉ូតូរ៉ឺម៉កកង់បីម្នាក់ដែលបានឃើញហេតុការណ៍ឱ្យដឹងថា មុនពេលកើតហេតុគាត់បានឃើញស្ត្រីវ័យក្មេងដែលមានសម្រស់ស្រស់ស្អាតម្នាក់(នាងសាន ស្រីឡែ)ជិះរថយន្តម៉ាកឡិចស៊ីសRX៣០០មួយគ្រឿងតែម្នាក់ឯង ចូលទៅក្នុងហាងកែសម្ផស្សវ៉ាយ តាឡុងហ្គា បានបន្តិចក៏ស្រាប់តែឃើញបុរសម្នាក់ជិះម៉ូតូម៉ាកហុងដាC១២៥ ពណ៌ខ្មៅមួយគ្រឿងមកឈប់ខាងមុខហាង រួចដើរយ៉ាងប្រញាប់ប្រញាល់ចូលទៅខាងក្នុងដែរ ។
ក្រោយបន្តិចមក ក៏ស្រាប់តែឭសំឡេងផ្ទុះអាវុធជាច្រើនគ្រាប់ ដែលមុនដំបូងគាត់នឹកស្មានតែផ្ទុះហ្គាស ក៏បានរត់ចូលទៅមើល ក៏ស្រាប់តែប្រទះឃើញមានបុរសម្នាក់ និងស្ត្រីស្អាតម្នាក់នោះដេកស្លាប់ក្នុងថ្លុកឈាមទាំងពីរនាក់ នៅមាត់ទ្វារហាង ។ ក្រោយពេលកើតហេតុទើបម្ចាស់ទីតាំងខាងលើ រាយការណ៍ទៅប្រាប់កម្លាំងមានសមត្ថកិច្ចនិងទើបបង្កការភ្ញាក់ផ្អើលយ៉ាងខ្លាំងតែម្តង ដោយសារតែនាងត្រូវបានគេស្គាល់ថាជាតារាចម្រៀងម្នាក់ ។
តាមប្រភពពីមន្ត្រីសមត្ថកិច្ចមួយរូបបានប្រាប់ឱ្យដឹងថា នារីរងគ្រោះឈ្មោះ សាន ស្រីឡៃ អាយុ២៦ឆ្នាំ ជាតារាចំរៀង និងមានទីលំនៅក្រុងប៉ោយប៉ែត និងបុរសជាអតីតប្តីមានឈ្មោះ ជ័យ រិន អាយុ៣៥ឆ្នាំ ជាជំនួយការសាខាគយខេត្តកំពង់ចាម និងមានស្រុកកំណើតនៅខេត្តព្រៃវែង ។
មុនពេលកើតហេតុនាងបានជិះរថយន្តម៉ាកឡិចស៊ីសRX៣០០មួយគ្រឿង ចូលមកហាងខាងលើក្នុងបំណងម៉ាស្សាខ្លួនឱ្យគ្រាន់តែជិះចូលខាងក្នុងរបង និងចុះពីលើរថយន្តដើរបាន២ទៅ៣ជំហ៊ានដល់មាត់ទ្វារហាង ក៏ស្រាប់តែលេចមុខបុរសជាអតីតប្តីជិះម៉ូតូចូលមក (C១២៥ ពណ៌ខ្មៅ ស៊េរីឆ្នាំ២០១៦ មួយគ្រឿង)យកមកចតនៅមុខហាងនិងរត់ចូលតាមតែម្តង ។ តាមប្រភពដដែលបានប្រាប់បន្តថា ពេលដែលបុរសរូបនោះរត់ចូលទៅរកនោះ ក៏មានការឈ្លោះប្រកែកគ្នា ក៏បានដកកាំភ្លើងខ្លីម៉ាករូឡូ ពណ៌ខ្មៅមួយដើមពីចង្កេះ បាញ់សន្ធាប់ទៅលើនារីរងគ្រោះចំនួន៣គ្រាប់ រួចហើយក៏បាញ់ក្បាលខ្លួនឯងចំនួន១គ្រាប់ទៀត បណ្តាលឱ្យដេកស្លាប់នៅក្នុងថ្លុកឈាមទាំងពីរនាក់តែម្តង ។
ករណីបាញ់សម្លាប់នេះដែរ កម្លាំងមានសមត្ថកិច្ចមិនទាន់បានដឹងច្បាស់ពីមូលហេតុនោះទេ ដោយគ្រាន់តែអាចសន្និដ្ឋានថា ទំនងកើតឡើងពីរឿងស្នេហាបែកបាក់ ព្រោះពួកគេទាំងពីរនាក់ទើបតែធ្វើការលែងលះគ្នា ។ ក្រោយពេលកើតហេតុកម្លាំងមានសមត្ថកិច្ចបានពិនិត្យលើសពនារីរងគ្រោះបានរងនូវគ្រាប់កាំភ្លើងចំនួន៣គ្រាប់នៅលើដងខ្លួន ។ ចំណែកឯបុរសជាអតីតប្តីរងនូវគ្រាប់កាំភ្លើងចំនួន ១គ្រាប់ត្រង់ក្បាល និងអាវុធខ្លីម៉ាករ៉ូឡូមួយដើមនៅនឹងកន្លែងកើតហេតុ ។
តាមប្រភពខាងក្រៅបានខ្សឹបឱ្យដឹងថា រវាងអ្នកទាំងពីរនាក់នេះ គឺជាអតីតប្តីប្រពន្ធនឹងគ្នា និងទើបតែបានធ្វើការលែងលះគ្នា ហើយនារីជាតារាចម្រៀងរូបនេះ ទំនងជាមានស្នេហាភេទដូចគ្នា(ស្រីស្រឡាញ់ស្រី)ទើបធ្វើឱ្យបុរសជាប្តីតាមបាញ់សម្លាប់ និងបាញ់ខ្លួនឯងឱ្យស្លាប់តាមក្រោយបែបនេះតែម្តង ។ ជុំវិញព័ត៌មានក្រៅផ្លូវការនេះមិនទាន់អាចយកការណ៍បាននោះទេ។
ចែករំលែកព័តមាននេះ