ដល់.ក ! ឡិចស៊ីសបុកបង្គោលគីឡូម៉ែត្រចេញគ្រញូង
ខេត្តកំពង់ចាម ៖ រថយន្តម៉ាកឡិចស៊ីស RX300 មួយគ្រឿង ពាក់ស្លាកលេខ ភ្នំពេញ ២D-៧៩៦១
ខេត្តកំពង់ចាម ៖ រថយន្តម៉ាកឡិចស៊ីស RX300 មួយគ្រឿង ពាក់ស្លាកលេខ ភ្នំពេញ ២D-៧៩៦១ បានបោះពួយចេញពមកពីខេត្តកំពង់ធំ ដោយបានប្រើប្រាស់ល្បឿនលឿននៅលើកំណាត់ផ្លូជាតិលេខ៦ក្នុងទិសដៅពីជើងមកត្បូង ។ លុះពេលមកដល់ត្រង់ចំណុចភូមិប៉ាខម ឃុំសំពងជ័យ ស្រុកជើងព្រៃ ក៏បានជួបនឹងគ្រោះថ្នាក់ចរាចរណ៏ ដោយបានបើកបុកបង្គោលគីឡូម៉ែត្ររងការខូចខាតរថយន្តទៅមុខលែងរួចបង្កឲ្យមានការភ្ញាក់ផ្អើលនៅវេលាម៉ោង៦នឹង៣០នាទីព្រឹក ថ្ងៃទី១៥ ខែតុលា ឆ្នាំ២០១៧ ។
តាមប្រភពពីលោកវរសេនីយ៏ត្រី ប៊ូ សុខគេង នគរបាលសេដ្ឋកិច្ចខេត្តប្រាប់ឲ្យដឹងថា ក្នុងពេលដែលរថយន្តខាងលើបានជួបនឹងហេតុការណ៏គ្រោះថ្នាក់ចរាចរណ៏នៅលើផ្លូវជាតិនោះ លុះពេលដែលប្រជាពលរដ្ឋនាំគ្នាទៅមើលឃើញមានសុទ្ធតែឈើគ្រញូងឡើងពេញរថយន្ត ប៉ុស្តិ៍រដ្ឋបាលមូលដ្ឋានបានចុះមកពិនិត្យមើល និងការពារកន្លែងកើតហេតុដោយរងចាំកម្លាំងនគរបាលចរាចរណ៏ស្រុកចុះមកយករថយន្ត ។ លោកវរសេនីយ៏ត្រីបន្តថា រថយន្តដឹកបទល្មើសដែលជួបនឹងហេតុការណ៏គ្រោះថ្នាក់ចរាចរណ៏នេះ ត្រូវបានស្ទូចលើកដាក់លើរថយន្តធំ១គ្រឿងដឹកមករក្សាទុកនៅអធិការដ្ឋាននគរបាលស្រុកជើងព្រៃ ។ បន្ទាប់មកមានកម្លាំងនគរបាលសេដ្ឋកិច្ចខេត្ត និងរដ្ឋបាលព្រៃឈើបានចុះមកពិនិត្យលើកឈើគ្រញូងថ្លឹង ដើម្បីឲ្យដឹងពីចំនួនពិតប្រាកដនោះ តាមតម្រុយប្រសិនបើរថយន្តនេះមិនជួបនឹងហេតុការណ៏គ្រោះថ្នាក់ចរាចរណ៏គឺបើកចេញពីខេត្តកំពង់ធំ ក្នុងទិសដៅទៅកាន់រាជធានីភ្នំពេញ ។
លោក កែវ ដាឌីធី នាយផ្នែករដ្ឋបាលព្រៃឈើកំពង់ចាមត្រើយស្តាំ ប្រាប់ឲ្យដឹងដែរថា ចំពោះឈើគ្រញូងដែលដឹកតាមមធ្យោបាយរថយន្តឡិចស៊ីស១គ្រឿងខាងលើ ដែលបានជួបនឹងហេតុការណ៏គ្រោះថ្នាក់ចរាចរណ៏នោះត្រូវបានរក្សាទុកនៅអធិការដ្ឋាននគរបាលស្រុកជើងព្រៃនៅឡើយ ។ ដោយកម្លាំងសង្កាត់រដ្ឋបាលព្រៃឈើជើងព្រៃមិនទាន់ត្រូវបានសមត្ថកិច្ចប្រគល់ឈើគ្រញូងឲ្យនៅឡើយទេនារសៀលថ្ងៃទី១៥ ខែតុលា ឆ្នាំ២០១៧ ទោះជាបែបណាក្តីរូបលោកនឹងចាត់ឲ្យមន្ត្រីក្រោមឪវាទសុំយកឈើល្មើសច្បាប់ដើម្បីចាត់ការតាមនីតិវិធីច្បាប់នោះ ៕
ចែករំលែកព័តមាននេះ