ខេត្តបន្ទាយមានជ័យ ៖ ថវិកាចំនួន១៥លានរៀលនិងគ្រឿងឧបភោបរិភោគមួយចំនួនធំរួមមានមី ទឹកបរិសុទ្ធ ទឹកត្រី ទឹកស៊ីអ៊ីវ ព្រមទាំងជ្រូកកា.ប់រួចចំនួន១០ក្បាលផង ត្រូវបានអាជ្ញាធរក្រុងនិងសង្កាត់ប៉ោយប៉ែតទទួលបានជាអំណោយសប្បុរសពីប្រជាពលរដ្ឋតាមរយៈមូលនិធិក្រុង ដើម្បីជួយដល់កម្លាំងជួរមុខដែលកំពុងឈរជើងការពារ
ខេត្តបន្ទាយមានជ័យ ៖ ថវិកាចំនួន១៥លានរៀលនិងគ្រឿងឧបភោបរិភោគមួយចំនួនធំរួមមានមី ទឹកបរិសុទ្ធ ទឹកត្រី ទឹកស៊ីអ៊ីវ ព្រមទាំងជ្រូកកាប់រួចចំនួន១០ក្បាលផង ត្រូវបានអាជ្ញាធរក្រុងនិងសង្កាត់ប៉ោយប៉ែតទទួលបានជាអំណោយសប្បុរសពីប្រជាពលរដ្ឋតាមរយៈមូលនិធិក្រុង ដើម្បីជួយដល់កម្លាំងជួរមុខដែលកំពុងឈរជើងការពារបូរណភាពទឹកដីនៅឯប្រាសាទតាមាន់និងប្រាសាទតាក្របីនាខេត្តឧត្តរមានជ័យ ហើយត្រូវបានត្រៀមនាំទៅផ្តល់ជូននៅថ្ងៃទី២៨ មេសានេះ ។
ថវិកានិងគ្រឿងឧបភោគបរិភោគខាងលើជាអំណោយសប្បុរសរបស់ប្រជាពលរដ្ឋតាមរយៈមូលនិធិសាលាក្រុងមួយដែលផ្តួចផ្តើមឡើងដោយលោកទ្រី ណារិន អភិបាលក្រុងប៉ោយប៉ែត ។ ការបង្កើតមូលនិធិនេះគឺរយៈពេល២ថ្ងៃចាប់តាំងពីថ្ងៃទី២៥ មេសា ដល់ល្ងាចថ្ងៃទី២៦ មេសា ដោយអាជ្ញាធរទាំងក្រុងទាំងសង្កាត់ បានធ្វើការអំពាវនាវរកអំណោយរហូតទទួលបានថវិកានិងគ្រឿងឧបភោគបរិភោគទាំងនេះ ។ រយៈពេល២ថ្ងៃនៃការអំពាវនាវរកអំណោយជួយដល់កម្លាំងជួរមុខនៅឯប្រាសាទតាមាន់និងប្រាសាទតាក្របីនេះ គេឃើញប្រជាពលរដ្ឋទាំងស្រីទាំងប្រុសមិនថាកម្មករអូសរទេះនោះទេ គឺបានយកថវិកា សំភារនិងគ្រឿងឧបភោគបរិភោគតាមលទ្ធភាពទៅចូលរួមដល់មូលនិធិយ៉ាងស្រាក់ស្រាំ ។
លោកសាន ស៊ានហូ ចៅសង្កាត់ប៉ោយប៉ែតមានប្រសាសន៍ថា ថវិកានិងគ្រឿងឧបភោគបរិភោគទាំងនេះគឺទទួលបានពីប្រជាពលរដ្ឋរួមទាំងមន្ត្រីរាជការនិងសមត្ថកិច្ចគ្រប់អង្គភាពតាមរយៈមូលនិធិសាលាក្រុងដែលអំពាវនាវដើម្បីជួយដល់កម្លាំងជួរមុខដែលកំពុងប្រយុទ្ធការពារបូរណភាពទឹកដីនៅឯប្រាសាទតាមាន់និងប្រាសាទតាក្របីក្នុងខេត្តឧត្តរមានជ័យ ។
លោកចៅសង្កាត់បន្តថា ការបង្កើតមូលនិធិរកអំណោយនេះគឺជាការផ្តួចផ្តើមឡើងរបស់លោកទ្រី ណារិន អភិបាលក្រុង ក្រោយពីមានការចង្អុលបង្ហាញពីលោកអ៊ុង អឿន អភិបាលខេត្ត ហើយថវិកានិងគ្រឿងឧបភោគបរិភោគទាំងនេះ អាជ្ញាធរក្រុងនិងសង្កាត់នឹងដឹកយកទៅជូនដល់កងកម្លាំងជួរមុខនៅព្រឹកថ្ងៃទី២៨ មេសា ៕
ចែករំលែកព័តមាននេះ